Maharashtra News LIVE Updates : चौथ्या टप्प्यातील निवडणुकांच्या प्रचाराच्या तोफा आज थंडावणार
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
Mumbai Goa Highway: उन्हाळ्याच्या सुट्टीत मुंबईकर चाकरमानी सुट्टीसाठी गावी जात असल्याने मुंबई गोवा हायवेवर सकाळपासून वाहनांच्या जवळजवळ 10 किमी पर्यंतच्या रांगा लागल्या आहेत, माणगाव ते इंदापूर दरम्यान मुंबई गोवा हायवेवर सकाळपासून ट्रॅफिक जॅम आहे.
Raj Thackeray: राज ठाकरेंनी हर्षवर्धन पाटलांची भेट घेतली. पुण्यातील निवासस्थानी हर्षवर्धन पाटील कुटुंबीयांची भेट घेतली. लोकसभेच्या पार्श्वभूमीवर भेट घेतल्याची माहिती आहे.
Ahmednagar Sabha: अहमदनगरमध्ये आज प्रचाराच्या तोफा आज थंडावणार आहेत.. अहमदनगरमध्ये महायुतीचे उमेदवार सुजय विखे आणि मविआचे उमेदवार निलेश लंके यांच्यात लढत होणार आहे...
संपूर्ण राज्याचं लक्ष लागलेल्या या मतदारसंघात मविआने जनशक्ती विरुद्ध धनशक्ती असा प्रचार करण्यात आला तर महायुतीच्यावतीने विकास आणि पंतप्रधान मोदींना तिसऱ्यांदा पंतप्रधान बनवण्यासाठी मतदान करण्याचे आवाहन करण्यात आले.
Priyanka Gandhi: नंदुरबार लोकसभा मतदारसंघातील काँग्रेस उमेदवाराच्या प्रचारासाठी प्रियंका गांधी यांच्या जाहीर सभेचे आयोजन करण्यात आले आहे या जाहीर सभेसाठी महिला मोठ्या प्रमाणात येत आहे आदिवासी महिलांनी प्रियंका गांधीसाठी आदिवासी भाषेतील गाणं रचलेला आहे आणि गाणं म्हणत सातपुड्याच्या डोंगरदर्‍यातून शेकडो महिला येत आहेत आणि या महिला आदिवासी भागातील बोली भाषेत गाणं म्हणून प्रियंका गांधींचा स्वागत करत आहे
Pankaja Munde & Dhananjay Munde: परळी निवडणुकीमध्ये एकमेकांसमोर उभे ठाकणारे धनंजय मुंडे आणि पंकजा मुंडे पहिल्यांदाच या निवडणुकीमध्ये एकत्रित पाहायला मिळणार आहेत.. बारा वर्षानंतर पहिल्यांदाच लोकसभेच्या रणांगणात पंकजा मुंडे आणि धनंजय मुंडेंचे कार्यकर्ते एकत्रित दिसणार आहेत.. आज प्रचाराच्या सांगता सभेला राष्ट्रवादी काँग्रेसचे नेते अजित पवार ही व्यासपीठावर असणार आहेत
Beed Lok Sabha: बीड लोकसभा निवडणुकीच्या मैदानात आज शरद पवार आणि अजित पवार उतरणार आहेत. दोन दिवसापूर्वी शरद पवार यांनी अंबाजोगाईमध्ये सभा घेतल्यानंतर आज राष्ट्रवादी काँग्रेस शरदचंद्र पवार पक्षाचे उमेदवार बजरंग सोनवणे यांच्या प्रचाराची सांगता होणार आहे. तर दुसरीकडे महायुतीच्या उमेदवार पंकजा मुंडेंच्या प्रचारार्थ उदयनराजे यांची सभा होणार आहे.
Beed Lok Sabha: बीड लोकसभा मतदारसंघाच्या महायुतीच्या उमेदवार पंकजा मुंडे यांच्या प्रचाराचा आज शेवटचा दिवस आहे. तसंच आज बीडमध्ये सांगता सभांचा धडाकाही पहायला मिळतोय. आज पंकजा मुंडेंच्या प्रचारासाठी उपमुख्यमंत्री अजित पवार आणि उदयनराजे भोसले हे देखील आज परळीमध्ये असणार आहेत.
पार्श्वभूमी
Maharashtra News LIVE Updates : चौथ्या टप्प्यातील निवडणुकांच्या प्रचाराच्या तोफा आज थंडावणार आहेत.. १३ मे ला नंदूरबार, जळगाव, रावेर, जालना, औरंगाबाद, मावळ, पुणे, शिरुर, अहमदनगर, शिर्डी, बीड या राज्यातील लोकसभा मतदारसंघासाठी मतदान होणार आहे. आज प्रचाराचा शेवटचा दिवस असल्याने सर्वच उमेदवार आपली सर्व शक्ती पणाला लावून प्रचार करणार आहेत.. सायंकाळी 6 वाजता प्रचारांच्या तोफा थंडावणार आहेत.
- - - - - - - - - Advertisement - - - - - - - - -