एक्स्प्लोर
Advertisement
भानामती करा, लिंबू बांधा, मी कोणाला घाबरत नाही, सतेज पाटलांनी ठणकावलं
'आमचं ठरलं आहे, कोणाला निवडून आणायचं. त्यामुळे तुम्ही काहीही केलं तरी आमच्यावर काहीही परिणाम होणार नाही.' अशा शब्दात भानामतीसारख्या अंधश्रद्धांना खतपाणी घालणाऱ्या विरोधकांना काँग्रेस आमदार सतेज पाटील यांनी फटकारलं
कोल्हापूर : तुम्ही भानामती करा, नाही तर लिंबू बांधा, मला काही फरक पडत नाही, अशा शब्दात कोल्हापुरातील काँग्रेस आमदार आणि माजी मंत्री सतेज (बंटी) पाटील यांनी विरोधकांना ठणकावलं.
'लोकसभेची निवडणूक जवळ आल्यामुळे भानामती आमच्या घराकडे येऊ लागली आहे. तुम्ही भानामती करा, लिंबू बांधा, किंवा दुसरं काही पण करा, मला काही फरक पडत नाही आणि मी त्याला घाबरत पण नाही.' असं सतेज पाटील म्हणाले.
'आमचं ठरलं आहे, कोणाला निवडून आणायचं. त्यामुळे तुम्ही काहीही केलं तरी आमच्यावर काहीही परिणाम होणार नाही.' असंही सतेज पाटील म्हणाले.
कोल्हापुरातील कसबा बावडा भागातील यशवंत निवास या सतेज पाटलांच्या घरासमोर भानामतीचा प्रकार बुधवारी उघडकीस आला होता. झुडपात पांढऱ्या कपड्यात काळी बाहुली बांधून त्याला हळदी कुंकू लावण्यात आलं होतं. या घटनेला चार दिवस उलटत नाहीत, तोच मंगळवारी अमावस्येच्या मध्यरात्री पुन्हा एकदा बाहुली टाकण्यात आली.
खरं तर भानामती वगैरे अंधश्रद्धेचा प्रकार आहे. मात्र स्थानिकांमध्ये विविध चर्चांना उधाण आले आहे. लोकसभा निवडणुकीच्या तोंडावर घडत असलेल्या या प्रकारांमुळे सतेज पाटलांच्या कार्यकर्त्यांमध्ये संतापाची लाट उसळली आहे.
व्हिडीओ पाहा
निवडणुकांच्या तोंडावर काळ्या जादू सारख्या अघोरी आणि अंधश्रद्धांचा वापर कोल्हापूर जिल्ह्याला नवीन नाही. यापूर्वीच्या अनेक लोकसभा, विधानसभा, जिल्हा परिषद, महानगरपालिका, नगरपालिका, नगरपरिषद, पंचायत समिती, ग्रामपंचायत याबरोबरच सेवा संस्थांच्या निवडणुकांमध्येही अशा प्रकारच्या काळ्या जादूचा वापर काही उमेदवारांनी केल्याचं यापूर्वी मानलं जात होतं.
आमदार सतेज पाटील यांच्याकडे कोल्हापूर जिल्ह्यातील राजकारणात वजनदार व्यक्ती म्हणून पाहिलं जातं. मंगळवारी रात्री त्यांच्या घराबाहेर घडलेल्या या भानामतीच्या प्रकारामुळे त्यांच्या कार्यकर्त्यांमध्ये संतापाचं वातावरण पाहायला मिळत आहे.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
क्रिकेट
भारत
क्रिकेट
महाराष्ट्र
Advertisement
ट्रेंडिंग न्यूज
उमेश अलोणे, एबीपी माझाअकोला जिल्हा प्रतिनिधी
Opinion