Maharashtra Political Crisis Eknath Shinde LIVE : विधानसभा उपाध्यक्ष नरहरी झिरवाळ आणि गटनेते अजय चौधरी, प्रतोद सुनील प्रभू यांना सुप्रीम कोर्टाची नोटीस, पुढील सुनावणी 11 जुलै रोजी
Maharashtra Political Crisis Eknath Shinde Live Updates : महाराष्ट्रातील राजकीय सत्तासंघर्षाचा आज सातवा दिवस आहे. प्रत्येक अपडेट्ससाठी क्लिक करा...
आदित्य ठाकरे यांनी घेतली जखमी शिवसैनिकाची हॅास्पीटलमध्ये जाऊन भेट घेतीली आहे. माथेरानचे शहरप्रमुख प्रमोद सावंत यांची भेट घेतली आहे. आमदार महेंद्र थोरवे यांच्या समर्थकांकडून करण्यात आली होती. प्रसाद सावंत यांना मारहाण झाली. जखमी झालेल्या प्रसाद सावंत यांच्यावर सुरू आहेत. कळंबोली येथील एमजीएम रूग्णालयात उपचार सुरू आहेत
शिवसेनेचे बंड हे त्यांचा अंतर्गत विषय आहे. भाजपचा त्याच्याशी काही संबंध नाही. आम्ही आमची कामे करत आहोत, असे भाजपचे प्रदेशाध्यक्ष चंद्रकांत पाटील यांनी म्हटले आहे.
Maharashtra Political Crisis Supreme Court Update : विधानसभा उपाध्यक्ष नरहरी झिरवाळ आणि गटनेते अजय चौधरी, प्रतोद सुनील प्रभू तसंच केंद्र सरकारला यांना सुप्रीम कोर्टाने नोटीस बजावली आहे. या प्रकरणाची पुढील सुनावणी 11 जुलै रोजी होणार आहे. तोपर्यंत आमदारांच्या अपात्रतेबाबत निर्णय होणार नाही.
Maharashtra Political Crisis Supreme Court Update : ई मेलबाबत आमदारांना विचारणा करण्यात आली होती का? कोर्टाचा सवाल, ई मेलबाबत प्रतिज्ञापत्र सादर व्हायला हवं होतं, सुप्रीम कोर्टाचं मत
#MaharashtraPoliticalCrisis #Eknath_Shinde
Maharashtra Political Crisis Supreme Court Update : उपाध्यक्षांनी 14 दिवसांत प्रस्ताव सभागृहात मांडणं गरजेचं होतं, मात्र त्यापूर्वीच आमदारांना नोटीस, सुप्रीम कोर्टाचं मत तर प्रस्ताव अधिकृत ई मेलवरुन न पाठवल्यानं प्रस्ताव फेटाळला, उपाध्यक्षांचे वकील धवन यांचा युक्तिवाद
Maharashtra Political Crisis Supreme Court Update : उपाध्यक्षांना पाठवण्यात आलेल्या नोटिशीचं कोर्टात वाचन, पदावरुन हटवण्याचा प्रस्ताव अनधिकृत ई मेलवरुन, ठाकरेंची बाजू मांडणारे वकील अभिषेक मनू सिंघवींचा युक्तिवाद
Maharashtra Political Crisis Supreme Court Update : उपाध्यक्षांविरोधात चुकीच्या पद्धतीनं प्रस्ताव पाठवला, ठाकरेंची बाजू मांडणारे वकील अभिषेक मनू सिंघवींचा युक्तिवाद
Maharashtra Political Crisis Supreme Court Update : कोर्टाला हस्तक्षेपास कमी वाव, प्रकरण अध्यक्षांच्या कक्षेत असताना कोर्टाच्या अधिकारावर निर्बंध, ठाकरेंची बाजू मांडणारे वकील अभिषेक मनू सिंघवींचा युक्तिवाद
Maharashtra Political Crisis Supreme Court Update : कोर्टाला हस्तक्षेपास कमी वाव, प्रकरण अध्यक्षांच्या कक्षेत असताना कोर्टाच्या अधिकारावर निर्बंध, ठाकरेंची बाजू मांडणारे वकील अभिषेक मनू सिंघवींचा युक्तिवाद
Maharashtra Political Crisis Supreme Court Update : कोर्टाला हस्तक्षेप करण्यास फार कमी वाव, कोर्ट अंतरिम आदेश देऊ शकतं, वेळेची मर्यादा कोर्ट ठरवू शकतं, अभिषेक मनू सिंघवी यांचा युक्तिवाद
Maharashtra Political Crisis Supreme Court Update : उपाध्यक्ष निर्णय घेत नाहीत तोवर कोर्टानं हस्तक्षेप करु नये, अभिषेक मनू सिंघवी यांचा युक्तिवाद सुरु
हायकोर्टात न जाता सुप्रीम कोर्टात आला?
शिंदे गटाच्या वकिलांनी म्हटलं की,
3 कारणं आहेत
- 226 चे अस्तित्व कलम 32 ला लागू करण्यासाठी घटनात्मक प्रतिबंध नाही
- फ्लोअर टेस्ट, अपात्रता यासारख्या कोणत्याही प्रकरणांबाबत सुप्रीम कोर्टानेच येण्याबाबतचे निर्देश
- अल्पसंख्याक मंत्रिमंडळ राज्ययंत्रणेला उद्ध्वस्त करत आहेत, आमच्या घरांवर हल्ले करत आहेत, आमचे मृतदेह परत येतील असे सांगत आहेत. मुंबईत आमचे हक्क बजावण्यासाठी वातावरण अनुकूल नाही.
