माणिकराव गावित यांच्या पीएचा आत्महत्येचा प्रयत्न, प्रकृती चिंताजनक

विशेष म्हणजे गिरासे दोन दिवस अचानक बेपत्ता झाले होते. त्यानंतर 1 एप्रिलला त्यांचा शोध लागला. मात्र त्यांचे डोक्यावरचे केस आणि मिशी कापलेल्या अवस्थेत ते घरी परतले. तेव्हापासून ते तणावात होते.

नंदुरबार : काँग्रेसचे ज्येष्ठ नेते आणि माजी मंत्री माणिकराव गावित यांचे स्वीय सहाय्यक (PA) भगवानसिंग रामचंद्र गिरासे यांनी राहत्या घरी गळफास घेऊन आत्महत्या करण्याचा प्रयत्न केला. कुटुंबियांनी वेळीच धाव घेत दोरी कापल्याने पुढील अनर्थ टळला. त्यांची प्रकृती चिंताजनक असून नंदुरबारमधील शिंदे रुग्णालयात त्यांच्यावर उपचार सुरु आहेत. विशेष म्हणजे गिरासे दोन दिवस अचानक बेपत्ता झाले होते. त्यानंतर 1 एप्रिलला त्यांचा शोध लागला. मात्र त्यांचे डोक्यावरचे केस आणि मिशी कापलेल्या अवस्थेत ते घरी परतले. तेव्हापासून ते तणावात होते. माणिकराव गावित यांचे निष्ठावान असलेले भगवान गिरासे यांनी आज (5 एप्रिल) सकाळी साडेदहाच्या सुमारास गळफास घेण्याचा प्रयत्न केला. मात्र त्यांना तात्काळ रुग्णालयात दाखल करण्यात आलं. मात्र त्यांची प्रकृती खालावल्याचं कळतं. त्यांनी हे पाऊल का उचललं हे अद्याप समजू शकलेलं नाही. तिकीटवाटपावरुन नाराज गावित यांची मनधरणी करण्यासाठी 30 मार्च रोजी मुंबईतील टिळक भवनात बैठक आयोजित केली होती. यावेळी माणिकराव गावितांसोबत भगवान गिरासेही उपस्थित होते. मात्र बैठकीनंतर भगवान गिरासे अचानक बेपत्ता झाले होती. दोन दिवसांनंतर (1 एप्रिल)ते नंदुरबारमधील घरी परतले. परंतु त्यांच्या शारीरिक हालचाली ठीक नव्हत्या. ते कोणाशी बोलत नव्हते आणि आज त्यांनी गळफास घेतला. VIDEO | काँग्रेस नेते माणिकराव गावित यांचे स्वीय सहायक बेपत्ता  संबंधित बातम्या आदिवासी असल्यामुळं अशी वागणूक देता का? खर्गे न भेटल्याने माणिकराव गावितांचा संताप काँग्रेसला धक्क्यावर धक्के, माणिकराव गावितही पक्ष सोडण्याच्या तयारीत