देश-विदेशातील सकाळच्या महत्त्वाच्या बातम्यांचा वेगवान आढावा या बुलेटीनच्या माध्यमातून घेतला जातो. यामध्ये देशभरासह राज्यातील राजकीय, सामाजिक, आर्थिक, क्रीडा तसेच इतर बातम्यांचे अपडेट्स मिळतील...
शिवसेना ठाकरेची गटाकडून 16 उमेदवारांची यादी जाहीर; कोणत्या मतदारसंघातून कोणता उमेदवार?
Lok Sabha Election 2024 : आगामी लोकसभा निवडणुकीसाठी शिवसेना उद्धव बाळासाहेब ठाकरे गटाची यादी जाहीर झाली आहे. शिवसेनेचे खासदार संजय राऊत यांनी ट्विटरवरुन यासंदर्भात माहिती दिली आहे. राज्यभरातील 16 उमेदवारांची यादी शिवसेना ठाकरे गटानं जाहीर केली आहे. वाचा सविस्तर...
पहिल्या टप्प्यातील उमेदवारी अर्ज भरण्याचा आज शेवटचा दिवस; नागपुरातून नितीन गडकरी आज अर्ज दाखल करणार
Maharashtra Lok Sabha Election 2024 : नागपूर : महाराष्ट्रातील (Maharashtra News) लोकसभेच्या (Lok Sabha Election 2024) पहिल्या टप्प्यातील उमेदवारी अर्ज भरण्याचा आज शेवटचा दिवस आहे. नागपूरमधील (Nagpur News) भाजपचे (BJP) उमेदवार नितीन गडकरी (Nitin Gadkari) यांचा उमेदवारी अर्ज दाखल करताना महायुतीकडून (Mahayuti) मोठं शक्तिप्रदर्शन केलं जाणार आहे. यामुळे मुख्यमंत्री, उपमुख्यमंत्री यांची उपस्थिती असेल. वाचा सविस्तर...
Ramtek Lok Sabha : रामटेकच्या काँग्रेस उमेदवार रश्मी बर्वेंची पुन्हा हायकोर्टात धाव; केला गंभीर आरोप
Ramtek Lok Sabha Constituency : रामटेकच्या काँग्रेस उमेदवार रश्मी बर्वे (Rashmi Barve) यांची पुन्हा हायकोर्टात (High Court) धाव घेतली आहे. जिल्हा जात प्रमाणपत्र पडताळणी समितीची नोटीस आणि सामाजिक न्याय व विशेष सहाय्य विभागाच्या आदेशाला रश्मी बर्वे यांनी हायकोर्टात धाव घेत आव्हान दिले आहे. ''केवळ राजकीय आकसापोटी विविध बाजूने कारवाई केली जात असल्याचा" आरोप याचिकेत बर्वे यांच्याकडून करण्यात आला आहे. एकीकडे पहिल्या टप्प्यातील उमेदवारी अर्ज दाखल करण्याचा आजचा शेवटचा दिवस असून, दुसरीकडे रश्मी बर्वे यांनी न्यायालयात धाव घेत याचिका दाखल केली आहे. विशेष म्हणजे शक्तिप्रदर्शन करत आज आपण उमेदवारी अर्ज दाखल करणार असल्याचे देखील रश्मी बर्वे म्हणाल्या आहेत. वाचा सविस्तर...
गूड न्यूज! महाराष्ट्र राज्य पोलीस दलात बंपर भरती, 17471 रिक्त जागांवर भरती
Maharashtra Police Bharti 2024 : महाराष्ट्र राज्य पोलीस दलात सध्या बंपर भरती सुरु आहे. या भरती अंतर्गत 17471 विविध पदांवर भरती करण्यात येणार आहे. महाराष्ट्र राज्य पोलीस दलात हवालदार आणि ड्रायव्हर पदांवर भरतीसाठी अधिसूचना जारी करण्यात आली आहे. या भरतीसाठी अर्ज करण्यासाठी इच्छुक उमेदवाराने mahapolice.gov.in या अधिकृत संकेतस्थळाला भेट देऊन अर्ज दाखल करावा लागेल. महत्त्वाचं म्हणजे या भरतीसाठी अर्ज करण्याची मुदतही वाढवण्यात आली आहे. आता पोलीस भरतीसाठी तुम्हाला 15 एप्रिलपर्यंत अर्ज करता येणार आहे. वाचा सविस्तर...