Eknath Shinde : बहुमत असणाऱ्यांना विश्वास दर्शक ठरावाची भीती का? उपाध्यक्षांवर आक्षेप असताना निर्णय कसे घेऊ शकतात; शिंदे यांच्या वकिलाचा प्रश्न
शिंदे गटच्या वकिलांचं उत्तर ....
तीन कारणं आहेत
- 226 चे अस्तित्व कलम 32 ला लागू करण्यासाठी घटनात्मक प्रतिबंध नाही
- फ्लोअर टेस्ट, अपात्रता यासारख्या कोणत्याही प्रकरणांबाबत सुप्रीम कोर्टानेच येण्याबाबतचे निर्देश
- अल्पसंख्याक मंत्रिमंडळ राज्य यंत्रणेला उद्ध्वस्त करत आहेत, आमच्या घरांवर हल्ले करत आहेत, आमचे मृतदेह परत येतील असे सांगत आहेत. मुंबईत आमचे हक्क बजावण्यासाठी वातावरण अनुकूल नाही.
Eknath Shinde : सुप्रीम कोर्टात धाव घेण्यासाठी तीन कारणे असल्याचे शिंदे गटांच्या वकिलांनी स्पष्टीकरण दिले आहे. आमदार अपात्रता, बहुमत चाचणीसाठी सुप्रीम कोर्ट योग्य आहे. त्याला कोणताही अटकाव नाही. त्याशिवाय, महाराष्ट्रात आमच्या आमदारांच्या घरांवर हल्ले सुरू असून त्यांना धमकी देण्यात येत असल्याचा मुद्दा शिंदे गटाने म्हटले आहे.
Eknath Shinde : हायकोर्टात का गेलात नाही, सुप्रीम कोर्टाने शिंदे गटाला विचारणा केली आहे. आमदार अपात्रतेच्या मुद्यावर एकनाथ शिंदे गटाने सुप्रीम कोर्टात धाव घेतली आहे.
शिवसेनेचे खासदार संजय राऊत यांना ईडीने समन्स बजावल्यानंतर त्यांनी ट्वीटवरुन प्रतिक्रिया देत आहेत. या ट्वीटमध्ये संजय राऊत यांनी देवेंद्र फडणवीस यांना मेंशन करुन त्यांना थेट आव्हान दिलं आहे. माझी मान कापली तरी मी गुवाहाटीचा मार्ग स्वीकारणार नाही. या..मला अटक करा! जय महाराष्ट्र असं संजय राऊत यांनी म्हटलं आहे.
Maharashtra Political Crisis : जनहिताची कामे अडकून न राहता ती अविरतपणे सुरू राहण्यासाठी तसेच सध्या सुरू असलेल्या पावसाळ्यात अतिवृष्टी होणे, आपत्तीच्या घटना अशा परिस्थितीत विभागांची कामे सुरळीतपणे पार पाडण्यासाठी अनुपस्थित पाच मंत्री आणि चार राज्यमंत्री यांच्याकडील खाती इतर मंत्र्यांना सोपविण्याचा निर्णय मुख्यमंत्री उद्धव ठाकरे यांनी घेतला आहे.
महाराष्ट्र शासन कार्यनियमावलीतील नियम 6-अ मध्ये 6-अ अनुपस्थिती, आजारपण किंवा इतर कोणत्याही कारणामुळे आपली कामे पार पाडणे शक्य नसेल त्यावेळी मुख्यमंत्र्यांस आपल्या अनुपस्थितीत आपली सर्व किंवा कोणतीही कामे पार पाडण्याबाबत इतर कोणाही मंत्र्यास निर्देश देता येईल. त्याचप्रमाणे जेव्हा एखाद्या मंत्र्याला आपली कामे पार पाडणेशक्य नसेल तेव्हा त्या मंत्र्याच्या अनुपस्थितीत मुख्यमंत्र्यास इतर कोणाही मंत्र्याला त्याची सर्व किंवा काही कामे पार पाडण्याबाबत निदेश देता येईल अशी तरतूद आहे त्याप्रमाणे हा निर्णय घेण्यात आला आहे.
ED summons Sanjay Raut : शिवसेनेचे खासदार संजय राऊत यांना ईडीने समन्स बजावलं आहे. उद्या अकरा वाजता त्यांना चौकशीसाठी ईडीसमोर हजर राहण्यास सांगितलं आहे.
जयसिंगपूरमध्ये शिवसैनिक आक्रमक, राजेंद्र पाटील यांचे समर्थक आणि शिवसैनिक आमनेसामने, पोलिसांची सुरक्षा भेदून शिवसैनिक कार्यालयात घुसले
शिवसेनेचे बंडखोर आमदार दीपक केसरकर यांच्या निषेधार्थ सिंधुदुर्गातील सावंतवाडीत शिवसैनिक एकवटून भव्य मोर्चाचे आयोजन केले आहे . या मोर्चात कुडाळ मालवण मतदार संघाचे आमदार वैभव नाईक, शिवसेनेचे प्रमुख पदाधिकारी आणि जिल्ह्यातील शिवसैनिक सहभागी झाले आहेत पक्षप्रमुख उद्धव ठाकरे यांच्या समर्थनार्थ ही भव्य रॅली काढली असल्याचा शिवसैनिकांकडून सांगण्यात येत आहे मात्र प्रत्यक्षात आमदार दीपक केसरकर यांचा निषेध करण्यासाठी दीपक केसरकर यांच्या होम ग्राउंडवर ही भव्य रॅली शिवसेनेने काढली आहे मुख्य म्हणजे बंडखोर आमदार दीपक केसरकर यांच्या घरासमोर शिवसैनिक थांबून केसरकर यांच्या विरोधात जोरजोरात घोषणाबाजी देत होते मात्र पोलिसांनी या ठिकाणी कडेकोट पोलीस बंदोबस्त ठेवला होता कोणताही अनुचित प्रकार घडू नये म्हणून सावंतवाडीतील मोठा पोलिस बंदोबस्त आहे
डोंबिवलीत एकनाथ शिंदे समर्थकांचे शक्तिप्रदर्शन,संजय राऊत यांचा पुतळा जाळला, संजय राऊत यांच्या विरोधात घोषणा
ख्यमंत्री उद्धव ठाकरेंवर आलेलं संकट दूर कर. असं साकडं शिवसैनिकांनी कार्ला येथील आई एकविराला घातलं. आई एकविरा ही ठाकरे कुटुंबियांची कुलदैवता आहे. म्हणूनच आज पुण्याच्या मावळ तालुक्यातील शिवसैनिक आई एकविराच्या चरणी पोहोचले.
