वानराने मंदिरात मारुतीरायाला दंडवत घालत प्राण सोडले!

एक वानर थेट मंदिरात आले आणि गाभाऱ्याच्या बाहेर दंडवत घालू लागले. दंडवत घातल्यानंतर आहे त्या ठिकाणीच त्या वानराने आपला जीव सोडला.

सांगली : मिरज तालुक्यातल्या गुंडेवाडी गावातील दक्षिणमुखी हनुमान मंदिरात शनिवारी सकाळी आश्चर्यकारक घटना घडलीय. गावातीलच हनुमान मंदिरात एका वानराने मारुतीरायाला दंडवत घालत आपले प्राण सोडले. शनिवारी गावातील नागरिक मंदिरात बजरंगबलीची मनोभावे पुजा, आरती करत होते. यावेळी एक वानर थेट मंदिरात आले आणि गाभाऱ्याच्या बाहेर दंडवत घालू लागले. दंडवत घातल्यानंतर आहे त्या ठिकाणीच त्या वानराने आपला जीव सोडला. ही घटना मंदिरात असलेल्या नागरिकांनी मोबाईल मध्ये कैद केली. नागरिकांना देखील मंदिरात घडलेला हा प्रकार आश्चर्यकारक वाटतो आहे.

मिरज तालुक्यातल्या गुंडेवाडी गावातील हे आहे पुरातून दक्षिणमुखी हनुमान मंदिर. या मंदीरात शनिवारी सकाळी आश्चर्यकारक घटना घडलीय ज्याची सध्या गावात आणि पंचक्रोशीत बरीच चर्चा आहे. नेमके या मंदिरात काय घडले ते व्हिडीओ पाहिले की लक्षात येते. माणसं जशी सहजपणे मंदिरात येऊन दर्शन घेतात अगदी तशाच पध्दतीने एका वानराने हनुमानाच्या मूर्तीचे दंडवत घालत दर्शन घेतले. समोरील मूर्ती, बाजूच्या मूर्तीचे दर्शन घेत असलेल्या या वानराचा व्हिडीओ नागरिकांनी कॅमेऱ्यात कैद केला आहे. विशेष म्हणजे दंडवत घालून झाल्यानंतर या वानराने आहे त्या जागीच प्राण सोडला. हीच घटना नागरिकांसाठी धक्कादायक आणि आश्चर्यकारक ठरली.

अनेकांसाठी ही घटना आश्चर्यचा धक्का देणारीच होती. पण गावातील हे हनुमान मंदिर प्राचीन असल्याने या मंदिरात ही घटना घडल्याने अनेकजण वेगवेगळे अर्थ लावत आहेत. शनिवारी भाविक बजरंगबलीची मनोभावे पूजा करतात. त्याच शनिवारी या वानर मंदिरात आल्याने आणि त्याने दंडवत घालून प्राण सोडल्याने नागरिकांत आश्चर्य व्यक्त होत आहे. वानराने प्राण सोडल्यानंतर वानराचे दर्शन घेऊन नागरिकांनी मंदिराशेजारी त्याचे अंत्यसंस्कार पार पाडले.

एखादे वानर हनुमान मंदिरात येते आणि मूर्तीला दंडवत घालून आपला प्राण सोडते ही गोष्ट अनेक अर्थाने नागरिकांसाठी चर्चेची आणि आश्चर्यकारक गोष्ट बनली आहे.