Maharashtra Breaking 23rd July LIVE Updates: देश-विदेशातील महत्त्वाच्या घडामोडी एका क्लिकवर...
Maharashtra Breaking 23rd July LIVE Updates: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहण्यासाठी क्लिक करा...
Pooja Khedkar : पुजा खेडकर यांना मसुरी इथल्या प्रशिक्षण केंद्रात चौकशीसाठी उपस्थित राहण्यासाठी युपीएससीने दिलेली मुदत आज संपतेय. त्यामुळे पुजा खेडकर आज मसुरी इथल्या प्रशिक्षण केंद्रात पोहचणार का याकडे सगळ्यांचं लक्ष असणार आहे. पुजा खेडकर यांनी आयएएस होण्यासाठी केलेले गैरप्रकार समोर आल्यानंतर युपीएससीने त्यांच प्रशिक्षण थांबवलं आणि 23 जुलैपर्यंत मसुरी इथल्या प्रशिक्षण केंद्रात हजर राहण्याचे त्यांना आदेश दिले. मात्र, वाशीम मधुन निघाल्यावर पुजा खेडकर या गायब झाल्यात. त्या जर आज मसुरी इथल्या प्रशिक्षण केंद्रात पोहचल्या नाहीत तर तु पी एस सी कडून पुढील कारवाईला सुरुवात होऊ शकते.
Kolhapur: कोल्हापुरातील पंचगंगा नदी आता धोक्याच्या पातळीकडे जात आहे. त्यामुळेच सर्वात आधी पूर बाधित होणाऱ्या चिखली गावातील नागरिक स्थलांतरित होण्यास सुरुवात झाली आहे. 2019 साली आलेल्या महापुरामध्ये जनावरांचे मोठ्या प्रमाणात नुकसान झाले होते. त्यामुळे यंदा चिखलीतील ग्रामस्थांनी पहिल्यांदा आपली जनावर स्थलांतरित करायला सुरुवात केली आहे. त्यानंतर प्रापंचिक साहित्य घेऊन चिखलीतील ग्रामस्थ नवीन चिखलीमध्ये राहायला जाणार आहेत.
Nashik News: राष्ट्रवादी काँग्रेस शरद पवार पक्षाचे प्रदेशाध्यक्ष जयंत पाटील आज नाशिक दौऱ्यावर
शरद पवारांच्या नाशिक दौऱ्यानंतर दोन दिवसातच जयंत पाटील नाशिकमध्ये
विधानसभा मतदारसंघनिहाय जयंत पाटील घेणार या आढावा
इच्छुकांच्या मुलाखती घेत विधानसभा मतदारसंघ निहाय परिस्थितीचा घेणार आढावा
जयंत पाटील यांच्या उपस्थितीत निष्ठावंताचा होणार मेळावा
जिल्ह्यातील राष्ट्रवादीचे 6 आमदार अजित पवार गटात आहेत
दिंडोरी,कळवण, सिन्नर निफाड,देवळाली, येवला या मतदारसंघात आहेत राष्ट्रवादीचे आमदार
Mumbai News: मुंबईला पाणीपुरवठा करणाऱ्या सात जलाशयांमध्ये 53.12 टक्के पाणीसाठा
सद्यस्थितीत मुंबईला 200 दिवस पुरेल एवढा पाणीसाठा
जलाशयातील पाण्याची उपलब्धता पाहून पाणी कपातीचा येत्या दोन दिवसात मागे घेणार असल्याची माहिती
मुंबईत पाच जून पासून दहा टक्के पाणी कपात सुरू आहे, जुलै महिन्यात जायला दमदार पाऊस पाहता हे पाणी कपात मागे घेतले जाऊ शकते, यासंदर्भात जलविभागाची आयुक्तांसोबत लवकरच बैठक पार पडणार आहे.
Maharashtra News : मुंबई क्रिकेट असोसिएशनच्या अध्यक्षपदासाठी आज निवडणूक
उपाध्यक्ष संजय नाईक आणि सचिव अजिंक्य नाईक यांच्यात सामना
एमसीएचं मैदान कोण मारणार, याकडे लक्ष
मुंबई क्रिकेट असोसिएशनचे अध्यक्ष अमोल काळे यांच्या निधनानंतर रिक्त झालेल्या अध्यक्षपदासाठी आज निवडणूक होत आहे. देशाच्या क्रिकेटच्या वर्तुळात मुंबई क्रिकेट असोसिएशन ही एक महत्त्वाची क्रिकेट संघटना आहे. त्यामुळे त्याचं अध्यक्षपद मिळवणं हीदेखील तितकीच महत्त्वाची गोष्ट मानली जाते.
