Sinner Accident : Pandharpur : फक्त मुख्यमंत्री के चंद्रशेखर यांनाच व्हीआयपी दर्शन मिळणार
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
Mumbai News: मुंबई महानगरपालिकेचे कर्मचाऱ्याला मारहाण करणारे ठाकरे गटाचे 13 कार्यकर्त्यांना वाकोला पोलिसांनी ताब्यात घेतलं आहे.
उद्या सकाळी फक्त तेलंगणाचे मुख्यमंत्री के चंद्रशेखर राव यांचेच व्हीआयपी दर्शन होणार. यात्रेच्यामुळे व्हीआयपी दर्शन व्यवस्था बंद केल्याने कोणताही मंत्री, आमदार किंवा खासदार यांना सोडणार नसल्याचे मंदिर समिती सहअध्यक्ष गहिनीनाथ महाराज औसेकर यांनी सांगितले
BRS च्या विठ्ठल रुक्मिणी दर्शनाला हिंदुराष्ट्र सेनेचा विरोध
मुख्यमंत्री केसीआर राव आणि त्यांच्यासह येणाऱ्या 300 ते 400 लोकप्रतिनिधींना विठ्ठल रुक्मिणीचे व्हीआयपी दर्शन देऊ नये
सोलापुरातील हिंदुराष्ट्र सेनेचे जिल्हाधिकाऱ्यांना निवेदन
वारकरी 25-30 दिवसांपासून चालत येऊन विठ्ठलाच्या दर्शनासाठी रांगेत असतात
त्यामुळं बी आर एस च्या 300 ते 400 लोकांना थेट दर्शन देणे चुकीचे आहे
त्यामुळे हिंदुराष्ट्र सेनेतर्फे राज्य शासनाला विनंती आहे की त्यांनी केसीआरच्या पूर्ण टीमला व्हीआयपी दर्शन देऊ नये
सर्वसामान्य वारकऱ्यावर हा अन्याय होईल, हिंदुराष्ट्र सेनेची भूमिका
पार्श्वभूमी
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
संत तुकाराम महाराजांच्या पालखीचं आज देहूतून आज प्रस्थान
संत तुकाराम महाराजांच्या पालखीचं आज देहूतून आज प्रस्थान होणार आहे पालखी प्रस्थान दु. 2 वाजता होणार असून पालखीचा पहिला मुक्काम इनामदार वाड्यात असणार आहे. यावेळी पालकमंत्री चंद्रकांत पाटील, विरोधी पक्षनेते अजित पवार आणि स्थानिक खासदार-आमदार उपस्थित राहणार आहेत. १९ दिवसांचा प्रवास करून हा पालखी सोहळा २९ जून रोजी पंढरपूरमध्ये दाखल होणार आहे.
आज राष्ट्रावादीचा 25 वा वर्धापन दिन
राष्ट्रवादी काँग्रेसच्या वर्धापन दिनासाठी आज शरद पवार दिल्लीत. राष्ट्रवादीच्या पक्ष कार्यालयात आज वर्धापन दिनाचा कार्यक्रम दुपारी 12 वाजता होईल. प्रफुल्ल पटेल, सुप्रिया सुळे आणि सुनील तटकरे यांच्यासह राष्ट्रीय कार्यकारणीतले इतर महत्त्वाचे नेते उपस्थित राहणार आहेत. राष्ट्रवादी काँग्रेस पार्टीच्या वर्धापनदिनानिमित्त मुंबई विभागीय राष्ट्रवादी काँग्रेस पार्टीच्या वतीने आज सकाळी 09.30 वाजता मुंबईच्या राष्ट्रवादीच्या कार्यालयात झेंडावंदनाचा कार्यक्रम आयोजित केलाय. यावेळी खासदार जयंत पाटील , छगन भुजबळ उपस्थित राहणार आहेत. राष्ट्रवादी काँग्रेसच्या वर्धापन दिनाच्या कार्यक्रमास सायंकाळी पाच वाजता राष्ट्रवादी कार्यालयात अजित पवार उपस्थित राहणार आङेत.
नांदेडमध्ये आज केंद्रीय गृहमंत्री अमित शहा यांची जाहीर सभा
नांदेडमध्ये आज केंद्रीय गृहमंत्री अमित शहा यांची संध्याकाळी 5.30 वाजता जाहीर सभा होणार आहे. केंद्रीय गृहमंत्री अमित शाह काँग्रेसचे ज्येष्ठ नेते अशोक चव्हाणांचा बालेकिल्ला नांदेडमध्ये सभा घेणार आहेत. मोदी सरकारला 9 वर्ष पूर्ण झाल्यानिमित्त उपक्रमाअंतर्गत नांदेडमध्ये अमित शाह यांची जाहीर सभा होणार आहे. या सभेसाठी केंद्रीय मंत्री रामदास आठवले, भागवत कराड, भाजपा प्रदेशाध्यक्ष चंद्रशेखर बावनकुळे, उपमुख्यमंत्री देवेंद्र फडणवीस, अतुल सावे, प्रवीण दरेकर आणि इतर नेते उपस्थित राहतील. या सभेत, मोदी सरकारची कामगिरी अमित शाहा जनतेसमोर मांडणार आहेत. दरम्यान नांदेडच्या मैदानातून अमित शाह कुणावर बरसणार याकडे राजकीय वर्तुळाचं लक्ष लागलं आहे.
वैद्यकीय शिक्षण मंत्री गिरीष महाजन आज नाशिक दौऱ्यावर
वैद्यकीय शिक्षण मंत्री गिरीष महाजन आज नाशिक दौऱ्यावर असतील. सकाळी 11 वाजता आरोग्य विज्ञान विद्यापीठाच्या रौप्य महोत्सवी वर्धापनदिनच्या कार्यक्रमाला हजेरी लावणार. त्यानंतर भाजप कार्यलयात आढावा बैठक घेणार आहेत. गेल्या काही दिवसांपासून भाजपने लोकसभा निवडणुकीच्या तयारीला सुरवात केलीय त्या दृष्टीने नवीन नियुक्त्या केल्यात त्यापासून महाजन याना नाशिकपासून दूर ठेवल्याची कार्यकर्त्यांची भावना आहे, त्यानंतर महाजन पहिल्यांदाच नाशिकमध्ये येत आहेत
- - - - - - - - - Advertisement - - - - - - - - -