Maharashtra TET 2021: टीईटी परीक्षेसाठी नोंदणी सुरु, अर्ज कुठे आणि कसा करायचा?

टीईटी परीक्षा 10 ऑक्टोबरला  होणार आहे. अर्जदार 25 सप्टेंबर ते 10 ऑक्टोबर दरम्यान त्यांचे प्रवेशपत्र डाउनलोड करू शकतील.

exam

मुंबई : महाराष्ट्र शिक्षक पात्रता परीक्षेसाठी (MAHA TET 2021) रजिस्ट्रेशन आजपासून (3 ऑगस्ट 2021) सुरु झालं आहे. अधिकृत वेबसाईट mahatet.in वर सुरू झाली आहे. इच्छुक आणि पात्र उमेदवार 25 ऑगस्ट (रात्री 11.59) पर्यंत परीक्षेसाठी अर्ज करू शकतात.  टीईटी परीक्षा 10 ऑक्टोबरला  होणार आहे. अर्जदार 25 सप्टेंबर ते 10 ऑक्टोबर दरम्यान त्यांचे प्रवेशपत्र डाउनलोड करू शकतील.

जुलै महिन्याच्या सुरुवातीला, महाराष्ट्र शालेय शिक्षण मंत्री, वर्षा गायकवाड यांनी माहिती दिली होती की राज्य शासनाने महाराष्ट्र शिक्षक पात्रता परीक्षा (MAHATET 2021) आयोजित करण्यासाठी महाराष्ट्र राज्य परीक्षा परिषदेला परवानगी दिली आहे. दोन वर्षांच्या कालावधीनंतर होणाऱ्या टीईटीची परीक्षा होत आहे. त्यामुळे 10 लाखांहून अधिक इच्छुक या परीक्षेसाठी अर्ज करु शकतात असा अंदाज आहे. 

टीईटी परीक्षेचे दोन पेपर असतात. यामध्ये एक पहिली ते पाचवी आणि सहावी ते आठवी इयत्तेतील शिक्षक भरतीसाठी ही परीक्षा अनिवार्य करण्यात आलेली आहे.  पेपर एक हा पहिली ते पाचवी वर्गासाठी अध्यापन करु इच्छिणाऱ्या शिक्षकांसाठी आणि पेपर दोन सहावी ते आठवी या वर्गासाठी अध्यापन करु इच्छिणाऱ्या शिक्षकांसाठी असते. प्राथमिक व उच्च प्राथमिक या दोन्ही स्तरावर अध्यापन करु इच्छिणाऱ्या शिक्षकांसाठी दोन्ही पेपर अनिवार्य असतील.

टीईटी परीक्षेबाबत महत्त्वाच्या तारखा

• ऑनलाईन अर्ज प्रक्रिया सुरू : 3 ऑगस्ट
• परीक्षेसाठी नोंदणी करण्याची शेवटची तारीख : 25 ऑगस्ट
• प्रवेशपत्र (Admit Card) जारी करण्याची तारीख : 25 सप्टेंबर
• परीक्षेची तारीख पेपर- I : 10 ऑक्टोबर (रात्री 10.30 ते दुपारी 1.00)
• परीक्षेची तारीख पेपर- II: 10 ऑक्टोबर (दुपारी 2.00 ते 4.30)

अर्ज कुठे आणि कसा करायचा?

• अधिकृत वेबसाइट mahatet.in ला भेट द्या.
• होमपेजवर New Registration वर क्लिक करा.
• नोंदणी करा आणि पोर्टलवर लॉग इन करा.
• आवश्यक तपशील भरा आणि अर्ज फी भरा.
• फॉर्म सबमिट करा आणि प्रिंटआउट काढून घ्या.