एक्स्प्लोर
लोणावळ्यातील जंगलात इंजिनिअरिंगचे तरुण-तरुणी मृतावस्थेत आढळले

पुणे : इंजिनिअरिंगचे दोन विद्यार्थी लोणावळ्यातील जंगलात मृतावस्थेत आढळले. मृतांमध्ये 22 वर्षीय तरुण आणि 21 वर्षांच्या तरुणीचा समावेश आहे. विवस्त्र करुन तीक्ष्ण वस्तूवर डोकं आपटल्याने त्यांचा मृत्यू झाल्याचं समजतं. तसंच दोघांच्या शरीरावर अनेक ठिकाणी जखमांच्या खुणाही आढळल्या आहेत. तरुणीचे हात मागे बांधलेले होते. तसंच तिच्या तोंडात कपडा कोंबला होता, असं लोणावळा शहर पोलिस स्टेशनच्या अधिकाऱ्याने सांगितलं. एका स्थानिकाने सोमवारी या दोघांचे मृतदेह पाहिल्यानंतर पोलिसांना माहिती दिली. यानंतर पोलिस घटनास्थळी दाखल झाले आणि मृतदेह पोस्टमॉर्टेमसाठी पाठवले. पोलिसांच्या माहितीनुसार, दोन्ही मृत विद्यार्थी लोणावळ्यातील इंजिनिअरिंग कॉलेजच्या तिसऱ्या वर्षात शिकत होते. तरुणी मूळची जुन्नरमधील ओतूरची आहे. तर मुलगा अहमदनगरच्या राहुरीचा रहिवासी होता. तरुणी कॉलेजच्या हॉस्टेलमध्येच राहत होती. तर तरुण लोणावळ्यात भाड्याने घर घेऊन राहत होता. ते दोघेही मित्र होते आणि रविवारी एकत्र बाहेर गेले होते. याप्रकरणी खुनाचा गुन्हा दाखल करण्यात आला आहे. आम्ही सर्व बाजूंनी विचार करुन तपास करत असून पोस्टमॉर्टेम रिपोर्टची वाट पाहत आहे, असं पोलिसांनी सांगितलं.
Before You Go
Kurla Phoenix Mall Mumbai Crime News: पैसे मागितले, काही उर्दुमध्ये बोलत होते; कुर्ला तरुण-तरुणी मारहाण प्रकरणावर प्रत्यक्षदर्शी महिलेची धक्कादायक माहिती, VIDEO
महत्त्वाच्या बातम्या
महाराष्ट्र
महाराष्ट्र
महाराष्ट्र
महाराष्ट्र




















