मोठी बातमी :  कर्नाटक रक्षण वेदिकेचा मनसेला पाठिंबा, बँका आणि अन्य आस्थापनांमध्ये त्या त्या राज्यातील भाषा बोलण्याचं समर्थन!

बँका आणि अन्य आस्थापनांमध्ये त्या त्या राज्यातील भाषा बोलण्याचं समर्थन कर्नाटक रक्षण वेदिकेनं समर्थनं दिलं आहे. याबाबत मनसेच्या भूमिकेला कर्नाटक रक्षण वेदिकेनं पाठिंबा दिला आहे.

Karnataka Rakshasa Vedike News

Source : Karnataka Rakshasa Vedike

Karnataka Rakshasa Vedike  : महाराष्ट्र राज्यातील बँका (Bank) आणि दुकानांमध्ये मराठी न बोलणाऱ्या उत्तर भारतीयांमुळं स्थानिक मराठी लोकांना भेडसावणाऱ्या समस्या लक्षात घेता, महाराष्ट्र नवनिर्माण सेना (मनसे) महाराष्ट्रात चालवत असलेल्या संघर्षाला कर्नाटक रक्षण वेदिके (Karnataka Rakshasa Vedike )  पाठिंबा दिली आहे. कर्नाटक रक्षण वेदिके ने सुरुवातीपासूनच भारतीय संघराज्यातील प्रत्येक भाषेला त्यांच्या संबंधित राज्यात प्रथम स्थान द्यावे, असा आग्रह धरला असल्याची माहिती कर्नाटकचे माजी मंत्री नारायण गौडा यांनी दिली आहे. महाराष्ट्र नवनिर्माण सेनेचे कार्यकर्ते महाराष्ट्र राज्यात मराठी न बोलणाऱ्या दुकाने आणि बँकांमधील कर्मचाऱ्यांविरुद्ध आवाज उठवत आहेत. या मुद्यावरुन  नारायण गौडा यांनी ट्वीट करत त्यांची भूमिका मांडली आहे.

बँका आणि दुकानांमध्ये राज्याची भाषा न बोलणाऱ्या कर्मचाऱ्यांची संख्या वाढण्याचे मूळ कारण म्हणजे भारत सरकारचे नियम असल्याचे नारायण गौडा म्हणाले. बँकेची भरती परीक्षा, जी फक्त संबंधित राज्यातील तरुणांसाठी खुली असायला हवी होती, ती उत्तर भारतातील तरुणांना मदत करण्यासाठी बदलण्यात आली आणि ग्राहक सेवा कायदा बिगर हिंदी ग्राहकांच्या हक्कांना कोणतेही महत्त्व देत नाही असेही ते म्हणाले.  कर्नाटक रक्षण वेदिकेचा संबंधित राज्यांमध्ये त्यांच्या भाषांचे जतन आणि विकास करण्यासाठी लढणाऱ्या भाषा संघटनांच्या संघर्षाचे समर्थन दिले आहे. या संदर्भात, मी महाराष्ट्र नवनिर्माण सेनेला यशाची शुभेच्छा देतो, जी महाराष्ट्रातील बँका आणि दुकाने मराठीत व्यवहार करण्याची मागणी करत आहे. कर्नाटकातील बँका आणि दुकाने कन्नड भाषेचा वापर सक्तीने करण्यासाठी संघर्ष करत आहेत. केंद्र सरकारने गैर-कन्नड कर्मचाऱ्यांना परत बोलावून त्यांच्या राज्यात परत पाठवावे. या संदर्भात, आम्ही प्रभावित राज्यांमधील संघटनांसोबत काम करु असेही नारायण गौडा म्हणाले.

 

ಮಹಾರಾಷ್ಟ್ರದ ಬ್ಯಾಂಕುಗಳಲ್ಲಿ ಮತ್ತು ಅಂಗಡಿ ಮುಂಗಟ್ಟುಗಳಲ್ಲಿ ಮರಾಠಿ ಬಾರದ ಉತ್ತರ ಭಾರತೀಯರಿಂದ ಆಗುತ್ತಿರುವ ಸಮಸ್ಯೆಗಳನ್ನು ಇಟ್ಟುಕೊಂಡು ಅಲ್ಲಿನ ಮಹಾರಾಷ್ಟ್ರ ನವನಿರ್ಮಾಣ ಸೇನೆ ( M.N.S) ನಡೆಸುತ್ತಿರುವ ಹೋರಾಟವನ್ನು ಕರ್ನಾಟಕ ರಕ್ಷಣಾ ವೇದಿಕೆ ಬೆಂಬಲಿಸುತ್ತದೆ.

ಭಾರತ ಒಕ್ಕೂಟದ ಪ್ರತಿಯೊಂದು ಭಾಷೆಗಳಿಗೂ ಆಯಾ ರಾಜ್ಯದಲ್ಲಿ ಮೊದಲ ಸ್ಥಾನ…

— ನಾರಾಯಣಗೌಡ್ರು.ಟಿ.ಎ | ‌Narayanagowdru T.A. (@narayanagowdru) April 4, 2025

गेल्या काही दिवसांपासून मुंबईत मराठी भाषेवरून वाद होताना दिसत आहे. मराठी माणसांना हिंदीत किंवा मारवाडी, गुजराती किंवा इतर भाषांमध्ये बोलण्याची जबरदस्ती करण्याचे प्रमाण वाढतच आहे. हजारो किलोमीटरवरुन मुंबईत कामाला यायचे आणि इथे आल्यानंतर मराठी भाषेचा अपमान करायचा याचे प्रमाण सातत्याने वाढत आहे. त्यासंबंदी विशेषतः काही हिंदी भाषकांची मुजोरी अधिकच वाढताना दिसत आहे. त्यामुळे 'आपल्याच घरात हाल सोसते मराठी' अशी काहीशी अवस्था मराठी भाषेची आणि मराठी माणसाची झाल्याचं चित्र आहे. या मुद्द्यावरुन मनसेनं आक्रमक पवित्रा घेतला आहे. 

महत्वाच्या बातम्या: