जिल्ह्यातील किनारपट्टीवरील सातपाटी, मुरबे, डहाणू, केळवे या बंदरांत घोळ, दाढ मासे पकडण्यासाठी वागरा पद्धतीच्या जाळ्यांचा वापर मोठ्या प्रमाणात केला जातो. या मासळीपेक्षा त्यांच्या पोटातील बोथाला खूप चांगला भाव व्यापाऱ्यांकडून दिला जातो.
वाम, कोत, शिंगाळा या मच्छीच्या बोथालाही चांगली मागणी आहे.
घोळ मच्छीच्या मांसाला 800 ते एक हजार रुपये प्रति किलो दर मिळत असला, तरी नर जातीच्या बोथाला सर्वाधिक मागणी आहे. मादी जातीच्या बोथाला पाच चे दहा हजार रुपयांपर्यंत किंमत मिळते. त्याचा वापर निसर्ग सौंदर्य प्रसाधनात, शस्त्रक्रियेचे टाके घालण्यासाठी वापरल्या जाणाऱ्या धाग्याच्या निर्मितीसाठी आणि औषधे बनविण्याकरिता केला जातो.
उत्तर प्रदेश, बिहार राज्यातून जिल्ह्यात स्थायिक झालेल्या व्यापाऱ्यांकडून हे बोथ खरेदी केले जातात.