नाताळच्या सुट्टीनिमित्त कोकणात जाण्यासाठी गर्दी, मुंबई गोवा महामार्गावर इंदापूर, माणगावात वाहतूक कोंडी

पर्यटकांनी पुढील पाच दिवस कोकणातील वातावरणाचा आनंद लुटण्याचा मनोदय व्यक्त केला आहे. कोकणात गर्दी वाढल्याने स्थानिक अर्थव्यवस्थेला चालना मिळाली असली, तरी वाहतूक व्यवस्थेला मोठा ताण आला आहे.

Maharashtra News: नाताळच्या सुट्ट्यांमुळे कोकणात पर्यटकांचा (Tourism Traffic) ओघ वाढला असून, समुद्रकिनाऱ्यांवर मोठ्या प्रमाणावर गर्दी झाली आहे. श्रीवर्धन तालुक्यातील दिवेआगर समुद्रकिनाऱ्यावर पर्यटकांनी तुफान गर्दी केली असून, स्पीकर आणि डीजेच्या तालावर पर्यटक नृत्य करत आपल्या सुट्ट्यांचा आनंद लुटत आहेत. नववर्षाचे स्वागत करण्यासाठी अगदी काहीच दिवस शिल्लक असल्याने कोकणातील हॉटेल्स, रिसॉर्ट्स, आणि समुद्रकिनाऱ्यावरील निवास व्यवस्था हाउसफुल झाली आहे. येथील पर्यटकांनी पुढील पाच दिवस कोकणातील वातावरणाचा आनंद लुटत आहेत. कोकणात गर्दी वाढल्याने स्थानिक अर्थव्यवस्थेला चालना मिळाली असली, तरी वाहतूक व्यवस्थेला मोठा ताण आला आहे.

मुंबई-गोवा महामार्गावर इंदापूर आणि माणगाव परिसरात वाहतूक कोंडी झाली आहे. माणगावजवळ कोंडीतून सुटका करण्यासाठी प्रवाशांनी माणगाव दिघी रोडवरील माणगाव बसस्थानकाकडे जाणाऱ्या पर्यायी रस्त्याचा वापर करण्यास सुरुवात केली आहे. मात्र, त्या पर्यायी मार्गावरही वाहतूक कोंडी झाली आहे, ज्यामुळे वाहतूक व्यवस्थेत अडथळा निर्माण होत आहे. वाहतूक कोंडीमुळे स्थानिक प्रशासन आणि पोलिसांची मोठी धावपळ सुरू आहे. पोलिसांनी वाहतूक सुरळीत करण्यासाठी अतिरिक्त कर्मचारी तैनात केले आहेत. मात्र, सुट्ट्यांमुळे वाढलेल्या गर्दीमुळे कोंडीचे (Traffic Jam) प्रश्न कायम राहिले आहेत. पर्यटकांनी कोकणातील वातावरणाचा आनंद लुटत असताना, स्थानिक प्रशासनाने वाहतूक कोंडी टाळण्यासाठी प्रवाशांना संयम बाळगण्याचे आणि वेळेवर योग्य निर्णय घेण्याचे आवाहन केले आहे. आगामी नववर्षाचे उत्सव पाहता, पुढील काही दिवसांत कोकणातील पर्यटनस्थळांवर गर्दी आणखी वाढण्याची शक्यता आहे.

नववर्ष नाताळाला गर्दी वाढण्याची शक्यता

नाताळ नववर्ष आणि विकेंडच्या सुट्ट्या गाठून पर्यटक समुद्रकिनाऱ्यांवर मोठ्या प्रमाणावर गर्दी करत आहेत. मुंबई गोवा महामार्गावर तसेच इंदापूर माणगाव परिसरात मोठी वाहतूक कोंडी झाली आहे. येत्या दोन दिवसात कोकण, गोवा आणि आजपासच्या पर्यटनस्थळांवर गर्दी वाढण्याची शक्यता आहे. माणगाव जवळ मुंबई गोवा महामार्गावर झालेल्या वाहतूक कोंडीवर पर्यायी मार्ग म्हणून माणगाव दिघी रोडवरील माणगाव बस स्थानकाकडे जाणाऱ्या पर्यायी रस्त्याचा वापर आता प्रवाशी करतायेत. त्यामुळे माणगाव ते बस स्थानक कडे जाणारा पर्यायी रस्ता देखील वाहतूक कोंडीत अडकल्याचा दिसत आहे. त्यामुळें पोलिसांची दमछाक होताना पहायला मिळतं आहे.

हेही वाचा: