Maharashtra Monsoon Rain LIVE : अखेर मुंबईत मान्सूनचं आगमन, हवामान विभागाची माहिती
Maharashtra Monsoon Rain LIVE : राज्याच्या विविध भागत जोरदार पावसानं हजेरी लावली आहे. मुंबई आणि उपनगरासह, पुणे, नाशिक, कोल्हापूर या जिल्ह्यात पावसानं हजेरी लावली.
Aurangabad Rain News: औरंगाबाद जिल्ह्यात आज दुपारनंतर अनेक भागात विजेच्या कडकडाटासह पावसाने दमदार हजेरी लावली. मात्र तीन वेगवेगळ्या ठिकाणी वीज पडून तिघांचा मृत्यू झाला आहे. आडगाव जावळे येथे दुपारी वादळी वाऱ्यासह पावसाने हजेरी लावली असून, यावेळी सांडू शामराव नजन यांच्या घरावर वीज पडल्याने त्यांची बहीण सरुबाई शहादेव लांडे ( वय 40 वर्षे) यांचा मृत्यू झाला. तर दुसऱ्या घटनेत केकत जळगाव येथे गजानन दराडे (वय 27 वर्षे ) यांच्या अंगावर वीज पडल्याने त्यांचाही मृत्यू झाला. तर सिल्लोड तालुक्यातील उटाडेवाडी येथील शेतकरी संजय उटाडे ( वय 40 वर्षे) शेतात ठिबक सिंचनचे पाइपलाइन करत असताना वीज पडून त्यांचा मृत्यू झाला आहे.
कोल्हापूरच्या पन्हाळा गडावर मुसळधार पाऊस झाला आहे. जिओ ग्रेड पद्धतीने नवीन बांधलेल्या रस्त्यावरून पाणी नेबापूरमध्ये गेले आहे. गतवर्षी आलेल्या महापुरात पन्हाळा गडावरील हाच रस्ता खचला होता. आज आलेल्या पावसाने नेबापूरमधील घरांमध्ये पाणी शिरलं आहे.
Aurangabad Rain Update News: औरंगाबाद शहरात पावसाने जोरदार हजेरी लावली आहे. शहारतील निराला बाजार परिसरासह अनेक ठिकाणी पाऊस पडत आहे. सोबतच शहरात सर्वत्र ढगाळ वातावरण पाहायला मिळत आहे.
नंदुरबार जिल्ह्यातील धडगाव तालुक्यात जोरदार पावसानं हजेरी लावली आहे. धडगाव तालुक्यातील मुंदलवड परिसरात पावसानं जोरदार बॅटिंग केली आहे. पावसामुळे वातावरणात गारवा उकाड्यापासून नागरिकांची सुटका झाली आहे. सातपुड्याच्या डोंगररांगामध्ये देखील पावसाला सुरुवात झाली आहे.
Nandurbar Rain : नंदूरबार जिल्ह्यातील सातपुड्याच्या डोंगर रांगांमध्ये पावसाची हजेरी लागली असून नागरिकांना उकाड्यापासून सुटका मिळाली आहे. आज दुपारी धडगाव तालुक्यातील धडगाव आणि मुंडलवड परिसरात पावसानं हजेरी लावली. जवळपास एक तास चाललेल्या पावसामुळं वातावरणात गारवा निर्माण झाला होता. पावसाने हजेरी लावल्यानं शेतीच्या कामांना गती मिळणार आहे. जोरदार वाऱ्यासह झालेल्या पावसामुळं अनेक भागात वीजपुरवठा खंडित झाला होता.
सिंधुदुर्ग जिल्ह्यातील देवगड समुद्र किनाऱ्यावर सप्तरंगी इंद्रधनुष्याचे दर्शन झालं. हा मनमोहक नजारा अनेकांनी मोबाईल कॅमेऱ्यात टिपला आहे. हे मनोहारी दृश्य देवगड मधील पवनचक्की परिसरातील आहे. तळकोकणात मान्सून दाखल झाल्यानंतर हे सप्तरंगी इंद्रधनुष्य दिसतं आहे.