Prayers for CM Uddhav Thackeray : मुख्यमंत्री उद्धव ठाकरे यांच्यावर आलेलं संकट दूर कर, असं साकडं शिवसैनिकांनी कार्ला येथील आई एकविराला घातलं. आई एकविरा ही ठाकरे कुटुंबियांची कुलदेवी आहे. म्हणूनच आज पुण्याच्या मावळ तालुक्यातील शिवसैनिक आई एकविराच्या चरणी पोहोचले. कार्ला गडाच्या पायथ्याला असणाऱ्या मंदिरात या शिवसैनिकांनी महाआरती केली. गद्दारांमुळे आमचे दैवत संकटात आहेत, या संकटातून त्यांना बाहेर काढ, असं साकडं या शिवसैनिकांनी घातलं. तसेच गद्दारांना सुद्बुद्धी दे, असं मागणं ही या शिवसैनिकांनी आई एकविरा चरणी घातलं.
मंत्री उदय सामंत यांचे आता होणारे फेसबुक लाईव्ह रद्द करण्यात आले असून फेसबुक लाईव्हची सुधारित वेळ नंतर आपल्याला कळवण्यात येईल, असं सांगण्यात आलं आहे.
'आम्ही यड्रावकर' म्हणत हजारो समर्थक राजेंद्र पाटील यड्रावकर यांच्या कार्यालयासमोर एकटले, एकनाथ शिंदे यांच्या सोबत गेलेल्या यड्रावकर यांच्या समर्थनार्थ कार्यकर्ते जयसिंगपूर येथे एकत्र जमले, याच ठिकाणी काही वेळात शिवसैनिक यड्रावकर यांच्या विरोधात आंदोलन करणार आहेत, यड्रावकर यांच्या कार्यालय परिसरात मोठा बंदोबस्त
Maharashtra Political Crisis : एकनाथ शिंदे यांच्या गटाची गुवाहाटी येथे होणाऱ्या खर्चाच्या संदर्भात आपण ईडीकडे चौकशी केली असून येत्या मंगळवारी आपण थेट मुंबईतील कार्यालयात जाऊन याबाबत विचारणा करणार आहोत. भाजपच्या या चालबाजीमुळे महाराष्ट्राची संपूर्ण जगभरात मोठ्या प्रमाणावर बदनामी झाली असून या आमदारांच्या खर्चाच्या चौकशीची मागणी आपण राज्याच्या गृह सचिव, मुख्य सचिव तसेच सर्वोच्च न्यायालयाचे न्यायमूर्ती यांच्याकडे केली आहे, अशी माहिती राष्ट्रवादीचे प्रदेश उपाध्यक्ष अनिल गोटे यांनी दिली.
भूम शहराला छावणीचे स्वरूप शहरातील पोलिस बंदोबस्त वाढवला... तानाजी सावंत यांनी बंडखोरी केल्याच्या समर्थनार्थ कार्यकर्ते रस्त्यावर उतरणार...
बंडखोर आमदार तानाजी सावंत यांच्या समर्थनार्थकांचे शक्ति प्रदर्शन...
राज्यातल्या राजकीय परिस्थितीवर मराठा क्रांती ठोक मोर्चाची आज महत्त्वपूर्ण बैठक, दुपारी १ वाजता बैठक
राज्यात सुरु असलेल्या राजकीय घडीमोडींमध्ये मराठा क्रांती ठोक मोर्चा कोणाला समर्थन देणार याकडे सर्वांचं लक्ष
सोबतच मराठा आरक्षण आणि सरकारी पातळीवर आरक्षणासंबंधी होत असलेल्या हालचालींसंदर्भात देखील भाष्य करणार
बैठकीनंतर दुपारी २ः३० वाजता मराठा क्रांती ठोक मोर्चाची पत्रकार परिषद
Sachin Kharat on Reble Shiv Sena MLA : "राज्यात महाविकास आघाडी सरकार आल्यापासून मुख्यमंत्री उद्धव ठाकरे आणि उपमुख्यमंत्री अजितदादा पवार यांनी संविधाननिर्माता डॉ. बाबासाहेब आंबेडकर यांच्या स्मारकाचे काम कोरोना असतानाही तसेच राज्य सरकार आर्थिक संकटात असतानाही जोरात चालू ठेवलं. तसेच राज्य सरकारने 28 एप्रिल रोजी महात्मा फुले मागासवर्ग विकास महामंडळ, साहित्यरत्न अण्णाभाऊ साठे विकास महामंडळ, संत रोहिदास चर्मोदयोग आणि चर्मकार विकास महामंडळचे भागभांडवल 1000 कोटी आणि महाराष्ट्र राज्य दिव्यांग वित्त आणि अपंग महामंडळाचे भागभांडवल 500 कोटी केल्यामुळे बंडखोर आमदारांच्या पोटात दुखू लागले. त्यामुळेच हे महाविकास आघाडी सरकार पाडण्याचा डाव आखत आहे, हा आमचा आरोप आहे. त्यामुळेच बंडखोर आमदार दलित आणि वंचित विरोधी आहेत," असं रिपब्लिकन पार्टी ऑफ इंडियाच्या खरात गटाचे राष्ट्रीय अध्यक्ष सचिन खरात म्हणाले.
