NIA Raids PFI Maharashtra : NIA कडून महाराष्ट्रासह देशा छापेमारी, वाचा प्रत्येक अपडेट येथे...

22/09/2022 12:57:42

Jalgaon ATS Action : अकोला एटीएसच्या कारवाईत जालन्यातील तरुणाला जळगावामध्ये अटक

जालना येथील तरुणाला अकोला एटीसने जळगावमध्ये कारवाई करीत अटक केल्याने खळबळ उडाली आहे. आज पहाटे पाच वाजेच्या सुमारास एमआयडीसी पोलीस स्टेशनच्या हद्दितून मेहरून परिसरतील तीन जणांना एटीएसने ताब्यात घेतले होते. त्यांच्या चौकशी अंती दोघांना सोडून देत जालना येथील अब्दुल हादी याला अटक करण्यात आल्याची माहिती पोलीस सूत्रांनी दिली आहे. या बाबतची नोंद शहरातील एमआयडीसी पोलीस ठाण्यात करण्यात आली आहे. मुंबई येथे दाखल असलेल्या एका गुन्ह्यात ही अटक केल्याची माहिती पोलीस सूत्रांकडून मिळाली आहे. अब्दुल हादी रौफ (वय 32) राहणार जालना असे अटकेतील संशयिताचे नाव आहे.

22/09/2022 12:42:44

NIA-ATS कडून औरंगाबादसह परभणीत छापेमारी;पॉप्युलर फ्रंटच्या कार्यकर्त्यांना घेतलं ताब्यात

NIA Raids PFI Maharashtra: राष्ट्रीय तपास संस्थेने (NIA) पॉप्युलर फ्रंट ऑफ इंडियाच्या (PFI) कार्यालयांवर देशभरात छापेमारी (NIA Raids on PFI office) सुरू केली आहे. ज्यात औरंगाबादमधून एटीएसने चौघांना चौकशीसाठी ताब्यात घेतले असल्याची माहिती सूत्रांनी दिली आहे. त्यामुळे औरंगाबाद शहरात एकच खळबळ उडाली आहे

सविस्तर बातमी वाचण्यासाठी येथे क्लिक करा.

22/09/2022 12:26:07

NIA Raid Pune: पुण्यात NIA ची मोठी कारवाई; PFI चा कार्यकर्ता रझी खान तपास यंत्रणांच्या ताब्यात

पॉप्युलर फ्रंट ऑफ इंडिया (Popular Front Of India-PFI) या संघटनेच्या पुण्यातील कोंढवा भागातील मुख्य कार्यालयावर NIA, ATS आणि इतरही काही तपास यंत्रणांनी छापे टाकले आहेत. या छाप्यात 'PFI'च्या कार्यालयातील काही साहित्य जप्त करण्यात आले आहे. त्याचबरोबर नाशिकमधे दाखल असलेल्या गुन्ह्यांबद्दल काही जणांना चौकशीसाठी ताब्यात घेण्यात आलं आहे. पीएफआयचं महाराष्ट्रातील मुख्य कार्यालय पुण्यातील कोंढवा भागात आहे.

सविस्तर बातमी वाचण्यासाठी येथे क्लिक करा.

22/09/2022 12:18:48

ATS, NIA Maharashtra Raid : महाराष्ट्र एटीएसकडून PFI संघटनेविरुद्ध छार गुन्हे दाखल

महाराष्ट्र एटीएसने पीएफआय संघटनेविरुद्ध चार गुन्हेही दाखल केले आहेत. औरंगाबाद, बीड, परभणी, मालेगाव, मुंबई आणि नवी मुंबईसह संपूर्ण महाराष्ट्रात आज महाराष्ट्र एटीएसचे छापे सुरू आहेत. एटीएसने दिलेल्या माहितीनुसार, संपूर्ण महाराष्ट्रात 20 जणांना ताब्यात घेण्यात आले आहे.

22/09/2022 12:15:48

Bhiwanid ATS, NIA Raid : PFI या संघटनेसंदर्भातील एक जण भिवंडीतून ताब्यात

भिवंडी : NIA ने देशभरात PFI या संघटनेवर सुरू केलेल्या कारवाईत भिवंडीतुन मोईनुद्दीन मोमीन बंगालपुरा याला ताब्यात घेतलं.