Monsoon News: शुक्रवारी तळकोकणात दाखल झालेला मान्सून आज (11 जून) अखेर मुंबईतही दाखल झाला आहे. आज डहाणू, मुंबई, ठाणे, रायगडमध्ये महाराष्ट्राच्या काही भागात पुण्यापर्यंत आणि कर्नाटकातील गदगपर्यंत मान्सूनचे आगमन झाल्याची माहिती हवामान विभागानं दिली आहे.
Rain news : कोल्हापूरमध्ये मुसळधार पाऊस सुरु झाला आहे. पावसामुळे बिंदू चौकातील भाजप कार्यकर्त्यांचा विजयी जल्लोष रखडला आहे.
Rain News : सिंधुदुर्ग जिल्ह्यात मृगनक्षत्राचा मुहूर्त चुकवल्यानंतर मान्सून दाखल झाला आहे. मान्सूनने सलग दुसऱ्या दिवशीही जिल्ह्यात सर्वत्र दमदार हजेरी लावली आहे. गेल्या अनेक दिवसांपासून पावसाची वाट पाहणारा बळीराजा त्यामुळे सुखावला आहे. आता खरीप हंगामाला सुरुवात होणार आहे. पुढील दोन ते तीन दिवस लखलखाट तसेच गडगडाटासह मुसळधार पाऊस होण्याचा अंदाज हवामान खात्याने वर्तवला आहे. मात्र काल झालेल्या पहिल्या मान्सूनच्या दमदार हजेरीमुळे तळवडेत दुकानात पाणी शिरले. मान्सून जिल्ह्यात दाखल झाल्याने हवेत गारवा निर्माण झाला आहे.
Sindhudurg Rain : सिंधुदुर्ग जिल्ह्यात मृगनक्षत्राचा मुहूर्त चुकवल्यानंतर काल मान्सून दाखल झाला. मान्सूनने सलग दुसऱ्या दिवशीही जिल्ह्यात सर्वत्र दमदार हजेरी लावली. गेल्या अनेक दिवसांपासून पावसाची वाट पाहणारा बळीराजा त्यामुळे सुखावला आहे. आता खरीप हंगामाला सुरुवात होणार आहे. पुढील दोन ते तीन दिवस लखलखाट तसेच गडगडाटासह मुसळधार पाऊस होण्याचा अंदाज हवामान खात्याने वर्तवला आहे. मात्र काल झालेल्या पहिल्या मान्सूनच्या दमदार हजेरीमुळे तळवडेत दुकानात पाणी शिरले. मान्सून जिल्ह्यात दाखल झाल्याने हवेत गारवा निर्माण झाला आहे.
Konkan Rain : कोकणातील बहुतांश भागात पावसाच्या जोरदार सरी, रत्नागिरी आणि सिंधुदुर्ग जिल्ह्यातील अनेक भागात पावसाची जोरदार बॅटिंग, विजेचा कडकडाट आणि ढगांच्या गडगडाटासह पाऊस, काही ठिकाणी विजेचा लपंडाव देखील सुरु, आज एकादशी; उद्यापासून शेतीच्या कामांना वेग येईल.
Rain news : बुधवारी कल्याण डोंबिवलीमध्ये हजेरी लावलेल्या पावसानं काल विश्रांती घेतली होती. आज सकाळपासून पुन्हा कल्याण डोंबिवलीत पावसानं हजेरी लावली आहे.
सकाळपासून कल्याणमध्ये पावसाची रिपरिप सुरु असून यामुळं वातावरणात गारवा पसरला आहे.
Rain News : पालघर जिल्ह्यात मान्सून दाखल झाला असून रात्रीपासून ढगांच्या गडगडाटाह रिमझिम पावसाला सुरुवात झाली आहे. त्यामुळं वातावरणात असलेला उकाडा कमी झाला असून, गारवा निर्माण झाला आहे. त्यामुळं उष्णतेपासून नागरिकांना काहीसा दिलासा मिळाला असून बळीराजाही सुखावला आहे.
