Maharashtra News LIVE Updates 18th March : देश-विदेशातील महत्त्वाच्या बातम्या फक्त एका क्लिकवर...

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

पार्श्वभूमी

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये......More

18/03/2024 12:57:02

Solapur Lok Sabha Election : सोलापुरातून राम सातपुते की अमर साबळे? देवेंद्र फडणवीसांची चर्चा सुरू

सोलापूर लोकसभेसाठी राम सातपुते आणि अमर साबळेंच्या नावाची चर्चा आहे. याच जागेवर देवेंद्र फडणवीस हे साबळे यांच्यासोबत चर्चा करत आहेत. आज दिल्लीत होणाऱ्या महाराष्ट्र कोअर कमिटीच्या बैठकीत  राज्यातील काही जागांवर चर्चा होणार आहे. त्या आधी देवेंद्र फडणवीस हे भाजपच्या इच्छुक उमेदवारांशी बोलत आहेत.

18/03/2024 12:48:23

Sangli Lok Sabha Election : शिवसेनेने सांगलीचा हट्ट सोडावा, ती जागा काँग्रेसची: विश्वजित कदम

शिवसेनेने सांगलीचा हट्ट सोडावा, ती जागा काँग्रेसची असल्याचं विश्वजित कदम म्हणाले. या जागेसाठी काँग्रेस आग्रही असल्याचंही त्यांनी स्पष्ट केलं. सांगलीची जागा ही शिवसेनेला मिळाली आणि त्या बदल्यात रामटेकची जागा काँग्रेसला देण्याचा निर्णय झाल्याचं खासदार संजय राऊत म्हणाले होते. 

18/03/2024 07:33:40

Maharashtra Unseasonal Rain : विदर्भात अवकाळी पावसाची शक्यता; अनेक जिल्ह्यात हलका आणि मध्यम स्वरूपाचा पाऊस

Maharashtra Unseasonal Rain : हवामान विभागाकडून विदर्भात अवकाळी पावसाची शक्यता वर्तविण्यात आली होती. त्यानुसार काल अनेक जिल्ह्यात हलका आणि मध्यम स्वरूपाचा पाऊस झाला. नागपूर शहरात विविध भागांत जोरदार पावसाने हजेरी लावली त्यामुळे नागपुरकरांची चांगलीत तारांबळ उडाली. तर अमरावती, अकोल्यातही अवकाळी पावसामुळे उन्हाळी पिकांचं प्रचंड नुकसान झालं. तर वर्ध्यात अवकाळी पावसासह गारपिटीचा तडाखा बसलाय.

18/03/2024 07:32:18

Uddhav Thackeray: उद्धव ठाकरे आज आणि उद्या हिंगोली दौऱ्यावर, मतदारसंघात पाच सभा होणार, ठाकरे गटाचा हिंगोली लोकसभेचा उमेदवार जाहीर होण्याची शक्यता

Uddhav Thackeray: उद्धव ठाकरे आज आणि उद्या हिंगोली लोकसभा मतदारसंघात दौऱ्यावर आहेत. उद्धव ठाकरे एकूण पाच सभा हिंगोली लोकसभा मतदारसंघात घेणार आहेत. आज वसमत, सेनगाव आणि कळमनुरी इथे जनसंवाद मेळावा होणार असून उद्या 19 मार्चला उमरखेड आणि अर्धापूर इथे जनसंवाद मेळावा घेणार आहेत. हिंगोली लोकसभा मतदारसंघ हा शिवसेना ठाकरे गट लढवणार आहे आणि त्यामुळे याच जनसंवाद मेळाव्यामध्ये उद्धव ठाकरे हिंगोली लोकसभा मतदार संघासाठी ठाकरे गटाचा उमेदवार जाहीर करणार आहेत.

18/03/2024 07:31:27

Rahul Gandhi vs PM Modi: ईव्हीएमशिवाय नरेंद्र मोदी निवडणूक जिंकूच शकत नाहीत, राहुल गांधींचा शिवाजी पार्कवरून हल्लाबोल

Rahul Gandhi vs PM Modi: पंतप्रधान मोदी हे देश चालवणाऱ्या अज्ञात शक्तीच्या हातचं बाहुलं झालेत अशी टीका राहुल गांधींनी केली. देशाची संपत्ती मूठभर लोकांच्या हाती एकवटलीय. चीनशी टक्कर देऊ शकतील असे लघु उद्योग संपवले जात आहेत असा आरोप राहुल गांधी यांनी केला. इलेक्टोरल बॉण्डस् हे एक्सटॉर्शन रॅकेट आहे या आरोपाचा पुनरूच्चार राहुल गांधी यांनी केला. ईडी सीबीआय एखाद्या गुंडाच्या हाती दिल्यासारखी स्थिती आहे असं राहुल गांधी म्हणाले. महाराष्ट्रातल्या एका नेत्याने नुकतीच काँग्रेस सोडली. ते सोनिया गांधींसमोर अक्षरशः रडले, या शक्तीशी लढण्याची ताकद माझी नाही अशी गयावया करत होते असं राहुल गांधी यांनी म्हटलंय. 

18/03/2024 07:30:56

Rahul Gandhi vs PM Modi: मोदींविरोधात नाही एका शक्तीविरोधात लढाई : राहुल गांधी

Mumbai News: मुंबईत काल इंडिया आघाडीची शिवाजी पार्कवर सभा झाली. इंडिया आघाडीने या सभेत जोरदार शक्तिप्रदर्शन केलं. राहुल गांधींसह उद्धव ठाकरे, शरद पवार, मल्लिकार्जुन खर्गे, फारूख अब्दुल्ला, मेहबुबा मुफ्ती, तेजस्वी यादव, एम के स्टॅलिन, रेवंथा रेड्डी, चंपई सोरेन हे उपस्थित होते. पंतप्रधान मोदी आणि भाजपवर इंडिया आघाडीने जोरदार हल्लाबोल केला. 

18/03/2024 06:27:45

Yavatmal News: यवतमाळ शहरात वादळी वारा विजांच्या गडगडासह अवकाळी पावसाला सुरुवात

Yavatmal News: यवतमाळ शहरात वादळी वारा विजांच्या गडगडासह अवकाळी पावसाला सुरुवात 

जिल्ह्यात कुठे माध्यम तर कुठे जोरधार पाऊस 

दोन दिवसांपासून उष्णतेत वाढ झाली होती.

 

18/03/2024 06:26:28

Ahmednagar News: भाजपची अहमदनगर लोकसभा निवडणुकीच्या पूर्वतयारीसाठी आढावा बैठक

Ahmednagar News: अहमदनगर : भाजपची अहमदनगर लोकसभा निवडणुकीच्या पूर्वतयारीसंदर्भात आढावा बैठकीचं आयोजन करण्यात आलं आहे. 

महसूल मंत्री राधाकृष्ण विखे , भाजपचे  प्रदेश महामंत्री, विजय चौधरी आणि नगर दक्षिण लोकसभा मतदारसंघातील भाजपचे सर्व आजी- माजी आमदार , पदाधिकारी या बैठकीला उपस्थित असणार आहेत.