22/09/2022 12:14:06

NIA, ATS Raids Maharashtra Live Updates : महाराष्ट्रात 20 जण ताब्यात

NIA आणि ATS ची कारवाई

महाराष्ट्रात 20 जण ताब्यात

औरंगाबादमधून पाच जण ताब्यात

तर नांदेडमध्येही पाच जण ताब्यात

22/09/2022 11:59:21

Malegaon NIA, ATS Raid : मालेगाव शहर पोलीस ठाण्याच्या हद्दीत सैफुर रहमान एटीएसच्या ताब्यात

मालेगाव शहर पोलीस ठाण्याच्या हद्दीत असलेल्या हुडको कॉलनी परिसरातील घरातून सैफुर रहमानला आज पहाटे चारच्या सुमारास एटीएसच्या पथकाने ताब्यात घेतलं. त्याच्या घरातून काही महत्वाची कागदपत्रेही हस्तगत करण्यात आल्याची माहिती आहे. सैफुरला ताब्यात घेतल्यानंतर नाशिक जिल्हा रुग्णालयात त्याची वैद्यकीय तपासणी करण्यात येऊन भद्रकाली परिसरातील एटीएस कार्यालयात त्याला आणण्यात आलय. त्याच्यावर गुन्हा दाखल करण्यात आला असून पथकाकडून कार्यालयात त्याची कसून चौकशी केली जातीय. सैफुरवर मालेगावला यापूर्वी काही आंदोलनाचे गुन्हे दाखल आहेत. PFI चा नाशिक जिल्हाध्यक्ष तसेच राज्यसंघटनेचेही त्याच्याकडे पद असल्याची चर्चा आहे.

22/09/2022 11:57:36

Devendra Fadanvis on NIA, ATS Raid : कारवाईवर आता बोलणं योग्य नाही, योग्य वेळी माहिती देऊ : फडणवीस

उपमुख्यमंत्री देवेंद्र फडणवीस यांनी तपास यंत्रणांच्या कारावाईवर प्रतिक्रिया दिली आहे. लवकरच याबद्दल तुम्हाला सर्व माहिती मिळेल. जी काही छापेमारी सुरू आहे, ती कॉर्डीनेटेड स्वरूपाची ॲक्शन आहे, त्या ॲक्शनवर आता बोलणं योग्य नाही, योग्य वेळी मी बोलेन, असं फडणवीस यांनी सांगितलं आहे.

22/09/2022 11:55:16

Navi Mumbai ATS, NIA Raid : पीएफआय कार्यालयात काम करणाऱ्या व्यक्तीची कसून चौकशी सुरू

नवी मुंबईमधील पॅाप्यूलर फ्रंट ॲाफ इंडीया या कार्यालयात काम करणाऱ्या असिफ नामक व्यक्तीची कसून चौकशी सुरू आहे. सुखमनी निवास या इमारतीमध्ये असिफ रहिवासी आहे. या इमारतीच्या बाजूलाच पॅाप्यूलर फ्रंट ॲाफ इंडियाचे कार्यालय आहे.

22/09/2022 11:46:26

Kolhapur NIA, ATS Raid : टेरर फंडिंगप्रकरणी कोल्हापुरात छापेमारी, पीएफआयचा पदाधिकारी अब्दुल मौला ताब्यात

कोल्हापूर : दहशतवादी कारवायांना आर्थिक मदत पुरवल्याच्या आरोप प्रकरणात कोल्हापुरातही छापेमारी करण्यात आली आहे. पीएफआय संघटनेचा पदाधिकारी अब्दुल मौला याला ताब्यात घेतल्याची प्राथमिक माहिती समोर येत आहे. जवाहरनगर मधील सिरत मोहल्ला येथून अब्दुल मौला याला ताब्यात घेतल्याची माहिती आहे.

22/09/2022 11:42:43

Navi Mumbai ATS, NIA Raid : PFI संघटनेशी संबंधित एक व्यक्ती पनवेलमधून ताब्यात

नवी मुंबई : पाएफआयशी संबंधीत एका व्यक्तीला पनवेलमधून ताब्यात घेण्यात आले आहे. महाराष्ट्र ATS आणि NIA ने टाकलेल्या छाप्यात या व्यक्तीकडे काही संशयात्मक कागदपत्रे आढळल्याने त्याला ताब्यात घेण्यात आल्याची माहिती सुत्रांनी दिली आहे. बुधवारी रात्रीपासून या व्यक्तीची चौकशी चालू होती. त्यानंतर त्याला ताब्यात घेण्यात आलं आहे.

22/09/2022 11:38:50

NIA Raids Live Updates : अमित शाह यांच्यासोबत बैठकीनंतर देशभरात छापेमारी

केंद्रीय गृहमंत्री अमित शाह यांच्यासोबत बैठकीनंतर देशभरात NIA आणि ATS कडून छापेमारी करण्यात आली आहे. दहशतवादी कारवायांना आर्थिक मदत पुरवल्याचा आरोप प्रकरणी ही कारवाई सुरु आहे.

22/09/2022 11:36:46

NIA Raids in Maharashtra: केंद्र सरकारची तपास यंत्रणांच्या माध्यमातून दडपशाही सुरू, ताब्यात घेतलेल्या कार्यकर्त्यांची सुटका करा; SDPI ची मागणी

NIA Raids in Maharashtra: एनआयए, एटीएस आणि इतर तपास यंत्रणांच्या माध्यमातून सुरू असलेली कारवाई ही दडपशाही असून दहशत माजवण्याचा प्रयत्न असल्याचा आरोप एसडीपीआयने केला आहे. आज सकाळपासून देशभरात पीएफआय आणि एसडीपीआयच्या कार्यालयांवर छापेमारी सुरू आहे.

