Maharashtra Live Update: लोकसभा निवडणुकांच्या निकालामुळे राज्याचं पावसाळी अधिवेशन 16 जूनपर्यंत पुढे ढकलण्याची शक्यता
Maharashtra News LIVE Updates : राज्यासह देशातील महत्त्वाच्या घडामोडींचा संक्षिप्त आढावा या लाईव्ह ब्लॉगमध्ये घेतला जातो.
Maharashtra Politics: शिंदेंच्या शिवसेनेचे खासदार गजानन कीर्तिकर यांनी मनातली खंत बोलून दाखवल्यानंतर त्यांच्याविरोधात पक्षांतर्गत रोष व्यक्त होतोय. शिशिर शिंदे यांनी मुख्यमंत्री एकनाथ शिंदेंकडे कीर्तिकरांच्या हकालपट्टीची मागणी केलीय. तर माझ्या वक्तव्याचा विपर्यास झालाय, असं गजानन कीर्तिकर म्हणाले
Maharashtra Monsoon Session: पावसाळी अधिवेशन 16 जूनपर्यंत पुढे ढकलण्याची शक्यता आहे. लोकसभा निवडणुकीचा निकाल 4 जूनला लागणार असून लोकसभा निवडणूक निकालामुळे अधिवेशन पुढे ढकलण्याची शक्यता आहे. याआधी 10 जूनपासून अधिवेशन घेण्याचं नियोजन होतं. कामकाज सल्लागार समितीच्या बैठकीत नियोजनात बदलाची शक्यता आहे.
Pune Accident : पुणे हिट ॲंड रन केसांतलं पुणे महापालिका आक्रमक. कोरेगाव पार्क परिसरात असलेल्या वॅाटर्स आणि ओरिल्ला पब वर महापालिकेची मोठी कारवाई.
Ajay Bhosale : पुण्याच्या कल्याणी नगरमधील अपघात प्रकरणी अटक असलेल्या विशाल अगरवालच्या कुटुंबाची पार्श्वभूमी गुन्हेगारी स्वरूपाची राहिलीय. विशाल अगरवालचे वडील सुरेंद्रकुमार अगरवाल यांनी 2009 साली शिवसेना नेते अजय भोसले यांच्या हत्येचा सुपारी छोटा राजन टोळीला दिली. अजय भोसले 2009 साली वडगाव शेरी विधानसभा मतदारसंघांतून निवडणूकीला उभे असताना प्रचारादरम्यान त्यांच्यावर गोळीबार करण्यात आला. या अपघातातुन अजय भोसले बचावले. मात्र त्यानंतर गुन्हा दाखल असुनही सुरेंद्रकुमार अगरवाल यांना अटक झाली नाही.
Yavatmal News : मुबंईच्या घाटकोपर येथे होर्डिंग कोसळून अनेक जणांचा मृत्यू झाल्याची घटना नुकतीच घडली. महागाव तालुक्यातील फुलसावंगी येथे एक विचित्र अपघात होऊन एकाचा मृत्यू झाला. सिमेंट खांबाला दोरी बांधून त्यावर झेंडे बांधण्यात आले होते. हीच दोरी कंटेनरला अडकल्याने सिमेंटचा खांब कोसळला. खांबाला असलेली लोखंडी अँगल डोक्यात खुपसल्याने तरुणाचा मृत्यू झाला.
Pune Hit And Run Case: पुण्यातील कल्याणीनगरमधील अपघाताला कारणीभूत ठरलेल्या अल्पवयीन मुलावर दाखल गुन्ह्यात पोलिसांनी नव्या कलमाची वाढ केलीय. मद्यधुंद अवस्थेत कार चालवल्याप्रकरणी अल्पवयीन मुलावर 185 कलमाच्या अंतर्गत नव्याने गुन्हा दाखल करण्यात आलाय. याआधी त्याच्यावर कलम 304 अंतर्गत सदोष मनुष्यवधाचा गुन्हा दाखल करण्यात आला होता. मात्र अल्पवयीन असल्याच्या कारणावरुन न्यायालयाने त्याला जामीन मंजूर केला होता.. या मुलाला आज पुन्हा बाल हक्क कोर्टासमोर हजर करण्यात येणार आहे.
Pune Accident News Updates : पुणे कल्याणीनगर अपघात प्रकरणात आता धक्कादायक बाब समोर आलीये.. विशाल अग्रवाल यांचे वडील सुरेंद्र कुमार अग्रवाल यांचे छोटा राजनशी संबंध असल्याची माहिती समोर आलीये. भावांसोबत असलेल्या संपत्तीच्या वादात अग्रवाल यांनी छोटा राजनचा मदत घेतली होती. या वादात अजय भोसलेची हत्या करण्याचा प्रयत्न केल्याप्रकरणी सुरेंद्र कुमार अग्रवाल यांच्याविरोधात बंड गार्डन पोलीस ठाण्यात गुन्हा दाखल करण्यात आला होता. मात्र याप्रकरणात मोक्का लावणं अपेक्षित असनाताही पुणे पोलीसांनी केवळ आयपीसीची कलमं लावून गुन्हा दाखल केला होता. तसंच आरोपत्र दाखल करेपर्यंत विशाल अगरवाल यांचे वडील सुरेंद्र कुमार अग्रवाल यांना अटकही झाली नव्हती.
