Nitesh Rane on Manoj Jarange Patil : रविवारी मनोज जरांगे पाटलांनी (Manoj Jarange Patil) राज्याचे उपमुख्यमंत्री देवेंद्र फडणवीस (Devendra Fadnavis) यांच्यावर गंभीर आरोप केले. सलाईनमधून विष देण्याचा आणि माझं एन्काऊंटर करण्याचा फडणवीसांचा डाव होता, असे त्यांनी म्हटले. यावरून भाजप आमदार नितेश राणे (Nitesh Rane) यांनी मनोज जरांगे पाटील यांची नार्को टेस्ट करा, असे म्हटले आहे. तसेच फडणवीसांना अडचणीत आणण्यासाठी 100 जन्म घ्यावे लागतील, असा पलटवर देखील केला आहे.
नितेश राणे म्हणाले की, पहिल्या दिवसापासून आम्ही भूमिका स्पष्ट केली आहे. आम्ही समाजाच्या प्रश्नावर एक आहोत. आजवर असंख्य लोक, मराठा क्रांती मोर्चा, छत्रपती यांनी भूमिका घेत आंदोलन केलेले आहे. एक व्यक्ती म्हणजे सरकार नाही. सगेसोयरेबाबत लवकरच निर्णय होईल. मनोज जरांगे पाटलांचे सहकारी गंभीर आरोप करत आहेत. त्यांनी जरांगे शरद पवार गट आणि स्थानिक आमदारांच्या जवळ असल्याचे म्हटले आहे. मनोज जरांगे पाटील यांची नार्को टेस्ट करा, असे त्यांनी म्हटले आहे.
मग हा आवाज तुतारीचा आहे का?
सागरला येणे लांबची गोष्ट आहे. आधी आमची भिंत आहे ती पार करणे अवघड आहे. एक व्यक्ती मराठा समाजाची बदनामी करत असेल तर खपवून घेणार नाही. देवेंद्र फडणवीस हेच मराठा समाजाची बाजू लावून धरणार आहेत. फडणवीसांना अडचणीत आणण्यासाठी 100 जन्म घ्यावे लागतील. कुणी विनाकारण केसेस अंगावर घेऊ नयेत. जरांगेंचे जुने सहकारी पवारांशी जवळीक असल्याचे त्यांचे सहकारी सांगतात. मग हा आवाज तुतारीचा आहे का? असा सवाल त्यांनी उपस्थित केला आहे.
नितेश राणेंचा संजय राऊतांना टोला
संजय राऊत (Sanjay Raut) यांच्यावरही नितेश राणे यांनी टीका केली आहे. ते म्हणाले की, रात्रीची उतरली असेल तर तुम्ही कालपासून कुणाला फोन करताय हे बाहेर येईल. सिल्व्हर ओक, जरांगे पाटील यांच्या जवळच्या लोकांना बोलत असतील याचा सिडीआर कधीतरी बाहेर येईल. जी भाषा पवार, उद्धव ठाकरे बोलतात तीच भाषा जरांगे बोलत आहेत. आम्ही राजकीय आंदोलनाला समर्थन देणार नाही. आम्हाला धमकी देणाऱ्याचे नंबर आमच्याकडे आहेत, आज ना उद्या पोलीस जेव्हा येतील तेव्हा तुम्हाला कुणी वाचवणार नाही, असा इशाराही त्यांनी यावेळी दिला आहे.
आणखी वाचा
'सध्या दोन नाटकांची जुळवाजुळवी करण्याचं काम सुरु'; जरांगेंच्या आंदोलनावर छगन भुजबळांचं सूचक वक्तव्य