'टपरीवर फिरणाऱ्याला मी मंत्री बनवलं', एकनाथ खडसेंचा टोला, गुलाबरावांचंही प्रत्युत्तर
Eknath Khadse vs Gulab Raghunath Patil : नाथाभाऊंच्या जीवावर मोठे झाले कोण कुठे होतं? माझ्यापुढे शेपटी हलवणारे, मागेपुढे फिरणारे आणि तेच आता मला विचारतात तीस वर्षात तुम्ही काय केलं?
Eknath Khadse vs Gulab Raghunath Patil : नाथाभाऊंच्या जीवावर मोठे झाले कोण कुठे होतं? माझ्यापुढे शेपटी हलवणारे, मागेपुढे फिरणारे आणि तेच आता मला विचारतात तीस वर्षात तुम्ही काय केलं? टपरीवर फिरणाऱ्याला मी मंत्री बनवलं. पक्षाचा आशीर्वाद असला तरी माझ्या शब्दाला मान होता आणि आता मेरी बिल्ली मेरे को म्याऊ. शेर शेर होता है, असा टोला राष्ट्रवादीचे नेते एकनाथ खडसे यांनी गुलाबराव पाटील यांना लगावला. ते बोदवड नगरपंचायत प्रचार सभेत बोलत होते. पारधीपासून ते धरणगाव रस्ता मी केला. जामनेर मतदारसंघात सर्व धरणाचे काम कोणी केलं? गुलाबराव तुमच्या तालुक्यात अंजली धरण मी बांधलं. तरी विचारता तीस वर्षात तुम्ही काय केलं? असा टोला एकनाथ खडसे यांनी लगावला. एकनाथ खडसे यांच्या या टीकेला गुलाबराव पाटील यांनीही प्रत्युत्तर दिलं आहे. टपरीचालकास बाळासाहेब ठाकरे यांनी मंत्री केले होते यांनी नाही, असा पलटवार गुलाबराव पाटील यांनी एकनाथ खडसे यांच्यावर केला.
राष्ट्रवादीचे एकनाथ खडसे यांनी बोदवड नगर पंचायत निवडणुकीनिमित्त आयोजित जाहीर सभेत मंत्री गुलाबराव पाटील यांच्यावर टीका केली. गुलाबराव पाटील यांच्या गावातील आणि मतदार संघातील रस्ते मंजूर केल्याचे आणि त्यांना मंत्री केल्याचं खडसे यांनी म्हटलं होते. त्याला उत्तर देताना मंत्री गुलाबराव पाटील यांनी म्हटले की, त्यांनी काम केले असेल तर उपकार केले नाहीत.. मंत्र्याचं कामच आहे काम करण्याचं. मीही तीस वर्षांपासून आमदार राहिलो आहे, त्याचा फंड माझ्याकडे भरपूर असल्याने मला कोणाकडे जाण्याची गरज नाही. राहिली गोष्ट मला मंत्री करण्याची तर टपरीचालकास बाळासाहेब ठाकरे यांनी मंत्री केले होते, यांनी नाही. उलट यांना बाळासाहेब ठाकरे यांनी मंत्री केले होते, हे त्यांनी विसरू नये, असे वक्तव्य गुलाबराव पाटील यांनी खडसे यांना दिलं आहे.
गिरीश महाजन यांची खडसेंवर टीका -
मुख्यमंत्रिपदाच्या शर्यतीसाठी पळतो, अन् स्वतःच्या मतदारसंघाचा विकास मात्र भकास आणि म्हणे मोठा नेता, असे म्हणत माजी मंत्री गिरीश महाजन यांनी राष्ट्रवादी काँग्रेसचे नेते एकनाथराव खडसेंवर जोरदार टिका केली. नगरपंचायत निवडणुकीनिमित्त आयोजित प्रचार सभेत ते बोलत होते.
मराठी लाईव्ह न्यूज सुपरफास्ट पाहा ABP Majha वर, मुंबई, पुणे, नागपूर, औरंगाबाद, मनोरंजन, क्रिकेट, देश-विदेशातील प्रत्येक बातमी सर्वात आधी एबीपी माझावर Live
महत्त्वाच्या बातम्या
