नांदेडमध्ये अस्वलाच्या हल्ल्यात वृद्धाचा मृत्यू
नांदेडच्या किनवटमध्ये अस्वलाच्या हल्ल्यात एका वृद्ध व्यक्तीचा मृत्यू झाला आहे. हल्ला करणाऱ्या अस्वलाला पकडण्यात गावकऱ्यांना यश आलं आहे.
नांदेड : नांदेडच्या किनवटमध्ये अस्वलाच्या हल्ल्यात एका वृद्ध व्यक्तीचा मृत्यू झाला आहे. अस्वलाने हल्ला केल्यानंतर वृद्ध वडिलांना वाचवण्यासाठी गेलेल्या मुलावर देखील अस्वलाने हल्ला केला. किनवटमधील दुर्गम भागातल्या घोगरवाडीच्या जंगलात ही घटना घडली.
सुंगा मडावी असं 56 वर्षीय मृत व्यक्तीचं नाव आहे. सुंगा जंगलात जनावरे चरण्यासाठी गेले होते. त्यावेळी जंगलात असलेल्या अस्वलाने सुंगा यांच्यावर हल्ला केला. जवळच उपस्थित असलेल्या सुंगा यांचा 35 वर्षीय मुलगा व्यंकट मडावी याने वडिलांना अस्वलाच्या हल्ल्यातून वाचवण्याचा प्रयत्न केला. यामध्ये व्यंकटही गंभीर जखमी झाला आहे.
सुंगा यांना अस्वलाने जंगलात ओढत नेले. आज सकाळपासून गावकरी, वनविभागाचे कर्मचारी आणि पोलीस अस्वलाचा शोध घेत होते. त्यावेळी सुंगा यांचा मृतदेह जंगलात सापडला. अस्वलाने सुंगा यांच्या शरीराचे अक्षरश: लचके तोडले होते.
परिसरातील नागरिकांमध्ये भीतीचं वातावरण पसरलं होतं. त्यामुळे गावकऱ्यांनी अस्वलाचा शोध घ्यायला सुरुवात केली. चार-पाच तासांच्या प्रयत्नानंतर अस्वलाला पकडण्यात गावकऱ्यांना यश आलं आहे. यादरम्यान अस्वलाने गावकऱ्यांवरही हल्ला केला. या हल्ल्यात एक जण जखमी झाला आहे.
Before You Go
Operation Tiger Special Report : सचिन आलाय आता टीमही येईल, कडूंच्या वक्तव्याचा भाजपला राग
महत्त्वाच्या बातम्या