Rain News : सर्वांना प्रतिक्षा असलेला मान्सून अखेर कोकणात दाखल झाला आहे. पुढच्या तीन ते चार दिवसात मान्सून राज्याच्या इतर भागात देखील सक्रिय होण्याचा अंदाज वर्तवण्यात आला आहे. दरम्यान, राज्याच्या विविध भागत जोरदार पावसानं हजेरी लावली आहे. मुंबई आणि उपनगरासह, पुणे, नाशिक, कोल्हापूर या जिल्ह्यात पावसानं हजेरी लावली.
पुण्यात आज झालेल्या मान्सूनपूर्व पावसाने पोलिसांचीही तारांबळ उडाली. पावसात पुणे पोलीस आयुक्ताल्यासमोरील झाड कोसळल्याची घटना घडली. यामुळं आयुक्तालयात 20 हून अधिक वाहन अडकली होती. झाड हटवायला बराच वेळ लागला, त्यानंतर वाहनं आयुक्तालयातून बाहेर पडली. पुणे शहर परिसरात झालेल्या मुसळधार पावसाने विविध ठिकाणी सुमारे 30 झाडपडीच्या घटनांची अग्निशमाक दलाकडे नोंद झाली आहे. तसेच नाशिक शहरात वादळी वारा आणि ढगांच्या गडगडटासह मुसळधार पाऊस झाला.
मुंबईमध्ये मुसळधार पावसाला सुरुवात झाली आहे. पूर्व उपनगर, पश्चिम उपनगर आणि दक्षिण मुंबईत मान्सूनपूर्व पावसाने हजेरी लावली आहे. मुंबईच्या पश्चिम उपनगरात वांद्रे, शांताक्रुज, अंधेरी, गोरेगाव, कांदिवली, बोरिवली आणि दहिसर परिसरात मुसळधार पावसाला सुरुवात झाली आहे.
मागील काही दिवसापासून सर्वच जण पावसाची वाट पाहत असून अखेर मान्सूनचे बेळगाव आणि परिसरात आगमन झाले आहे. कोकणापर्यंत पोहचलेल्या मान्सूनने बेळगावात आगमन केलं आहे. सकाळपासून पावसाची कोणतीही चिन्हे नसल्याने हवेतील उष्माही वाढला नव्हता. पण अचानक संध्याकाळी पावसाच्या सरी बेळगावात सुरू झाल्या. एक तासाहून अधिक काळ पावसाने हजेरी लावल्यामुळे जनजीवन विस्कळित झाले. त्यात शाळा सुटायाच्या वेळी पाऊस आल्यामुळे विद्यार्थ्याची देखील तारांबळ उडाली. पण पावसाच्या प्रतिक्षेत असलेल्या शेतकऱ्यांना मान्सूनच्या आगमनाने दिलासा मिळाला आहे.
पुणे आणि शहर परिसरात झालेल्या मुसळधार पाऊसाने विविध ठिकाणी सुमारे 30 झाडपडीच्या घटना अग्निशमन दलाकडे नोंद झाल्या आहेत. जवानांकडून झाडे हटविण्याचे काम सुरू आहे.
पुण्यात आज झालेल्या मान्सूनपूर्व पावसाने पोलिसांची चांगलीच तारांबळ उडाली. आजच्या पावसात पुणे पोलीस आयुक्ताल्यासमोरील झाड कोसळले. यामुळे आयुक्तालयात 20 हून अधिक वाहने अडकली होती. हे झाड हटवायला बराच वेळ लागला. त्यानंतर वाहने आयुक्तालयातून बाहेर काढण्यात आली.
कोकणात मान्सूनने दणक्यात आगमन केले आहे. कोकणात दाखल झालेला मान्सून रत्नागिरी आणि सिंधुदुर्ग जिल्हाच्या काही भागात जोरदार बरसलाय. काही ठिकाणी विजांचा कडकडाट आणि ढगांचा गडगडाट देखील झाला. मान्सूनचे आगमन अपेक्षित वेळेपेक्षा उशिरा झाले. त्यामुळे शेतकऱ्याचे गणित देखील बिघडलं आहे. परंतु, मान्सूनने जोरदार सलामी दिल्याने आता शेतीच्या कामांना वेग येणार आहे.
Nashik Rain : नाशिक शहरात वादळी वारा आणि ढगांच्या गडगडटासह मुसळधार पावसाला सुरुवात झाली आहे.