NCP Hoardings in Nifad : शिवसेनेत बंडाळी उफाळून आली असताना राष्ट्रवादी काँग्रेस शिवसेनेच्या बाजूने उभी राहिली आहे. निफाड तालुक्यातील चांदोरीमध्ये 'उद्धवजी के सन्मान में राष्ट्रवादी मैदान में' नाशिक औरंगाबाद रोडवर होर्डिंग लावण्यात आल्याने सध्या चर्चेचा विषय ठरला आहे. निफाड तालुक्यात कायमच शिवसेना आणि राष्ट्रवादी काँग्रेस या दोन पक्षात राजकीय संघर्ष बघायला मिळायला आहे. मात्र सध्याच्या अस्थिर वातावरणात राष्ट्रवादी काँग्रेसचे जिल्हा परिषद सदस्य सिद्धार्थ वनारसे यांनी उद्धव ठाकरे यांना पाठिंबा दर्शवणारे होर्डिंग लावल्याने सत्ता संघर्षाचे लोण ग्रामीण भागात ही पोहचल्याचे निदर्शनास येत आहे.
आदित्य ठाकरे यांचा संध्याकाळी 5 वाजता कर्जत येथे कार्यकर्त्यांचा मेळावा, रात्री 8 वाजता भायखळ्यातील ताडवाडी शाखेला भेट, रात्री 08:45 वाजता माहीमच्या दादर शाखेला भेट
Maharashtra Political Crisis : शिवसेनेकडून होत असलेल्या अपात्रतेच्या कारवाई विरोधात शिंदे गट सर्वोच्च न्यायालयात गेला आहे. महाराष्ट्रातल्या या सत्ता नाट्यासंदर्भातील प्रकरण सुप्रीम कोर्टात आयटम क्रमांक 34 वर आहे. न्यायमूर्ती सूर्यकांत न्यायमूर्ती पारडीवाला यांच्या पीठासमोर ही सुनावणी होणार आहे. सुप्रीम कोर्टाच्या व्हेकेशन बॅच समोर ही सुनावणी होत आहे. दिवसभराच्या कामकाजात शेवटच्या क्रमांकावर हे प्रकरण आहे. त्यामुळे सुनावणी थोड्या उशिराने सुरु होण्याची शक्यता आहे.
Maharashtra Political Crisis : बुलढाणा जिल्ह्यातील दोन शिवसेना आमदार संजय रायमूलकर आणि संजय गायकवाड हे शिंदे गटात सामील झाल्याने जिल्ह्यातील दोन मतदारसंघासह संपूर्ण जिल्ह्यातील शिवसेनेत संभ्रम निर्माण झाला आहे. अजूनही जिल्ह्यातील शिवसेनेची पुढील भूमिका काय असणार आहे याबाबत सामान्य शिवसैनिकांमध्ये संभ्रम आहे. त्यामुळे हा संभ्रम दूर करण्यासाठी खासदार प्रतापराव जाधव आणि दोन जिल्हाप्रमुखांनी आज दुपारी बुलढाण्यात बैठक बोलावली आहे. या बैठकीत खासदार प्रतापराव जाधव मार्गदर्शन करण्याची शक्यता आहे. या बैठकीत शिवसैनिकांसह शिंदे समर्थकही हजेरी लावणार आहेत. त्यामुळे या बैठकीत नेमकी काय भूमिका घेतली जाते? या बैठकीत शिंदे समर्थक काय भूमिका घेतात? हे बघणे महत्त्वाचं आहे.
Shiv Sena Melava : शिवसेनेत झालेल्या बंडाळीनंतर आता शिवसेना नेत्यांनी ठिकठिकाणी मेळावे घेण्यास सुरुवात केली आहे. घाटकोपरच्या रमाबाई नगरमध्ये शिवसेनेचा मेळावा पार पडला. या मेळाव्याला शिवसेना नेते दिवाकर रावते, प्रवक्त्या मनिषा कायंदे यांनी उपस्थितांना मार्गदर्शन केले. यावेळी मनिषा कायंदे यांनी बंडखोर आमदारांना आता कायद्यासह इतर लढाईलाही सामोरे जावे लागणार असल्याचे सांगितले.
पार्श्वभूमी
Maharashtra Political Crisis Eknath Shinde Timeline : महाराष्ट्राच्या राजकारणात एकनाथ शिंदेंच्या बंडानंतर आता अभूतपूर्व परिस्थिती निर्माण झाली आहे. आज या सत्तासंघर्षाचा सातवा दिवस आहे. विधान परिषद निवडणुकीच्या निकालानंतर एकनाथ शिंदेंचं नाराजीनाट्य सुरु झालं. आधी समर्थक आमदारांसह शिंदे 21 तारखेला सुरतला पोहोचले. एकनाथ शिंदे आणि आमदारांनी सूरतमधील मेरिडियन हॉटेलमध्ये मुक्काम ठोकला. शिवसेनेकडून शिंदेंची समजूत काढण्याचा प्रयत्न करण्यात आला. पण, आपल्या भूमिकेवर ठाम असल्याचं एकनाथ शिंदेंच्या वतींन सांगण्यात आलं. यासर्व प्रकारात अनेक नाट्यमय घडामोडी घडल्याचं पाहायला मिळाल्या. एकनाथ शिंदेंसोबतच्या काही आमदारांनी आपल्याला दमदाटी करुन, धमक्या देऊन सूरतमध्ये नेल्याचं सांगितलं. काहींनी मातोश्रीवर निरोप धाडले तर काहींनी एकनाथ शिंदेंच्या हातावर तुरी देत चक्क मुंबई गाठली. यासर्व घडामोडींमध्ये तो दिवस मावळला. पण घडामोडी काही थांबल्या नाहीत.
