नांदेड पोलीस भरती घोटाळा : लेखी फेरपरीक्षेची तारीख जाहीर

नांदेड पोलीस भरती घोटाळ्याचा एबीपी माझाने पाठपुरावा केल्यानंतर आता नांदेड जिल्ह्यात पुन्हा लेखी परीक्षा होणार आहे.

नांदेड : नांदेड पोलीस भरती घोटाळ्याचा एबीपी माझाने पाठपुरावा केल्यानंतर आता नांदेड जिल्ह्यात पुन्हा लेखी परीक्षा होणार आहे. या फेरपरीक्षेची तारीखही जाहीर करण्यात आली आहे. 16 मे रोजी नांदेडमध्ये पोलीस भरतीसाठी लेखी परीक्षा होणार आहे. यावेळी गुन्हे दाखल झालेल्या उमेदवारांना संधी मिळणार नाही. या निर्णयामुळे शेकडो विद्यार्थ्यांना दिलासा मिळणार आहे. या भरती घोटाळ्याचा सूत्रधार प्रवीण भटकर आणि त्याच्या साथीदाराने एसआरपीएफच्या उमेदवारांकडून अडीच कोटी रुपये जमा केले, अशीही माहिती पोलीस तपासात उघड झाली आहे. प्रवीण भटकरच्या एसएसजी या कंपनीकडे उत्तरपत्रिका तपासण्याचं काम होतं. याचाच गैरफायदा घेत या कंपनीने उमेदवारांकडून पैसे उकळले आणि हा घोटाळा केल्याचं तपासात समोर आलं आहे. नांदेडमध्ये पोलिस भरती घोटाळा नांदेडसह राज्यातील चार जिल्ह्यांमध्ये पोलीस भरतीत घोटाळा झाल्याचं उघडकीस आलं आहे. दोन पोलिस कर्मचारी, एसएसजीचे दोन कर्मचारी यांच्यासह एकूण 20 आरोपींविरोधात गुन्हा नोंदवण्यात आला आहे. पोलिसात भरती करण्यासाठी उमेदवारांकडून साडेसात लाख रुपये उकळल्याचं समोर आलं आहे. पोलिस भरती प्रक्रियेमध्ये उत्तर पत्रिकांच्या तपासणीचं कंत्राट एसएसजी कंपनीकडे होतं. या कंपनीच्या मदतीनेच भरती घोटाळा करण्यात आल्याचं उघड झालं आहे. नांदेडसह अन्य चार जिल्ह्यांतील पोलिस भरतीच्या उत्तरपत्रिका तपासणीचं काम होतं. संबंधित बातम्या :

SRPF भरतीसाठी उमेदवारांकडून अडीच कोटी रुपये उकळले

प्रवीण भटकरला कठोर शिक्षा करा : विजय भटकर

नांदेड पोलिस भरती घोटाळ्याचा सूत्रधार डॉ. विजय भटकरांचा पुतण्या?

साडेसात लाख घेऊन पोलिस भरती, नांदेडमध्ये घोटाळा उघड