Raju Shetti : राजू शेट्टी आज घेणार राज्यपालांची भेट, 12 आमदारांच्या यादीतून नाव वगळण्याची करणार विनंती
राजू शेट्टी हे आज राज्यपाल भगतसिंह कोश्यारी यांची भेट घेणार आहे. आज दुपारी 12 वाजता शेट्टी राज्यपालांची भेट घेणार आहेत.
Raju Shetti : स्वाभिमानी शेतकरी संघटनेचे प्रमुख राजू शेट्टी हे आज राज्यपाल भगतसिंह कोश्यारी यांची भेट घेणार आहे. आज दुपारी 12 वाजता शेट्टी राज्यपालांची भेट घेणार आहेत. यावेळी राजू शेट्टी यांच्याबरोबर स्वाभिमानी शेतकरी संघटनेचे नेते रविकांत तुपकर असणार आहेत. महाविकास आघाडीच्या कोटयातून 12 आमादारांच्या यादीत नाव असेल तर ते वगळण्याची विनंती स्वाभिमानी शेतकरी संघटनेकडून राज्यपालांना करण्यात येणार आहे.
दरम्यान, राजू शेट्टींनी आता 'एकला चलो'चा नारा दिला आहे. स्वाभिमानी शेतकरी संघटना आता महाविकास आघाडीतून बाहेर पडली आहे. याबाबतची घोषणा राजू शेट्टी यांनी स्वाभिमानी शेतकरी संघटनेच्या कार्यकारिणीत केली आहे. आगामी सर्व स्थानिक स्वराज्य संस्था निवडणुका स्वाभिमानी शेतकरी संघटना स्वबळावर लढणार असल्याचंही त्यांनी सांगितले आहे. निवडणूक लढवता यावी म्हणून आपण चळवळ उभा केली नाही. तर चळवळ टिकवी म्हणून आपण निवडणुकीचा मार्ग स्वीकारला असं राजू शेट्टी म्हणाले होते. सध्या भाजप सोबत जाण्याचा विचार स्वाभिमानी शेतकरी संघटनेने केलेला नाही असंही त्यांनी सांगितले होते.
मागील अनेक दिवसांपासून 12 आमदारांच्या नियुक्तीा प्रश्न प्रलंबित आहे. सातत्याने या मुद्यावर चर्चा होताना दिसत आहे. यावरुन राजकीय नेते एकमेकांवर आरोप प्रत्यारोप करत आहेत. या 12 नावांमध्ये महाविकास आघाडीकडून राजू शेट्टा यांचे नाव आहे. मात्र, राजू शेट्टी यांनी महाविकास आघाडीतून बाहेर पडण्याचा निर्णय घेतला आहे. तसेच त्यांनी आमदारकी न स्विकारण्याचा निर्णय देखील घेतला आहे.
महाराष्ट्रातल्या शेतकऱ्यांना न्याय देण्यासाठी हे सरकार आलं होतं. साताऱ्यातल्या सभेत पवार साहेब यांनी भिजत भिजत सांगितलं होतं. पवार साहेब भिजले पण त्यात राज्यभरातील शेतकरी विरघळून गेला. तिन्ही पक्षातील नेत्यांची दिल्लीत भूमिका वेगळी दिसते. मुख्यमंत्री निवडीच्या वेळी सूचक म्हणून मी चालतो पण शेतकऱ्यांच्या बाबतीत निर्णय घेताना साधं विचारलं देखील जात नाही. ऊस दर नियंत्रण समितीत शेतीशी काहीही संबंध नसलेले लोक घेतले. आमदाराच्या पुढ्यात बोलणार नाहीत ते कारखानदार यांच्यासमोर काय बोलतील. एकरकमी एफआरपी देणे शक्य नाही अशा समितीच्या अहवालावरून निती आयोगाने एफआरपीचे तुकडे करण्याबाबत निर्णय घेण्याचं सांगितलं. निती आयोगाने सांगितलेल्या सूचनापेक्षा महाविकास आघाडी सरकारने आणखी कडक भूमिका घेतली आहे. एफआरपीच्या मुद्यावरुन शेट्टी यांनी राज्य सरकारवर जोरदार निशाणा साधला होता.
महत्त्वाच्या बातम्या
ट्रेंडिंग न्यूज