शिवसेनेचे प्रबळ नेते आणि महाविकास आघाडी सरकारमधील नगरविकास मंत्री एकनाथ शिंदे यांनी पक्षाविरोधात बंड पुकारला आणि संबंध महाराष्ट्र हादरला. सूरतमध्ये आपल्या आमदारांसह एकनाथ शिंदेंनी भाजप नेत्यांशी भेटीगाठी घेतल्या. त्यानंतर शिवसेनेकडून मन वळवण्याचा प्रयत्न सुरु झाला. पण एकनाथ शिंदेंनी आपण आपल्या भूमिकेवर ठाम असल्याचं स्पष्ट केलं. त्यानंतर सूरतमधून एकनाथ शिंदे आणि त्यांच्या गटातील आमदारांना एअरलिफ्ट करण्याचा निर्णय घेण्यात आला आणि सगळे आमदार गुवाहाटीच्या दिशेनं रवाना झाले. मग तिथून ते हे सगळे आमदार आसाममधल्या गुवाहाटीत पोहोचले.
22 जून 2022
एकनाथ शिंदेंचं बंड तीव्र...
शिंदेंसोबतचे सर्व आमदार सुरतमधून गुवाहाटीला निघण्याच्या तयारीत...
कार आणि बसमधून शिंदे समर्थक आमदार विमानतळाकडे रवाना...
शिवसेना आमदारांनी कोणतही बंड केलेलं नाही, एकनाथ शिंदेंचं स्पष्टीकरण
गुवाहाटीला रवाना होण्यासाठी शिंदेंसह समर्थक आमदार सुरत विमानतळावर दाखल
शिदेंसोबत शिवसेनेचे ३३ तर इतर दोन आमदार
एकनाथ शिंदेंसह सर्व आमदार गुवाहाटी विमानतळावर दाखल
विमानतळावरुन सर्व आमदार गुवाहाटीच्या ब्ल्यू रेडिसन हॉटेलमध्ये
शिवसेना समर्थक राज्यमंत्री बच्चू कडू शिंदेंसोबत गुवाहाटीत
गुवाहाटीमध्ये पोहचताच एकनाथ शिंदे पुन्हा कॅमेऱ्यासमोर
आपल्याबरोबर 40 आमदार असल्याचा दावा करून शिंदेंचं शिवसेनेला आव्हान
एकनाथ शिंदेंना जवळपास 50 अपक्ष आमदारांचा पाठिंबा असल्याचं बच्चू कडूंचं वक्तव्य, बच्चू कडू शिंदेंसह गुवाहाटीतील रेडिसन हॉटेलमध्ये
महाराष्ट्राचे राज्यपाल भगतसिंह कोश्यारींना कोरोनाची लागण झाल्याची माहिती
ठाण्यातले 5 आजी माजी नगरसेवक एकनाथ शिंदेंच्या सोबत ठाण्यात आणखीन काही नगरसेवक स्टँड बाय मोड वर असल्याचीही माहिती
देवेंद्र फडणवीसांच्या सागर बंगल्यावर भाजप नेत्यांची बैठक... शरद पवार सिल्व्हर ओकवरील बैठक आटोपून वाय. बी. चव्हाण सेंटरला
महाराष्ट्रातील राजकीय पेचावर खासदार संजय राऊतांचं ट्विट, 'राजकीय घडामोडींचा प्रवास विधानसभा, बरखास्तीच्या दिशेनं', असं म्हणत उद्धव ठाकरेंच्या राजीनाम्याचे एकप्रकारे राऊतांकडून संकेत, दुसरीकडे राष्ट्रवादीचे आमदार अजित पवार यांच्या कार्यालयात
मुख्यमंत्री उद्धव ठाकरे कोरोना पॉझिटिव्ह... मंत्रिमंडळ बैठकीत मुख्यमंत्री ऑनलाईन उपस्थिती
दरम्यान शिंदेंच्या बंडानंतर शिवसेना आमदार दीपक केसरकरांचं मोठं वक्तव्य, शिवसेना आणि भाजपनं एकत्र राहायला हवं असं केसरकर म्हणाले.
"मला उमेदवारी दिली असती तर असं घडलं नसतं" शिवसेनेतील बंडावर संभाजीराजे छत्रपती यांचं वक्तव्य
दुसरीकडे देवेंद्र फडणवीसांच्या सागर बंगल्यावर नारायण राणे दाखल
शिवसेनेच्या विधिमंडळ मुख्य प्रतोदपदी भरत गोगावले शिदेंकडून सुनील प्रभूंची प्रतोद पदावरुन उचलबांगडी
राज्यात राजकीय घडामोडींना वेग अपक्ष आमदार गीता जैन आणि बविआचे क्षितीज ठाकूर फडणवीसांच्या भेटीला तर राष्ट्रवादीच्या आमदारांना मुंबईत पोहोचण्याचे आदेश
मुख्यमंत्री उद्धव ठाकरेंचा जनतेशी संवाद, मी मुख्यमंत्रीपद सोडायला तयार आहे... उद्धव ठाकरेंचं वक्तव्य. "मी राजीनामा तयार करुन ठेवलाय, उद्धव ठाकरे मुख्यमंत्री नको हे समोर येऊन सांगा" उद्धव ठाकरेंचं एकनाथ शिंदेंना समोर येण्याचं आव्हान
मुख्यमंत्र्यांच्या पत्रकार परिषदेनंतर राऊतांचं ट्वीट, "होय, संघर्ष करणार" राऊतांचा ट्विटमधून विरोधकांना टोला
गुवाहाटीला गेलेले बाळापूरचे शिवसेना आमदार नितीन देशमुख महाराष्ट्रात परत आले. त्यांनी माध्यमांसमोर येत आपल्याला मारहाण झाल्याचं आणि जबरदस्ती नेल्याचं सांगत हे सगळं भाजपचं षडयंत्र असल्याचा दावा केला.
