नागपूर-अमरावती महामार्गावर रुग्णवाहिका आणि ट्रकच्या अपघातात अकोल्यातील चौघांचा बळी गेला. ज्या मुलाला या रुग्णवाहिकेतून नेलं जात होतं, त्याचा काही वेळापूर्वी अपघात झाला होता. रुग्णवाहिकेतून नागपूरला नेलं जात असताना काळानं पुन्हा त्याला गाठलं.
अपघातात 12 वर्षांचा आकाश भालेराव, त्याची 34 वर्षीय आई विमल भालेराव आणि 40 वर्ष श्रीराम धारपवार, तसंच 30 वर्षीय प्रमोद बंड या दोन नातेवाईकांचा मृत्यू झाला आहे. आकाशचे वडील आणि अन्य चौघं या अपघातात जखमी झाले आहेत.
सोमवारी पहाटे चार ते साडेचार वाजताच्या दरम्यान हा अपघात घडला. चुकीच्या दिशेने येणाऱ्या ट्रकने रुग्णवाहिकेला जोरदार धडक दिल्यामुळे हा अपघात झाला.