Maharashtra News : राष्ट्रवादी आणि शिवसेना आमदार अपात्रताप्रकरणी आज सुप्रीम कोर्टात सुनावणी
सरन्यायाधीश धनंजय चंद्रचूड यांच्यासमोर होणार सुनावणी
अजित पवार गटातील आमदारांना अपात्र करा, शरद पवार गटाची मागणी
एकनाथ शिंदे गटातील आमदारांना अपात्र करा, ठाकरे गटाची मागणी
दोन वेगवेगळ्या याचिकांवर सुप्रीम कोर्टात होणार सुनावणी
निकालाकडे दोन्ही गटातील आमदारांचं लक्ष
Maharashtra News : विधानसभा निवडणुकींच्या तयारीसाठी भाजपच्या कोअर कमिटीची बैठक पार पडली. देवेंद्र फडणवीसांच्या निवासस्थानी बैठकीचं आयोजन केलं होतं. लोकसभा निवडणुकीत आरक्षणाच्या मुद्द्याचा फटका भाजपला बसला होता. आता विधानसभेत त्याचा फटका बसू नये यासाठी हा मुद्दा कसा हाताळायचा यावर बैठकीत चर्चा झालीय. त्याचसोबत 25 जुलैपासून 10 ऑगस्टपर्यंत भाजप नेते कार्यकर्त्यांशी संवाद साधणार आहेत. तीन टप्प्यात हा संवाद दौरा होईल. त्यावरही सविस्तर चर्चा झाली. पंकजा मुडे, चंद्रशेखर बावनकुळे, आशिष शेलार, रावसाहेब दानवे यांच्यासह महत्वाचे भाजप नेतेही या बैठकीला उपस्थित होते. दुसरीकडे आज मुंबईत राष्ट्रीय स्वयंसेवक संघ आणि भाजपचीही महत्वपूर्ण बैठक होणार आहे. प्रदेश भाजपच्या संघटन मंत्र्यांसह संघाचे मोजके प्रमुख पदाधिकारीच या बैठकीला उपस्थित राहणार आहेत.
Budget 2024 : संपूर्ण देशाचं लक्ष लागून राहीलेला मोदी सरकारच्या तिसऱ्या टर्मचा अर्थसंकल्प आज सादर केला जाईल. केंद्रीय अर्थमंत्री निर्मला सीतारमण आज सकाळी 11 वाजता लोकसभेत बजेट मांडणार आहेत. आगामी विधानसभा निवडणुका लक्षात घेता अर्थमंत्री सीतारमण आज महाराष्ट्रासाठी काही मोठ्या घोषणा करण्याची शक्यता व्यक्त केली जातेय. या अर्थसंकल्पाकडे सर्वसामान्य नागरिकांपासून ते बडे उद्योजकांसह लक्ष लागलेलं असणार आहे. याआधी 1 फेब्रुवारीला अंतरिम अर्थसंकल्प सादर झाला होता. आता आज अर्थसंकल्पातून देशवासियांना काय मिळतं याची उत्सुकता लागलीय.
Wardha Rain : जोरदार पावसाने नाल्यांना पूर आल्याने शेतात पाणी जावून पिकांचं नुकसान झालेय. मोठ्या प्रमाणातील पुराच्या पाण्यान जमीन खरडून निघत पीक गाळात रुतले. आर्वी तालुक्यातील दहेगाव शिवारात काही शेताचे बांध फुटून पाणी शेतात गेले. बांधाचे दगड, माती शेतात जावून पिकांच नुकसान झालंय. शेतातील पिकांची परिस्थिती पाहून शेतकरी हवालदिल झालेय. पाहणी करुन नुकसान भरपाई देण्याची मागणी शेतकऱ्यांकडून करण्यात येत आहे.
पार्श्वभूमी
Maharashtra Breaking 22nd July LIVE Updates: राज्यासह देश-विदेशातील ताज्या घडामोडींचे वेगवान अपडेटस् आणि बातम्या पाहण्यासाठी क्लिक करा...
1. अर्थमंत्री निर्मला सीतारामन आज संसदेत अर्थसंकल्प मांडणार, नोकरदार वर्गापासून बड्या उद्योजकांचं बजेटकडे लक्ष
2. सकाळी 11 वाजता देशाचा केंद्रीय अर्थसंकल्प मांडला जाणार, अर्थसंकल्पातून महाराष्ट्राच्या वाट्याला काय येणार याकडे राज्याचं लक्ष
3. आजच्या अर्थसंकल्पाकडे विद्यार्थ्यांपासून शेतकऱ्यांपर्यंत सर्वाचं लक्ष, शेतकऱ्यांना कोणत्या विशेष सवलती मिळणार, महिला वर्गाला कोणत्या सुविधा मिळणार याकडे लक्ष
4. देवेंद्र फडणवीसांच्या निवासस्थानावरील भाजपच्या बैठकीत आरक्षणावर चर्चा, विधानसभेला आरक्षणाचा मुद्दा कसा हाताळावा याचं नियोजन झाल्याची माहिती
5. राष्ट्रवादी आणि शिवसेना आमदार अपात्रता प्रकरणी आज सर्वोच्च न्यायालयात सुनावणी, निकालाकडे दोन्ही गटातील आमदारांचं लक्ष
- - - - - - - - - Advertisement - - - - - - - - -