एक्स्प्लोर
Advertisement
संदीप आमचा कार्यकर्ता, आम्ही आमचं बघून घेऊ : नारायण राणे
ठाणे: संदीप सावंत हा आमचा कार्यकर्ता असून, आम्ही आमचं बघून घेऊ, अशी प्रतिक्रिया काँग्रेसचे ज्येष्ठ नेते नारायण राणे यांनी दिली. नारायण राणेंनी आज ठाणे रुग्णालयात जाऊन संदीप सावंत यांची भेट घेतली.
निलेश राणे यांनी बेदम माराहाण केल्यामुळेच चिपळूणचे काँग्रेस तालुकाध्यक्ष संदीप सावंत जबर जखमी झाल्याचा आरोप आहे. त्यांच्यावर ठाण्यात उपचार सुरु आहेत.
गैरसमजातून हा प्रकार झाला आहे. मारहाण झाली की नाही, कितपत झाली, याबाबतचे वैद्यकीय अहवाल येणार आहेत. तसंच पोलिस तपासही सुरु आहे. त्यामध्ये सत्य निष्पण्ण होईल, पण संदीप सावंत यांना जी काही मदत लागेल, ती करायला तयार आहे, असं नारायण राणे म्हणाले.
संदीप सावंत यांच्याशी आमचे घरचे संबंध आहेत. त्यांना विधानसभेचं तिकीट निलेश राणेंनीच मिळवून दिलं होतं. त्यामुळे आम्ही आमचं बघून घेऊ, असं राणे म्हणाले.
मारहाणप्रकरणी निलेश राणे यांच्यावर अपहरण आणि मारहाणीचा गुन्हा दाखल झाला आहे. मात्र त्यांच्यावर अद्याप कारवाई झालेली नाही.
दुसरीकडे निलेश राणे यांनी मात्र हे सर्व आरोप फेटाळून लावलेत.
काय आहे प्रकरण?
मराठा आरक्षणासाठी रत्नागिरीमध्ये रविवारी निलेश राणे यांची सभा होती. परंतु या सभेला संदीप सावंत कार्यकर्त्यांसह उपस्थित राहिले नाहीत. याच रागातून संदीप सावंत यांचं चिपळूणजवळच्या घरातून मुंबईला नेण्यात आलं. तसंच प्रवासादरम्यान गाडीत मारहाण केल्याचा आरोप सावंत यांनी केला आहे.
स्वत: निलेश राणे यांनी आणि त्यांच्या कार्यकर्त्यांनी घरात घुसून मारहाण केल्याचा आरोप आहे. इतकंच नाही तर त्यांना धमकी दिल्याचाही आरोप आहे.
संदीप सावंत यांच्या पत्नीचा दावा
दरम्यान, संदीप सावंत यांनीही काय प्रकार घडला याबाबतची माहिती माध्यमांना दिली. “स्वत: निलेश राणे आणि त्यांचे बॉडिगार्ड आमच्या घरी आले. त्यावेळी आम्ही जेवत होतो. निलेश राणेंनी संदीप यांना खाली येण्यास सांगितलं. त्यानंतर खाली गेल्यावर त्यांना मारहाण करुन गाडीत घालून घेऊन गेले,” असं संदीप सावंत यांच्या पत्नीने सांगितलं.
यानंतर रात्रभर संदीप सावंत यांचा शोध घेण्याचा प्रयत्न केला, त्यांचा फोन लागत नव्हता. पहाटे पाचच्या सुमारास आमदार नितेश राणेंना फोन केला. मग राणेसाहेबांच्या पत्नीला फोन केला, त्यांनी थोड्यावेळानंतर संदीप घरी पोहोचतील असं सांगितल्याचं संदीप सावंत यांच्या पत्नी म्हणाल्या.
निलेश राणेंची प्रतिक्रिया
दरम्यान, ही माझ्याविरुद्ध राजकीय खेळी असल्याची प्रतिक्रिया निलेश राणेंनी दिली आहे. तसंच संदीप सावंत 10 लाख रुपये मागत होते. पैसे दिले नाहीत म्हणून आरोप करत असावेत, असंही निलेश राणे म्हणाले.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
महाराष्ट्र
बॉलीवूड
ट्रेडिंग न्यूज
ठाणे
Advertisement
ट्रेंडिंग न्यूज
उमेश अलोणे, एबीपी माझाअकोला जिल्हा प्रतिनिधी
Opinion