तवेराचा चक्काचूर, 10 जण जागीच ठार, यवतमाळमध्ये भीषण अपघात

यवतमाळ- नांदेड मार्गावरील कोसदनी घाटात ट्रक आणि तवेरा गाडीची समोरा समोर धडक होऊन हा अपघात झाला.

यवतमाळ: यवतमाळ- नांदेड मार्गावर भीषण अपघात झाला. या अपघातात 10 जण जागीच ठार, तर 2 जण गंभीर जखमी झाले आहेत. आज पहाटे ही भीषण दुर्घटना घडली. यवतमाळ- नांदेड मार्गावरील कोसदनी घाटात ट्रक आणि तवेरा गाडीची समोरा समोर धडक होऊन हा अपघात झाला. अपघातग्रस्त कुटुंब पंजाबमधील असून, ते नांदेड इथे दर्शनाला जात होते. त्यावेळी त्यांच्यावर काळाने घाला घातला. दरम्यान जखमींना यवतमाळच्या शासकीय रुग्णालयात उपचारासाठी दाखल करण्यात आलं आहे. तब्बल 10 जण जागीच ठार झाल्याने हा अपघात किती भीषण होता याची प्रचिती येऊ शकते. तवेराचा अक्षरश: चक्काचूर झाला आहेच, मात्र ट्रकचाही पुढचा भाग चेपला आहे.