लोकसभेसाठी छगन भुजबळांकडून दबावतंत्र? कुटुंबातून एकाला संधी द्या, नाहीतर भाजपमधून लढू, वरिष्ठांना थेट इशारा
Nashik Lok Sabha Election 2024 : नाशिक : लोकसभा निवडणुकीसाठी (Lok Sabha Election 2024) सध्या इच्छुकांमध्ये चुरस वाढल्याचं दिसत आहे. तसेच, तिकीट मिळवण्यासाठी अनेक दिग्गज नेत्यांचीही धडपड सुरू असल्याचं पाहत आहे. यापैकीच एक मोठं नाव म्हणजे, छगन भुजबळ (Chhagan Bhujbal). लोकसभा निवडणुकीचं तिकीट मिळवण्यासाठी छगन भुजबळ यांच्याकडून वरिष्ठांवर दबाव तंत्राचा वापर केला जात असल्याची माहिती सूत्रांनी दिली आहे. लोकसभा निवडणुकीसाठी भुजबळ कुटुंबातून एकाला संधी मिळावी, अन्यथा भाजपमधून (BJP) निवडणूक लढू, असा इशारा वरिष्ठांना भुजबळांनी दिल्याचं समजतंय. वाचा सविस्तर...
Rain Alert : मुंबई, ठाण्यात उन्हाची रखरख, विदर्भात पावसाची शक्यता; हवामान विभागाचा अंदाज काय?
Maharashtra Weather Update : एकीकडे उन्हाच्या झळा पाहायला मिळत असताना दुसरीकडे काही भागात पावसाची रिमझिम (Unseasonal Rain) पाहायला मिळत आहे. पुढील 24 तासांत राज्यासह देशाच्या विविध भागात पावसाची शक्यता आहे. महाराष्ट्रात विदर्भात पावसाच्या सरी कोसळण्याचा अंदाज हवामान विभागाने (IMD) व्यक्त केला आहे. वाचा सविस्तर...
Ajinkya Rahane : अजिंक्यनं हनुमान उडी मारत घेतला अफलातून कॅच, गुजरातच्या डेव्हिड मिलरचा कार्यक्रम,पाहा व्हिडीओ
चेन्नई : आयपीएल (IPL 2024) च्या 17 व्या हंगामातील सातवी मॅच चेन्नई सुपर किंग्ज (Chennai SUper Kings) आणि गुजरात टायटन्स (Gujarat Titans) यांच्यात पार पडली. चेन्नईनं या मॅचमध्ये 63 धावांनी विजय मिळवत गुजरात टायटन्सचा पराभव केला. आयपीएलमधील दुसऱ्या विजयासह चेन्नई सुपर किंग्ज आता गुणतालिकेत दुसऱ्या स्थानावर पोहोचली आहे. या मॅचमध्ये अनेक अविस्मरणीय क्षण पाहायला मिळाले. चेन्नईचा माजी कॅप्टन महेंद्रसिंह धोनी यानं एक अफलातून कॅच घेतला. तर, मराठमोळा क्रिकेटर अजिंक्य रहाणे (Ajinkya Rahane) यानं देखील धावत येत हनुमान उडी मारत गुजरात टायटन्सचा धोकादायक खेळाडू डेविड मिलरचा कॅच घेतला आणि मॅच चेन्नईच्या बाजूनं फिरवली. वाचा सविस्तर...
Horoscope today 27th March 2024 : मार्चचा शेवटचा बुधवार खास; मित्रांकडून लाभ, नोकरीत नव्या संधी, जाणून घ्या 12 राशींचे राशीभविष्य
Horoscope 27th March 2024: आजचं माझं भविष्य काय? आज काय होणार? किंवा आजचा आपला दिवस कसा असणार प्रत्येक जण कधी ना कधी हा विचार करतच असतो. लहानांपासून थोरांपर्यंत सर्वांनाच भविष्यात काय होणार हे जाणून घेण्याची प्रबळ इच्छा असते. यासाठीच आपल्या राशी आपल्याला मदत करतात. ग्रहांची विशेष स्थिती निर्माण होत आहे. आज मेष ते मीन राशीमध्ये काय लिहीले आहे. कोणासाठी आजचा दिवस कोणासाठी शुभ किंवा अशुभ कोणासाठी हे समजण्यासाठी आजचे राशीभविष्य वाचा सविस्तर...