यवतमाळ : यवतमाळ जिल्ह्यातील टिपेश्वर अभयारण्यातील टायगर झोनमध्ये आग लागली आहे. या टायगर झोनमध्ये 10 ते 12 वाघांसह अनेक प्राणी राहत असल्याची माहित मिळते आहे.



केळापूर तालुक्यातील मारेगावच्या शेतीक्षेत्रात आग लागली आणि पुढे पसरत टिपेश्वर अभयारण्यापर्यंत पोहोचली. आग विझवण्यासाठी शर्थीचे प्रयत्न सुरु असून, 50 ते 60 अधिकारी आणि कर्मचारी आग विझवण्याचे प्रयत्न करत आहेत.

 

आगीवर नियंत्रण मिळविण्याचे प्रयत्न सुरु असले, तरी या भागातील वाघांसह इतर वन्य प्राण्यांच्या जीवाला आगीमुळे धोका निर्माण झाला आहे.