पुण्यासह पिंपरी चिंचवडच्या विविध भागात मान्सूनपूर्व पावसाने हजेरी लावली आहे. गेल्या काही दिवसांपासून उकड्याने हैराण झालेल्या शहरवासियांना आजच्या पावसामुळे दिलासा मिळाला आहे.
Nashik Rain : नाशिक शहरात वादळी वाऱ्यासह विजांच्या गडगटासह पावसाने हजेरी लावली आहे. आज सलग दुसर्‍या दिवशी पावसाने हजेरी लावल्याने उकाड्यापासून हैराण नागरिकांना दिलासा मिळाला आहे. सलग दुसऱ्या दिवशी आलेल्या पावसामुळे खऱ्या अर्थाने पावसाळा सुरवात झाल्याचे संकेत दिसू लागले आहेत.
Maharashtra Monsoon Updates : सर्वांसाठीच एक आनंदाची बातमी समोर आली आहे. अखेर नैऋत्य मान्सून कोकणात दाखल झाला आहे. भारतीय हवामान विभागानं याबाबतची माहिती दिली आहे. सर्वांनाच मान्सूनचे वेध लागले होते. अखेर मान्सूनची प्रतिक्षा संपली असून नैऋत्य मान्सून कोकणात दाखल झाल्यानं शेतकऱ्यांना दिलासा मिळाला आहे. भारतीय विभागानं सांगितलेल्या अंदाजानुसार मान्सून अखेर कोकणात दाखल झाला आहे.
Monsoon News : सर्वांसाठीच एक आनंदाची बातमी समोर आली आहे. अखेर नैऋत्य मान्सून कोकणात दाखल झाला आहे. सर्वांनाच मान्सूनचे वेध लागले होते. अखेर मान्सूनची प्रतिक्षा संपली असून नैऋत्य मान्सून कोकणात दाखल झाल्यानं शेतकऱ्यांना दिलासा मिळाला आहे. भारतीय विभागानं सांगितलेल्या अंदाजानुसार मान्सून अखेर कोकणात दाखल झाला आहे.
Monsoon News : दिलासादायक! अखेर नैऋत्य मान्सून कोकणात दाखल, हवामान विभागाची माहिती
राज्यात यंदा मान्सून चांगला होईल अशा अंदाज व्यक्त होत आहे. हवामान विभागानं देखील यंदा देशात चांगला पाऊस होणार असल्याचा अंदाज व्यक्त केला आहे. त्या पार्श्वभूमीवर शेतकऱ्यांनी खरीपाच्या पेरणीची तयारी सुरु केली आहे. शेतकर्‍यांना अडचण नको म्हणून अहमदनगर कृषी विभागानं खरीप हंगामाची जोरदार तयारी सुरु केली आहे. तर जिल्ह्याच्या दक्षिण भागात दोन दिवसात अनेक ठिकाणी पाऊस झाल्यानं शेतकऱ्यांनी देखील मशागत सुरु केली आहे. मशागतीसाठी पुरेशा पाऊस झाला असून, शेतकऱ्यांपुढे यंदा रासायनिक खतांच्या वाढत्या दराची मोठी समस्या आहे.
सध्या सर्वांनाचं मान्सूनचे वेध लागले आहे. राज्यातील शेतकरी खरीपाची पेरणी करण्यासाठी सज्ज झाले आहे. राज्यात काही ठिकाणी मान्सूनपूर्व पावसानं हजेरी देखील लावली आहे. पुढच्या 24 तासात मान्सून कोकणात दाखल होण्याचे संकेत मिळत आहेत. अशातच खरीप हंगाम 2022 मध्ये किमान 75 ते 100 मीमी पाऊस झाल्यानंतरच सोयाबीनची पेरणी करावी, असे आवाहन राज्याचे कृषी आयुक्त धीरज कुमार यांनी केलं आहे. तसेच पेरणीसाठी शेतकऱ्यांनी स्वत:कडे उपलब्ध असलेलं चांगलं सोयाबीनचं बियाणे वापरावं असेही ते म्हणालेत.
