SSC-HSC Exam Timetable | दहावी, बारावीच्या परीक्षेचं वेळापत्रक जाहीर

दहावी आणि बारावीच्या वेळापत्रक महाराष्ट्र राज्य माध्यमिक व उच्च माध्यमिक शिक्षण मंडळाकडून जारी करण्यात आलं आहे. मंडाळाने गेल्या महिन्या जारी केलेलं वेळापत्रक अंतिम करण्यात आलं आहे.

मुंबई : दहावी आणि बारावीच्या फेब्रुवारी-मार्च 2020 मध्ये होणार्‍या लेखी परीक्षांचं अंतिम वेळापत्रक आज महाराष्ट्र राज्य माध्यमिक व उच्च माध्यमिक शिक्षण मंडळाकडून जाहीर करण्यात आलं आहे. दहावीची परीक्षा 3 मार्च 2020  तर बारावीची परीक्षा 18 फेब्रुवारीपासून होणार आहे. परीक्षेचे सविस्तर वेळापत्रक मंडळाच्या www.mahahsscboard.maharashtra.gov.in संकेतस्थळावर उपलब्ध करण्यात आले आहे. मंडाळाने गेल्या महिन्या जारी केलेलं वेळापत्रक अंतिम करण्यात आलं आहे.

महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, औरंगाबाद, मुंबई, कोल्हापूर, अमरावती, नाशिक, लातूर आणि कोकण या विभागीय मंडळांतर्फे दहावी आणि बारावीच्या परीक्षा घेण्यात येणार आहेत. मंडळाने जाहीर केलेल्या वेळापत्रकानुसार बारावीची लेखी परीक्षा 18 फेब्रुवारी ते 18 मार्च 2020 दरम्यान होणार आहे. तर दहावीची परीक्षा 3 ते 23 मार्च 2020 दरम्यान होणार आहे.

प्रात्यक्षिक परीक्षा, श्रेणी, तोंडी परीक्षा आणि अन्य विषयांचे वेळापत्रक स्वतंत्रपणे परीक्षेपूर्वी मंडळामार्फत शाळा आणि कनिष्ठ महाविद्यालयांना कळवण्यात येईल. परीक्षेपूर्वी शाळा आणि ज्युनियर कॉलेजकडे छापील स्वरुपातील वेळापत्रकही पाठवण्यात येणारे आहे. दहावी आणि बारावीच्या परीक्षांच्या तारखांबाबत राज्यातील लाखो विद्यार्थी पालकांना प्रतीक्षा होती.

सोशल मीडियावर व्हायरल होणार्‍या वेळापत्रकांवर विश्वास नका

व्हॉट्सअ‍ॅपवर व्हायरल होणार्‍या वेळापत्रकांवर विश्वास ठेवू नका, असं आवाहन महाराष्ट्र राज्य माध्यमिक व उच्च माध्यमिक शिक्षण मंडळाकडून करण्यात आलं आहे. परीक्षांची अनेक वेळापत्रके व्हॉट्सअ‍ॅप किंवा इतर सोशल मीडियावरुन व्हायरल होतात. मात्र या वेळापत्रकांवर विश्वास न ठेवता मंडळाकडून छापील स्वरूपात शाळा आणि ज्युनियर कॉलेजांना पाठवण्यात येणार्‍या वेळापत्रकानुसार तारखा पडताळून घ्याव्या, असं आवाहन मंडळाने पत्रकाद्वारे केलं आहे.

VIDEO | राज्यातील बातम्यांचा वेगवान आढावा | बातम्या सुपरफास्ट