Pune Metro : पुण्यात 'या' तारखेपर्यंत मेट्रो सुरु होण्याची शक्यता, ट्रायल रनच्या कार्यक्रमात उपमुख्यमंत्री अजित पवारांचं सूतोवाच
Pune Metro : पुण्यातील मेट्रो कधी सुरु होणार हा सवाल लाखो पुणेकरांना पडला आहे. आज या मेट्रोची ट्रायल रन पार पडली. बहुप्रतीक्षीत पुणे मेट्रो आज अखेर ट्रायल रनच्या निमित्ताने धावली.
Pune Metro : पुण्यातील मेट्रो (Pune Metro Trial Run) कधी सुरु होणार हा सवाल लाखो पुणेकरांना पडला आहे. आज या मेट्रोची ट्रायल रन पार पडली. बहुप्रतीक्षीत पुणे मेट्रो आज अखेर ट्रायल रनच्या निमित्ताने धावली. उपमुख्यमंत्री अजित पवार यांनी पुणे मेट्रोला हिरवा झेंडा दाखवला.वनाझ ते आयडियल कॉलनी मार्गावर पुणे मेट्रोची पहिली ट्रायल रन आज पार पडली. यावेळी विधानपरिषदेच्या उपसभापती नीलम गोऱ्हे, महापौर मुरलीधर मोहोळ, जिल्हाधिकारी राजेश देशमुख, मेट्रोचे व्यवस्थापकीय संचालक ब्रिजेश मिश्रा उपस्थितहोते.
यावेळी उपमुख्यमंत्री अजित पवार म्हणाले की, पुणे मेट्रोचे काम प्रगतीपथावर आहे. निवडणुका झाल्यावर राजकीय विचार बाजूला ठेवून विकास कामाला महत्व द्यायचं असते. ही काम सुरु असताना पुणेकरांनी संयम दाखवला, त्याबद्दल पुणेकरांचे आभार मानतो. पीएमआरडीएच्या विकास आराखड्याला कालच मुख्यमंत्र्यांनी मान्यता दिली. पुण्याचा विकासाच आणखी एक स्वप्न पूर्ण होत आहे. ऑक्टोबर 2021 मध्ये निगडी ते दापोडी प्रवास सुरु करु शकतो. पुण्याला सर्वोत्तम शहर बनविण्याचा आमचा प्रयत्न आहे, असं अजित पवार म्हणाले.
अजित पवार म्हणाले की, सगळे म्हणतात सकाळी कार्यक्रम का घेतला. कोरोनाचं संकट आहे. आम्हीच नियम करायचे अन् मोडायचे कसे. इतर पुणेकरांना त्रास व्हायला नको, गर्दी व्हायला नको. गर्दी नको म्हणून मी सकाळी 6 वाजता कार्यक्रम घ्या म्हटलं होतं, पण दीक्षित म्हणाले 7 ला घेऊ. आम्ही कार्यक्रम घेतो, लोक गर्दी करतात, मग आयोजकांवर गुन्हे दाखल होतात, इथं दिक्षितांवर गुन्हा दाखल व्हायला नको हा ही विचार होता, असं अजित पवार म्हणाले.
अजित पवार म्हणाले की, दोन रिंग रोड, 10 मेट्रो मार्गिका यांचा प्रामुख्याने समावेश आहे. टप्प्याटप्याने पुढे जाणार आहोत. या सगळ्या कामाला 75 कोटी रुपये लागतात. शरद पवार कायम सांगत आलेत, कोणत्याही गोष्टीचा विचार करताना कमीतकमी 25 तर जास्तीतजास्त 50 वर्षाचा विचार करुन करत जा. पुढची 50 वर्ष डोळे समोर निर्णय घेतोय. ही सगळी काम करताना राजकारण न करता करण्याचा आमचा मानस आहे, असंही अजित पवार म्हणाले.
महत्त्वाच्या बातम्या