23 जून 2022
एकनाथ शिंदेंच्या बंडखोरीची तयारी मागील 6 महिन्यांपासून, गृहखात्याकडून मुख्यमंत्र्यांना माहिती दिल्यानंतरही दुर्लक्ष : सूत्र
शिवसेनेचे आणखी सहा आमदार नॉट रिचेबल असल्याची माहिती समोर आली, मातोश्रीवर बैठकांचं सत्र सुरु झालं
कोणाला ठेवायचं, कोणाला काढायचं, हे तुम्ही ठरवा, सुरुवात सुनील प्रभूंपासून करा; सरनाईक-गोगावले यांच्यातील संभाषण व्हायरल झालं
राज्यातील सत्ता पेच आणखी गडद, प्रियंका गांधी मुंबईत; विमानतळावरच काँग्रेस नेत्यांशी खलबतं
गुवाहाटीमध्ये शिवसेना आमदार असलेल्या हॉटेलबाहेर तृणमूल काँग्रेसचे जोरदार आंदोलन केलं
आमदारांना डांबून ठेवण्यामागेही भाजपचाच हात असल्याचंही संजय राऊत राऊतांनी सांगितलं. शिवसेनेचे 17 ते 18 आमदार भाजपच्या ताब्यात असल्याचा नवा दावा केला
'ही आहे आमदारांची भावना'; एकनाथ शिंदेंचं नव्या पत्रासह नवं ट्वीट केलं. हे पत्र आमदार संजय शिरसाट यांनी लिहिलेलं ज्यात बडव्यांचा उल्लेख करत मुख्यमंत्री भेटत नसल्याची तक्रार होती
पक्षप्रमुखानं गटनेता नेमायचा असतो, मुख्यमंत्र्यांनी अजय चौधरींची नेमणूक केलीय, ते पत्र मी स्वीकारलंय असं विधानसभा उपाध्यक्ष नरहरी झिरवाळ यांनी सांगितलं
एक दिवस आधी एकनाथ शिंदेंविरुद्ध आंदोलन करणारे सदा सरवणकर यांच्यासह काही आमदार शिंदे गटात गेले, यानंतर सदा सरवणकर गद्दार म्हणत शिवसैनिक आक्रमक, मुंबईत बॅनरला काळं फासलं
गुवाहाटीमध्ये एकनाथ शिंदेचे शक्तिप्रदर्शन; नवा व्हिडिओ समोर आला
कृषीमंत्री दादा भुसेही एकनाथ शिंदे गटात जाऊन पोहोचले
शिवसेनेने महाविकास आघाडीतून बाहेर पडावे अशी आमदारांची इच्छा असेल तर आमदारांनी 24 तासांत मुख्यमंत्री आणि शिवसेना पक्षप्रमुख उद्धव ठाकरे यांच्यासमोर उपस्थित राहून चर्चा करावी असे आवाहन शिवसेना नेते संजय राऊत यांनी केले
शिंदे यांच्याकडूनच त्यांच्यासोबत असलेल्या यादीची घोषणा केली. शिंदे यांच्यासोबत शिवसेनेचे 37 आमदार असल्याचा दावा केला तर 9 अपक्ष आमदार सोबत असल्याचा देखील दावा केला
पृथ्वीराज चव्हाण म्हणाले, "आमच्या हातात काहीच नाही, उद्धव ठाकरे यू टर्न घेतील वाटत नाही"
सुटका करून पळून आल्याचा नितीन देशमुखांचा दावा खोटा; शिंदे गटाकडून फोटो जारी करत दिला पुरावा
नाना पटोले म्हणाले...अजित पवार शिवसेनेप्रमाणे काँग्रेसच्या आमदारांनाही त्रास द्यायचे, निधी देत नसत
एवढे मंत्री रातोरात निघून गेल्याचं कसं कळलं नाही?, शरद पवार गृहखात्यावर नाराज
का उगाच वण वण भटकताय? घरचे दरवाजे उघडे आहेत, संजय राऊतांचं बंडवीरांना चर्चेचं आमंत्रण
आसाममधील शिवसेनेच्या आमदारांना बंगालला पाठवा, त्यांचा योग्य पाहुणचार करू; ममता बॅनर्जी यांचा भाजपला टोला
बंडखोरी करणाऱ्यांना किंमत मोजावी लागेल; शरद पवारांचा इशारा तर सरकार टिकवण्यासाठी उद्धव ठाकरेंना राष्ट्रवादीचा पाठींबा असल्याचं अजित पवार यांनी सांगितलं पण अजित पवारांकडून भाजपला क्लीन चिट!