Maharashtra Monsoon Updates : हवामान खात्याच्या अंदाजानुसार, पुढच्या 24 तासांत मान्सून कोकणात दाखल होणार असल्याचा अंदाज भारतीय हवामान विभागानं वर्तवला आहे. कोकणात मान्सूनच्या आगमनासाठी अनुकूल स्थिती निर्माण झाली आहे. कर्नाटकमध्ये अडकलेली मान्सूनची गाडी अखेर कोकणात येणार आहे. दरम्यान, यंदा मान्सून लवकर येणाचा अंदाज वर्तवण्यात येत होता, मात्र, मान्सूनच्या आगमनासाठी थोडा उशीर झाल्याचं दिसत आहे.
राज्यातील शेतकरी मान्सूनच्या आगमनाची वाट बघत आहेत. मान्सून कोकणात दाखल झाल्यानंतर पुढच्या 4 दिवसात मान्सून महाराष्ट्राच्या अन्य भागात पोहोचण्याची शक्यता आहे. पुढील 48 तासात मान्सूनचे नैऋत्य वारे पुढे सरकरतील असे सांगण्यात आले आहे. तळकोकणात पुढच्या 48 तासांत मान्सून दाखल होणार आहे. तर दुसऱ्या ठिकाणी काही ठिकाणी उष्णतेची लाट असल्याची स्थिती देखील आहे. पुढील चार दिवसात मराठवाडा आणि पश्चिम महाराष्ट्रात देखील पावसाचा अंदाज वर्तवण्यात आला आहे.
Maharashtra Monsoon Updates : औरंगाबाद शहर आणि ग्रामीण भागाला वादळी पावसानं झोडपून काढलं. औरंगाबाद शहराजवळ चित्तेपिंपळगाव येथे वादळी वाऱ्यामुळं हॉटेलमधील खुर्च्या आणि टेबल अक्षरश: उडाले. वादळी वाऱ्यासह अचानक आलेल्या पावसानं नागरिकांची चांगलीच तारांबळ उडाली होती.
Maharashtra Monsoon Updates : नाशिक जिल्ह्यातील ग्रामीण भागातही मान्सूनपूर्व पावसानं जोरदार हजेरी लावल्याचं पाहायला मिळालं. चांदवड परिसरात वादळी वाऱ्यासह तुफान गारपीट झाली. गारपीट झाल्यानं शेतातील उभ्या पिकांना फटका बसणार आहे.
Maharashtra Monsoon Updates : कोकणातही पावसाच्या सरी कोसळताना पाहायला मिळाल्या. उत्तर रत्नागिरीत मेघगर्जनेसह मुसळधार पाऊस कोसळल्याचं पाहायला मिळालं. काल (गुरुवारी) संध्याकाळी चिपळूण, खेड, दापोलीतही पावसानं दमदार हजेरी लावली. तर सिंधुदुर्ग जिल्ह्यात सलग तिसऱ्या दिवशीही मान्सून पूर्व पावसाच्या सरी कोसळल्या. जिल्ह्यातील काही ठिकाणी मुसळधार तर काही ठिकाणी हलक्या सरी कोसळल्या. कुडाळ, सावंतवाडी, दोडामार्ग, कणकवली भागात मान्सून पूर्व पावसानं दमदार हजेरी लावली.
Maharashtra Monsoon Updates : मुंबईत दक्षिण मुंबई, मध्य मुंबईसह अनेक भागांत पावसाच्या हलक्या सरी कोसळल्या. तर ठाणे, गोरेगाव, कल्याणमध्ये मुसळधार पावसानं हजेरी लावली. गेल्या अनेक दिवसांपासून उकाड्यानं हैराण झालेल्या नागरिकांना मान्सूनपूर्व सरींमुळं काहीसा दिलासा मिळाला आहे.
भिवंडी शहरासह ग्रामीण भागामध्ये काल अचानक वादळी वाऱ्यासह रिमझिम पावसाला सुरुवात झाली. पाऊस सुरू झाल्याने परिसरात गारवा निर्माण झाल्यानं नागरिकांना दिलासा मिळाला आहे. तर वादळी वाऱ्यामुळे शहरात तीन ठिकाणी झाडे कोसळल्याची घटना घडली आहे.
