आगामी नगरपालिका निवडणुकांसाठी ऑफलाईन फॉर्म भरण्याची मुभा

मुंबई : आगामी नगरपालिका निवडणुकांसाठी ऑफलाईन फॉर्म भरण्याची मुभा देण्यात आली आहे. राज्य निवडणूक आयोगाने ही परवानगी दिली आहे. राज्याचे निवडणूक आयुक्त जे एस सहारिया यांनी ही माहिती दिली आहे. पुढील काही दिवसात राज्यात नगरपालिका तसंच नगरपंचायत निवडणुका होऊ घातल्या आहेत. या निवडणुकांसाठी ऑफलाईन फॉर्म्स भरण्याची परवानगी उमेदवारांना मिळाली आहे. 24 ऑक्टोबरपासून अर्ज भरण्याची प्रक्रिया सुरु करण्यात आली होती. पण ऑनलाईन अर्ज भरताना अडचणी येत असल्याच्या तक्रारी आल्यामुळे हा निर्णय निवडणूक आयोगाने घेतला आहे. 29 तारीखपर्यंत इच्छूक उमेदवारांना ऑफलाईन अर्ज भरता येतील. राज्याचे जलसंधारण मंत्री राम शिंदे यांनी निवडणूक आयोगाला विनंती केली होती. त्यामुळे हा निर्णय घेण्यात आला आहे.