भाजपचा पाठिंबा असल्याचं एकनाथ शिंदेंनी केलं मान्य, तर शिंदेंच्या मागे भाजपच, अजित पवारांना त्याची माहिती नाही, बंडखोरांना इकडे यावंच लागेल असं शरद पवार म्हणाले
एकनाथ शिंदेंच्या मनधरणीसाठी नार्वेकरांसोबत सूरतला गेलेले फाटकही शिंदेंच्या गटात, गुवाहाटीत दाखल
बंडखोरांच्या केसालाही धक्का लागल्यास घर गाठणे कठिण होईल; नारायण राणेंची थेट शरद पवारांना धमकी
12 आमदारांचं सदस्यत्व रद्द करा, शिवसेनेची विधानसभा उपाध्यक्षांकडे मागणी केली तर आम्ही तुमच्या धमक्यांना भीक घालत नाही, खरी शिवसेना आमचीच; कारवाईसंबंधी शिवसेनेच्या पत्रानंतर एकनाथ शिंदेंचा इशारा
जे गेलेत त्यांचा विचार करु नका, मेळावे लावा, शाखा पिंजून काढा; उद्धव ठाकरे यांचे विभागप्रमुखांना आदेश
24 जून 2022
बहुमतासाठी आवश्यक असणारा आकडा पूर्ण झाला आहे. मात्र अद्याप सरकारचा पाठिंबा काढण्याचा निर्णय झालेला नाही, अशी प्रतिक्रिया शिवसेनेचे बंडखोर नेते एकनाथ शिंदे यांनी एबीपी माझाशी बोलताना दिली
एकनाथ शिंदेंकडून कोणताही प्रस्ताव नाही, राज्यातील घडामोडींशी भाजपचा संबंध नाही : चंद्रकांत पाटील
अजय चौधरी, सुनील प्रभूंच्या नियुक्तीविरोधात एकनाथ शिंदे हायकोर्टात जाणार असल्याचं सांगितलं
शिवसेनेकडून शिंदे गटातील आणखी चार आमदारांच्या अपात्रतेची मागणी; एकूण 16 आमदार लिस्टमध्ये...
आपल्यासोबत कोणी नाही असं समजून नवी शिवसेना उभी करा; उद्धव ठाकरे यांचं आवाहन, उद्धव ठाकरेंचे एकनाथ शिंदे गटाला थेट आव्हान... हीच वीट आता तुमच्या डोक्यात हाणणार
नरहरी झिरवाळ यांच्याविरोधात दोन दिवसांपूर्वीच अविश्वास प्रस्ताव, आमदारांच्या अपात्रतेचा निर्णय घेण्याचा अधिकार नसल्याचा दावा; अपक्ष आमदारांचे पत्र
शिवसैनिक होऊ शकतात आक्रमक, राज्यातील सर्व पोलीस ठाण्यांना हाय अलर्ट राहण्याचे आदेश
शरद पवार आणि उद्धव ठाकरे यांच्यात मातोश्रीवर बैठक, दोन तासांनी संपली बैठक
बंड करण्यासाठी मुख्यमंत्री आजारी असतानाची वेळ निवडली, आता आपण लढायचं आणि जिंकायचं, आदित्य ठाकरेंचं कार्यकर्त्यांना आवाहन
तुम्ही निवडून आलेल्यांना फोडून दाखवाल, पण निवडून देणाऱ्यांना फोडून दाखवा; उद्धव ठाकरेंचे शिंदे आणि भाजपला आव्हान
25 जून 2022
'भोग्यांना हाताशी धरून भाजप स्वतःला महाशक्ती म्हणून मिरवतेय', सामनातून शिवसेनेचा हल्लाबोल, एकनाथ शिंदेंना बाबा 'योगराज'ची उपमा; गुवाहाटीत योग शिबिरातील आमदारांना अन्नातून अफू गांजा दिला जातो काय असाही आरोप
एकनाथ शिंदे गटाकडून सत्ता स्थापनेसाठी हालचाली; चर्चेसाठी शिष्टमंडळ स्थापन करणार असल्याची माहिती समोर
शिवसेनेत भांडणं लावून राष्ट्रवादी मजा पाहतेय, आमदार संजय शिरसाट यांचा आरोप
शिंदेंच्या बंडानंतर शिवसेना अ‍ॅक्शन मोडमध्ये; आदित्य ठाकरेंचे मुंबईत मेळावे घेण्याचं जाहीर
शिवसेना कुणी हायजॅक करु शकत नाही, ते आमदार मुंबईत आले की आमच्याकडेच येतील, संजय राऊतांचं माध्यमांशी बोलताना वक्तव्य
एकनाथ शिंदे यांचा नवा आरोप; राजकीय आकसाने मुख्यमंत्री, गृहमंत्र्यांनी बंडखोर आमदारांचे संरक्षण काढले तर गृहमंत्र्यांनी आरोप फेटाळले
बंडखोर आमदार तानाजी सावंतांच्या पुण्यातील कार्यालयाची तोडफोड, शिवसैनिक आक्रमक, सावंत यांच्यासह काही बंडखोर आमदार, खासदारांची कार्यालयं फोडली, ठाण्यात खासदार डॉ श्रीकांत शिंदेंचंही कार्यालय फोडलं, नाशिकमध्येही शिवसैनिक आक्रमक, दादा भुसे आणि सुहास कांदेच्या नावाला काळे फासले, शिवसेना नेते जयदत्त क्षीरसागरांविरुद्ध शिवसैनिक आक्रमक, घरावर हल्लाबोल मोर्चा
शिवसेनेच्या बंडाची लढाई आता कोर्टात; शिंदे गट सुप्रीम कोर्टात धाव घेणार असल्याची माहिती समोर आली
आमदारांप्रमाणे शिवसेनेचे 18 पैकी 10 खासदार बंडखोरीच्या तयारीत, भाजप खासदार प्रताप चिखलीकर यांचा दावा