22/09/2022 11:27:41

Aurangabad NIA, ATS Raids PFI : औरंगाबादमधून पीएफआयच्या 3 सदस्यांना ताब्यात घेतलं

औरंगाबाद येथून पीएफआयच्या 3 सदस्यांना आज सकाळी ताब्यात घेण्यात आलं. सय्यद फैसल असं एका सदस्याचं नाव असून तो नॅशनल कॉलनी येथील रहिवासी आहे. तर शेख इरफान आणि परवेझ खान हे दोघे बायजीपुरा येथील रहिवासी आहेत.

22/09/2022 11:13:32

NIA Raids : NIA ची मोठी कारवाई, 10 राज्यांमध्ये छापे, PFI च्या 100 हून अधिक लोकांना अटक

देशभरात केंद्रीय तपास यंत्रणेकडून (NIA) छापेमारी सुरु आहे. टेरर फंडिग प्रकरणात ही कारवाई सुरु आहे. या संदर्भात कारवाई करत NIAने 10 राज्यांमध्ये छापेमारी केली आहे. केरळमध्ये पॉप्युलर फ्रंट ऑफ इंडियाच्या (PFI) संघटनेचे पदाधिकारी तपास यंत्रणांच्या रडारवर आहेत. केरळमध्ये एनआयएकडून सुमारे 50 ठिकाणी छापेमारी सुरु आहे. ही संपूर्ण कारवाई टेरर फंडिंग प्रकरणावरून म्हणजेच दहशतवादी कारवायांना आर्थिक मदत केल्याप्रकरणी ही कारवाई सुरु आहे. सुरू आहे. देशातील दहशतवादी कारवायांमध्ये सहभाग असल्याच्या आरोपाखाली ही कारवाई सुरु आहे. केरळमधील मांजेरी, मल्लापुरम या भागांमध्ये ही छापेमारी सुरू आहे. दरम्यान देशात महाराष्ट्र, केरळ, कर्नाटक, राजस्थान, तामिळनाडू, आंध्र प्रदेश, तेलंगणा, दिल्ली, उत्तर प्रदेश आणि मध्य प्रदेश या राज्यांमध्येही केंद्रीय तपास यंत्रणा अॅक्शन मोडमध्ये आहेत.

सविस्तर बातमी वाचण्यासाठी येथे क्लिक करा

22/09/2022 11:11:18

NIA Raid : केद्रीय तपास यंत्रणांकडून 10 राज्यांमध्ये छापेमारी, दहशतवादी कारवायांना आर्थिक मदत पुरवल्याचा आरोप

NIA Raids in India : केद्रीय तपास यंत्रणांकडून 10 राज्यांमध्ये छापेमारी करण्यात येत आहे. दहशतवादी कारवायांना आर्थिक मदत पुरवल्याप्रकरणी म्हणजे टेरेर फंडिंगप्रकरणी ही कारवाई सुरु आहे.

22/09/2022 11:07:05

NIA Raids PFI Maharashtra : NIA-ATS कडून राज्यात ठिकठिकाणी छापेमारी, 16 जण ताब्यात

राष्ट्रीय तपास संस्थेने (NIA) पॉप्युलर फ्रंट ऑफ इंडियाच्या (PFI) कार्यालयांवर देशभरात छापेमारी (NIA Raids on PFI office) सुरू केली आहे. महाराष्ट्रातही पुणे, नवी मुंबई, भिवंडी, मालेगावसह इतर ठिकाणी छापेमारी सुरू केल्याचे वृत्त आहे. एनआयएने मध्यरात्री तीन वाजताच नवी मुंबईतील नेरूळमधील सेक्टर 23 मधील PFI च्या कार्यालयावर छापा मारला. तर, पुण्यातही कारवाई सुरू असून दोघांना ताब्यात घेतले आहे. पॉप्युलर फ्रंट ऑफ इंडियाचे कार्यकर्ते अब्दुल कय्याम शेख आणि रझा खान या दोघांना तपास यंत्रणांनी ताब्यात घेतले आहे. मालेगावमधूनही एटीएसने एकाला ताब्यात घेतले आहे. औरंगाबादमधून एटीएसने चौघांना चौकशीसाठी ताब्यात घेतले आहे.

सविस्तर माहितीसाठी येथे क्लिक करा.

22/09/2022 11:06:26

NIA Raids PFI Maharashtra : दहशतवाद्यांना आर्थिक मदत केल्याप्रकरणी एनआयएकडून विविध ठिकाणी छापेमारी

NIA Raids PFI Maharashtra : दहशतवाद्यांना आर्थिक मदत केल्याप्रकरणी एनआयए आणि दहशतवाद विरोधी पथकाने राज्यातील विविध ठिकाणी छापेमारी केली आहे. तपास यंत्रणांनी 15 हून अधिकजणांना ताब्यात घेतले आहे.

पार्श्वभूमी