Nashik News : नाशिकच्या इगतपुरीतील भावली धरणात बुडून पाच जणांचा मृत्यू झालाय. मृतांमध्ये दोन तरुण आणि तीन तरुणींचा समावेश आहे. फिरण्यासाठी म्हणून हे पाच जण धरणावर गेले होते. मात्र पाण्याचा अंदाज न आल्याने त्यांचा बुडून मृत्यू झालाय.. स्थानिकांच्या मदतीने मृतदेह बाहेर काढण्यात आलाय.
Indapur News : इंदापूर तालुक्यात एक भयानक घटना घडलीय. करमाळा तालुक्यातील कुगावमधून इंदापूर तालुक्यातील काळशीकडे एक बोट प्रवाशांना घेऊन येत होती. यावेळी जोराचा वारा सुटल्याने ही बोट भीमा नदी पात्रात बुडाली. या बोटीत सात प्रवासी होते त्यापैकी एक प्रवासी हा पोहून पाण्यातून बाहेर आल्याने त्याचा जीव वाचलाय. तर इतर सहा व्यक्तींचा कालपासून शोध सुरू आहे. काल सायंकाळी डोंगरे आमि जाधव कुटुंब इंदापूर तालुक्यातील अजोती येथे एका कार्यक्रमाला गेले होते.. अद्यापपर्यंत या सहा लोकांचा शोध लागलेला नाहीये. रात्री नऊ वाजताच्या सुमारास शोध कार्यात अडथळा येत असल्याने ही शोध मोहीम थांबवण्यात आली होती आता सकाळी सात वाजल्यापासून ही शोध मोहीम पुन्हा सुरू झाली.आता पाणबुडीच्या मदतीने एनडीआरएफ पथक याचा शोध घेत आहे
पार्श्वभूमी
Maharashtra News LIVE Updates : राज्यासह देशातील आजच्या ठळक बातम्या...
1. पुणे कार अपघातातील अगरवाल कुटुंबीयांचं अंडरवर्ल्ड कनेक्शन उघड, विशाल अगरवालचे वडील सुरेंद्रकुमार अगरवालचे छोटा राजनशी संबंध असल्याची माहिती
2. पुणे अपघात प्रकरणात अल्पवयीन आरोपीवर वाहन कायद्याच्या कलम १८५ अंतर्गत नव्याने गुन्हा, कोर्टाच्या निर्णयाकडे लक्ष, तर याआधी आरोपीला जामीनावर सोडल्यानं सर्व स्तरातून संताप
3. रॅश ड्रायव्हिंग प्रकरणातील आरोपी विशाल अगरवालला आज कोर्टात हजर करणार, विशाल अगरवाल अल्पवयीन आरोपीचे वडील, अगरवालला जामीन की कोठडी आज निर्णय
4. पुणे अपघात प्रकरणात राहुल गांधींची एन्ट्री, न्यायही पैशाने विकत घेतला जातोय असा हिंदुस्तान मोदी बनवतायत, राहुल गांधींचा हल्लाबोल
5. मुंबईतील घाटकोपर दुर्घटनेप्रकरणी नऊ दिवसांनी एसआयटीची स्थापना, गुन्हे शाखेचे सहआयुक्त लखमी गौतम यांच्याकडून आदेश जारी तर दुर्घटनेतील मृतांचा आकडा 17 वर
6. नाशिकच्या इगतपुरीतील भावली धरणात बुडून पाच जणांचा मृत्यू, धरणावर फिरायला गेलेले पाच जण बुडाले, मृतांमध्ये दोन तरुण आणि तीन तरुणींचा समावेश
7. नाशिकच्या इगतपुरीतील भावली धरणात बुडून पाच जणांचा मृत्यू, धरणावर फिरायला गेलेले पाच जण बुडाले, मृतांमध्ये दोन तरुण आणि तीन तरुणींचा समावेश
8. शिंदे गटात गेल्याने कुटुंबात एकटा पडल्याचं वक्तव्य करणाऱ्या गजाजन कीर्तिकरांची हकालपट्टी करा, शिवसेनेचे नेते शिशिर शिंदेंची मागणी, मुख्यमंत्र्यांच्या निर्णयाकडे लक्ष
9. अहमदनगरमध्ये EVM ठेवलेल्या गोदामाजवळ अज्ञाताकडून छेडछाड, आमदार निलेश लंकेंकडून व्हिडीओ ट्वीट
- - - - - - - - - Advertisement - - - - - - - - -