स्वत: च्या बापाच्या नावानं मतं मागा, उद्धव ठाकरेंचा शिंदे गटावर हल्लाबोल
शिवसेनेच्या 16 बंडखोर आमदारांवर कारवाईस सुरुवात; विधानसभा उपाध्यक्षांनी बजावली नोटीस
पक्ष सोडलेला नाही, आम्ही शिवसेनेतच; एकनाथ शिंदे गटाचे स्पष्टीकरण
एकनाथ शिंदेंच्या समर्थनार्थ ठाण्यात शक्तीप्रदर्शन, श्रीकांत शिंदेही उपस्थित
एकनाथ शिंदे उद्धव ठाकरेंच्या मनातील मुख्यमंत्री ते बंडखोरांची मंत्रीपदं 24 तासांत जाणार, संजय राऊत यांचं माझा कट्ट्यावर रोखठोक भाष्य
विकिपीडियावर एकनाथ शिंदेंच्या नावाचा डंका; बायडेन, पुतीन,मोदींनाही टाकले मागे
'मविआ'चा खेळ ओळखा, अजगराच्या विळख्यातून शिवसैनिकांना सोडवण्यासाठी लढतोय; एकनाथ शिंदेंचं नवं ट्विट
'जे गेले ते गेले...आमचे नवे उमेदवार जिंकण्यासाठी सज्ज आहेत', आदित्य ठाकरे यांनी व्यक्त केला विश्वास
शिवसेनेत राजीनामा नाराजीनाट्याला सुरुवात, ठाण्याचे जिल्हाप्रमुख नरेश म्हस्केंचा राजीनामा
एकनाथ शिंदे समर्थकांचा गुवाहाटीमधील मुक्काम वाढला, हॉटेलचं बुकिंग वाढवलं
26 जून 2022
'आना ही पडेगा, चौपाटी में'; नरहरी झिरवाळांचा भन्नाट फोटो टाकत संजय राऊतांचं खोचक ट्वीट
शिवसेनेत बंड: 'सिल्वर ओक'वर महाविकास आघाडीच्या नेत्यांची खलबतं
'फुटिरांबरोबर सरकार बनवणे म्हणजे अस्वलाच्या गुदगुल्या'; संजय राऊतांचा 'रोखठोक' हल्लाबोल
हिंमत असेल तर राजीनामा द्या अन् निवडणुकीला सामोरं जा, संजय राऊतांचं माध्यमांशी बोलताना चॅलेंज
बंडखोर आमदारांच्या घरांना आता केंद्राची सुरक्षा, आमदारांच्या घराबाहेर CRPFचे जवान तैनात
आमची भिकाऱ्यासारखी परिस्थिती झाली होती; उद्धव ठाकरेंबद्दल सत्तार यांची नाराजी
दहिसरमधील सभेत संजय राऊतांनी हल्लाबोल केला. संजय राऊत थेटच बोलले, 'प्रताप सरनाईकांनी सांगितलं फडवणीस मला अमित शाहांकडे घेऊन गेले अन् माझं ईडीचं मॅटर साफ झालं', संजय राऊत यांचे बंडखोरांना आव्हान, एका बापाचे असाल तर आमदारकीचे राजीनामे द्यावे
मुख्यमंत्री पदाबाबत विचारल्यानंतरही शिंदेंचं बंड, बंडखोरांना विधानभवनाची पायरी चढू देणार नाही : आदित्य ठाकरे
राज्यपाल कोश्यारींना रुग्णालयातून डिस्चार्ज, कोरोनातून बरे झाल्यावर राजभवनावर पोहोचले
मंत्री उदय सामंतही नॉट रिचेबल, एकनाथ शिंदे गटात सामिल
ठाकरे नाव न लावता मैदानात या, मग तुम्हाला तुमची किंमत कळेल; निलेश राणेंची उद्धव ठाकरेंवर टीका
शिंदे गटाकडून 50 कोटींहून अधिकची ऑफर, आमदार उदयसिंग राजपूत यांचा दावा
शिवसेनेच्या बंडखोर गटावर कायद्यातील तरतुदींनुसार कारवाई करणे शक्य असल्याचे शिवसेनेने म्हटले. बंडखोरांना आपला गट एखाद्या पक्षात विलीन करावाच लागणार असल्याचे त्यांनी म्हटले.
महाराष्ट्रातील माफिया सरकारचा अंत जवळ आला, किरीट सोमय्यांची टीका
ठाकरे सरकारला आमचा पूर्ण पाठिंबा : शरद पवार
'महाराष्ट्रातील मविआ सरकार आणखी दोन-तीन दिवस चालणार', केंद्रीय मंत्री रावसाहेब दानवे यांचा दावा
गद्दारांना पुन्हा विधानसभेची पायरी चढू देणार नाही; आदित्य ठाकरेंचा इशारा
शिंदे गटाकडून पर्यायांची चाचपणी सुरू, विलीन करण्याची वेळ आल्यास मनसेचाही पर्याय?
महाराष्ट्रातल्या सत्ताकारणाचा खेळ सुप्रीम कोर्टात, अपात्रतेच्या कारवाई विरोधात शिंदे गटाकडून याचिका. शिंदेंच्या बाजूने लढणार हरीश साळवे, तर ठाकरे सरकारकडून कपिल सिब्बल मैदानात
आमचे नेते उद्धव ठाकरेच, उर्वरीत 14 जणांनी आमच्यासोबत यावे : दीपक केसरकर
कुणी तरी ताकद देत असल्याशिवाय एकनाथ शिंदे इतकं धाडस करणार नाहीत: एकनाथ खडसे
बंडखोर आमदारांच्या मतदार संघात हायअलर्ट; मुंबई, एमएमआरडीए भागात विशेष खबरदारीच्या सूचना
दाऊदशी थेट संबंध असणाऱ्यांचं सेना समर्थन कशी करू शकते? संजय राऊतांच्या विधानावर एकनाथ शिंदेंची प्रतिक्रिया
- - - - - - - - - Advertisement - - - - - - - - -