महाराष्ट्राचे सहा खासदार संसदरत्न, धनंजय महाडिकांची हॅटट्रिक

संसदेच्या दोन्ही सभागृहात प्रत्येक वेळी उपस्थित राहून लोकांचे प्रश्न मांडणाऱ्या, संसदेत अभ्यासपूर्ण कामगिरी करणाऱ्या खासदारांना संसदरत्न पुरस्काराने गौरवण्यात येते. यावर्षीदेखील संसदेत विशेष कामगिरी बजावणाऱ्या खासदारांना गौरवण्यात आले.

चेन्नई : संसदेच्या दोन्ही सभागृहात प्रत्येक वेळी उपस्थित राहून लोकांचे प्रश्न मांडणाऱ्या, संसदेत अभ्यासपूर्ण कामगिरी करणाऱ्या खासदारांना संसदरत्न पुरस्काराने गौरवण्यात येते. यावर्षीदेखील संसदेत विशेष कामगिरी बजावणाऱ्या खासदारांना गौरवण्यात आले. पुरस्कारांचे वितरण आज चेन्नईच्या राजभवनात पार पडले. यावेळी महाराष्ट्राच्या सहा खासदारांना संसदरत्न पुरस्काराने सन्मानित करण्यात आले. आज चेन्नईमधल्या राजभवनमध्ये संसदरत्न पुरस्कारांचे वितरण करण्यात आले. यावेळी महाराष्ट्रातील सुप्रिया सुळे, राजीव सातव, श्रीरंग बारणे, धनंजय महाडीक, हीना गावित या लोकसभा खासदारांना आणि राज्यसभा खासदार असलेल्या रजनी पाटील यांना संसदरत्न पुरस्काराने गौरवण्यात आले. धनंजय महाडिकांना सलग तिसऱ्या वर्षी या पुरस्काराने सन्मानित करण्यात आले. तामिळनाडूचे राज्यपाल भंवरलाल पुरोहीत पुरस्कार वितरण समारंभात मुख्य अतिथी म्हणून उपस्थित होते. पुरोहीत म्हणाले की, संसदेच्या दोन्ही सभागृहात देश आणि समाजहिताचे काम चालावे ही जनतेची अपेक्षा असते. संसद सुरळीतपणे चालली तर लोकहिताचे अनेक महत्वाचे कायदे मंजूर होतात. त्यासाठी खासदारांनी संसदेत सक्रिय असणे आवश्यक असते. संसदेत अभ्यासपूर्ण कामगिरी करणाऱ्या खासदारांना संसदरत्न पुरस्काराने सन्मानित करणे म्हणजे लोकशाहीचा पाया आणखी बळकट करणे असा आहे. संसदरत्न पुरस्करासाठीचे निकष संसदेच्या दोन्ही सभागृहातील खासदारांना या पुरस्काराने सन्मानित करण्यात येते. पी. आर. एस. इंडिया, प्रोसेन्स प्राईम पॉईंट फाऊंडेशन आणि केंद्रीय संसदरत्न समिती या तीनही संस्था संसदेच्या दोन्ही सभागृहातील खासदारांच्या कामगिरीचे मुल्यमापन करते. संसदेत केली जाणारी विविध मुद्द्यांची मांडणी, प्रश्न विचारणे, सभागृहातील चर्चांमधील सहभाग, खासगी विधयेक सादर करणे यांसह काही अधिक निकषांद्वारे संसदरत्न पुरस्कारासाठी खासदारांची नावे निश्चित केली जातात. धनंजय महाडिकांची हॅटट्रिक कोल्हापूरचे खासदार धनंजय महाडिक यांना लागोपाठ तीन वर्षे संसदरत्न पुरस्काराने सन्मानित करण्यात आले आहे. संसदरत्न पुरस्कार मिळवण्याची हॅटट्रिक केल्यामुळे महाडिकांचे विशेष कौतुक करण्यात आले. महडिकांनी हा पुरस्कार कोल्हापूरच्या जनतेला समर्पित करत असल्याचे सांगितले. नंदूरबारच्या हीना गावितांना चौथ्यांदा संसदरत्न नंदूरबारच्या खासदार हीना गावित यांना यंदा चौथ्यांदा संसदरत्न पुरस्काराने सन्मानित करण्यात आले आहे. यंदा संसदरत्न पुरस्कार मिळवणाऱ्या उत्तर महाराष्ट्रातील त्या एकमेव खासदार आहेत.

जनतेने दाखविलेला विश्वास आणि आशीर्वादाच्या बळावर संसदेत जनतेसाठी काम करण्याची संधी मिळाली. हा विश्वास सार्थ ठरविण्यासाठी मी सदैव प्रयत्नरत आहे. हा संसदरत्न पुरस्कार माझा बारामती लोकसभा मतदारसंघ आणि महाराष्ट्रातील तमाम जनतेचा गौरव आहे. या जनतेलाच मी हा पुरस्कार समर्पित करीत आहे. pic.twitter.com/5opm7N0jQO

— Supriya Sule (@supriya_sule) January 19, 2019

चेन्नई में प्राइम पॉइंट फाउंडेशन द्वारा आयोजित समारोह में तमिलनाडु के राज्यपाल बनवारीलाल पुरोहित जी द्वारा संसद रत्न पुरस्कार प्राप्त किया।यह पुरस्कार मेरी क्षेत्र की जनता और कांग्रेस पार्टी को समर्पित है।यह पुरस्कार मुझे निरंतर अपनी जनता की आवाज़ उठाने के लिए प्रेरित करेगा। pic.twitter.com/4Zx2PeKko1

— Rajeev Satav (@SATAVRAJEEV) January 19, 2019

Honoured to receive the “Sansad Ratna” Special Jury Award in Chennai today.

The Sansad Ratna Award was set up & launched in 2010 by Fmr President Dr APJ Abdul Kalam; like millions of Indians, his life and journey has inspired me over the years. pic.twitter.com/NgeCp8AE7C — Dhananjay Mahadik (@dbmahadik) January 20, 2019

खासदार @MPShrirangBarne यांना सलग पाचव्या वर्षी “संसद रत्न” पुरस्कार तामिळनाडुचे राज्यपाल बनवारीलाल पुरोहीत यांच्या हस्ते प्रदान करण्यात आला या प्रसंगी मा.मुख्य निवडनूक आयुक्त टी.कृष्णमूर्ती प्राईम पाॅईंट फाऊंडेशनचे अध्यक्ष के.श्रीनिवास.@ShivSena @uddhavthackeray @AUThackeray pic.twitter.com/FS1MYi840t

— Shrirang Appa Barne (@MPShrirangBarne) January 19, 2019

Humbled & Honoured to receive the “Sansad Ratna Award” for my performance in the Rajya Sabha during my tenure as a member. I dedicate this award to my party @INCIndia and thank our leaders Hon. Sonia Ji & Hon. @RahulGandhi Ji for giving me an opportunity to serve the people. pic.twitter.com/mrfL1ysHiE

— Rajani Patil (@rajanipatil_in) January 20, 2019