अनेक भागात मान्सूनपूर्व पावसाला सुरुवात झाली आहे. सातारा जिल्ह्यातील काही भागात रात्री मुसळधार पावसानं हजेरी लावली. त्यात महाबळेश्वरला जाणाऱ्या पसरणी घाटात धुक्याची चादर पसरलेली पसरली असून अनेक ठिकाणी घाटरस्ते या धुक्यात हरवले होते. या धुक्यातून वाट काढत पर्यटक मार्गस्थ होताना पाहायला मिळत आहेत.
Maharashtra Monsoon Updates : गेल्या काही दिवसांपासून अडकलेली मान्सूनची (Monsoon) गाडी रूळावर आली असून मान्सूननं हळूहळू पुढे सरकण्यास सुरुवात केली आहे. काही तासांतच मान्सून कोकणात दाखल होणार असल्याचा अंदाज हवामान खात्यानं व्यक्त केला आहे. त्यासोबतच राज्यात मान्सूनपूर्व पावसाला सुरुवात झाली आहे. काल (गुरुवारी) राज्यातील अनेक भागांत पावसानं (Rain Updates) दमदार हजेरी लावली. मुंबईसह (Mumbai) उपनगरांत पावसाच्या सरी कोसळताना दिसल्या. तसेच, राज्यातील काही जिल्ह्यातही पावसाची हजेरी दिसून आली.
पार्श्वभूमी
Maharashtra Monsoon Updates LIVE : गेल्या काही दिवसांपासून अडकलेली मान्सूनची (Monsoon) गाडी रूळावर आली असून मान्सूननं हळूहळू पुढे सरकण्यास सुरुवात केली आहे. अखेर मान्सून कोकणात दाखल झाला आहे. राज्यात मान्सूनपूर्व पावसाला सुरुवात झाली आहे. काल (शुक्रवार) राज्यातील अनेक भागांत पावसानं (Rain Updates) दमदार हजेरी लावली. मुंबईसह (Mumbai) उपनगरांत पावसाच्या सरी कोसळताना दिसल्या. तसेच, राज्यातील नाशिक, कोल्हापूर, पुणे या जिल्ह्यातही पावसानं जोरदार हजेरी लावली.
मुंबईत दक्षिण मुंबई, मध्य मुंबईसह अनेक भागांत पावसाच्या हलक्या सरी कोसळल्या. तर ठाणे, गोरेगाव, कल्याणमध्ये मुसळधार पावसानं हजेरी लावली. गेल्या अनेक दिवसांपासून उकाड्यानं हैराण झालेल्या नागरिकांना मान्सूनपूर्व सरींमुळं काहीसा दिलासा मिळाला आहे.
भिवंडी शहरासह ग्रामीण भागामध्ये काल अचानक वादळी वाऱ्यासह रिमझिम पावसाला सुरुवात झाली. पाऊस सुरू झाल्याने परिसरात गारवा निर्माण झाल्यानं नागरिकांना दिलासा मिळाला आहे. तर वादळी वाऱ्यामुळे शहरात तीन ठिकाणी झाडे कोसळल्याची घटना घडली आहे.
अनेक भागात मान्सूनपूर्व पावसाला सुरुवात झाली आहे. सातारा जिल्ह्यातील काही भागात रात्री मुसळधार पावसानं हजेरी लावली. त्यात महाबळेश्वरला जाणाऱ्या पसरणी घाटात धुक्याची चादर पसरलेली पसरली असून अनेक ठिकाणी घाटरस्ते या धुक्यात हरवले होते. या धुक्यातून वाट काढत पर्यटक मार्गस्थ होताना पाहायला मिळत आहेत.
कोकणात मान्सूपूर्व पावसाची हजेरी
कोकणातही पावसाच्या सरी कोसळताना पाहायला मिळाल्या. उत्तर रत्नागिरीत मेघगर्जनेसह मुसळधार पाऊस कोसळल्याचं पाहायला मिळालं. काल (गुरुवारी) संध्याकाळी चिपळूण, खेड, दापोलीतही पावसानं दमदार हजेरी लावली. तर सिंधुदुर्ग जिल्ह्यात सलग तिसऱ्या दिवशीही मान्सून पूर्व पावसाच्या सरी कोसळल्या. जिल्ह्यातील काही ठिकाणी मुसळधार तर काही ठिकाणी हलक्या सरी कोसळल्या. कुडाळ, सावंतवाडी, दोडामार्ग, कणकवली भागात मान्सून पूर्व पावसानं दमदार हजेरी लावली.
