शिर्डीच्या साईबाबांचं मतदार यादीत नाव
साईबाबांचं नाव मतदार यादीत नोंदविण्यासाठी इरो-नेट ऑनलाईन प्रणालिचा गैरवापर करण्यात आला आहे. याप्रकरणी अज्ञात व्यक्तीविरोधात गुन्हा दाखल करण्यात आला आहे.
शिर्डी : शिर्डीच्या साईबाबांचं नाव मतदार यादीत समाविष्ट केल्याचा धक्कादायक प्रकार समोर आला आहे. शिर्डीतील मतदार यादीत अवैधरित्या साईबाबांचं नाव नोंदविण्यात आलं आहे. अज्ञात व्यक्तीविरोधात राहाता पोलिस ठाण्यात याप्रकरणी गुन्हा दाखल करण्यात आला आहे. ऑनलाईन प्रणालीचा कशाप्रकारे गैरवापर केला जाऊ शकतो, हे यातून समोर आलं आहे.
साईबाबांचं नाव मतदार यादीत नोंदविण्यासाठी इरो-नेट या ऑनलाईन प्रणालीचा गैरवापर करण्यात आला आहे. 1 जानेवारी रोजी हा सगळा प्रकार उघड झाला होता. कारवाई करण्यासाठी पोलिसांनी केलेल्या दिरंगाईमुळे गुन्हा उशिरा दाखल झाला आहे. नायब तहसिलदार एस.एच.म्हस्के यांच्या फिर्यादीवरुन गुन्हा दाखल करण्यात आला आहे.
शिर्डीच्या साईबाबांचे नाव मतदार यादीत समाविष्ट करण्यासाठी नमुना नंबर 6 भरला होता. यासाठी पत्ताही साईमंदिर शिर्डी असा दिला होता. छाननी करीत असताना हा प्रकार नायब तहसीलदार एस.एच.म्हस्के यांच्या लक्षात आल्याने त्यांनी तात्काळ राहाता पोलिसांना या बाबत कळविले होते.
सदर गुन्हा सायबर क्राईम असल्याने पोलिसांनी म्हस्के यांना अहमदनगरला याबाबत तक्रार करण्यास सांगितले. सायबर सेलकडे गेले असता त्यांनीही तक्रार दाखल करण्यास असमर्थता दाखविली. त्यामुळे सदर गुन्हा दाखल करण्यास विलंब झाला. अखेर मंगळवारी राहाता पोलिसांनी नायब तहसीलदार म्हस्के यांच्या फिर्यादीवरून अज्ञात व्यक्ती विरुद्ध गुन्हा दाखल केला.
Before You Go
Mahendra Dalvi On Sunil Tatkare : सुनील तटकरेंवर टीका करताना आमदार महेंद्र दळवींची जीभ घसरली
महत्त्वाच्या बातम्या