नाशिक जिल्ह्यातील ग्रामीण भागातही मान्सूनपूर्व पावसानं जोरदार हजेरी लावल्याचं पाहायला मिळालं. चांदवड परिसरात वादळी वाऱ्यासह तुफान गारपीट झाली. गारपीट झाल्यानं शेतातील उभ्या पिकांना फटका बसणार आहे.
औरंगाबादला वादळी पावसानं झोडपलं
औरंगाबाद शहर आणि ग्रामीण भागाला वादळी पावसानं झोडपून काढलं. औरंगाबाद शहराजवळ चित्तेपिंपळगाव येथे वादळी वाऱ्यामुळं हॉटेलमधील खुर्च्या आणि टेबल अक्षरश: उडाले. वादळी वाऱ्यासह अचानक आलेल्या पावसानं नागरिकांची चांगलीच तारांबळ उडाली होती.
येत्या 24 तासांत मान्सून कोकणात, हवामान खात्याचा अंदाज
हवामान खात्याच्या अंदाजानुसार, पुढच्या 24 तासांत मान्सून कोकणात दाखल होणार असल्याचा अंदाज भारतीय हवामान विभागानं वर्तवला आहे. कोकणात मान्सूनच्या आगमनासाठी अनुकूल स्थिती निर्माण झाली आहे. कर्नाटकमध्ये अडकलेली मान्सूनची गाडी अखेर कोकणात येणार आहे. दरम्यान, यंदा मान्सून लवकर येणाचा अंदाज वर्तवण्यात येत होता, मात्र, मान्सूनच्या आगमनासाठी थोडा उशीर झाल्याचं दिसत आहे.
राज्यातील शेतकरी मान्सूनच्या आगमनाची वाट बघत आहेत. मान्सून कोकणात दाखल झाल्यानंतर पुढच्या 4 दिवसात मान्सून महाराष्ट्राच्या अन्य भागात पोहोचण्याची शक्यता आहे. पुढील 48 तासात मान्सूनचे नैऋत्य वारे पुढे सरकरतील असे सांगण्यात आले आहे. तळकोकणात पुढच्या 48 तासात मान्सून दाखल होणार आहे. तर दुसऱ्या ठिकाणी काही ठिकाणी उष्णतेची लाट असल्याची स्थिती देखील आहे. पुढील चार दिवसात मराठवाडा आणि पश्चिम महाराष्ट्रात देखील पावसाचा अंदाज वर्तवण्यात आला आहे.
पुण्यात जोरदार पावसाला सुरुवात
पुणे शहरात संध्याकाळी 5 वाजताच्या सुमारास जोरदार पावसाला सुरुवात झाली. कोथरुड, डेक्कन, सदाशिव पेठ, जंगली महाराज रोजवर या परिसरात पावसानं हजेरी लावली. वादळी वाऱ्यासह अचानक पाऊस आल्याने नागरिकांची तारांबळ उडाली.
सिंधुदुर्ग जिल्ह्यात मान्सून दाखल
सिंधुदुर्ग जिल्ह्यात मान्सून दाखल झाला असून जिल्ह्यात सर्वत्र मुसळधार पाऊस सुरू झाला आहे. मान्सून जिल्ह्यात दाखल झाल्याने बळीराजा सुखावला आहे. गेले काही दिवस रेंगाळला मान्सून महाराष्ट्राच्या प्रवेशद्वार आलेल्या सिंधुदुर्गात दाखल झाला आहे. जिल्ह्यातील सर्वच भागात पावसाने दमदार हजेरी लावली आहे. जिल्ह्यात सरासरी 10 मि.मी. पाऊस झाला असून आतापर्यंत सरासरी 22 मि.मी. पाऊस झाला आहे.
- - - - - - - - - Advertisement - - - - - - - - -