एक्स्प्लोर
Advertisement
![ABP Premium](https://cdn.abplive.com/imagebank/Premium-ad-Icon.png)
कोरोनामुळे शेतकऱ्यांची स्थिती बिकट, पीक कर्जाची परतफेड शक्य नाही : शरद पवार
शरद पवार यांनी कोरोनाच्या पार्श्वभूमीवर फेसबुक लाईव्हद्वारे संवाद साधला. यावेळी त्यांनी ठाकरे सरकार आणि आरोग्य मंत्री राजेश टोपे यांचं कौतुक केलं. तसेच नागरिकांना सरकारच्या सूचना पाळण्याचं आवाहन देखील केलं,
![कोरोनामुळे शेतकऱ्यांची स्थिती बिकट, पीक कर्जाची परतफेड शक्य नाही : शरद पवार coronavirus sharad pawar Facebook live on corona maharashtra कोरोनामुळे शेतकऱ्यांची स्थिती बिकट, पीक कर्जाची परतफेड शक्य नाही : शरद पवार](https://static.abplive.com/wp-content/uploads/sites/4/2019/12/02205346/Pawar-2.jpg?impolicy=abp_cdn&imwidth=1200&height=675)
मुंबई : कोरोनामुळे बळीराजा खूप अडचणीत सापडला आहे. सध्या शेतकऱ्यांची स्थिती बिकट आहे. त्यामुळं त्यांना पीक कर्जाची परतफेड शक्य नाही. यासाठी सरकारने पीक कर्जाचे पुढील चार ते पाच वर्षासाठी हफ्ते पाडून द्यावे, अशी मागणी राष्ट्रवादीचे अध्यक्ष खासदार शरद पवार यांनी केली आहे. आज शरद पवार यांनी फेसबुक लाईव्हद्वारे संवाद साधला. यावेळी त्यांनी कमेंटबॉक्समध्ये आलेल्या प्रश्नांची उत्तरं देखी दिली.
यावेळी पवार म्हणाले की, शेतकऱ्यांच्या पीक कर्जाला 4-5 वर्षाचे हप्ते पाडून द्या. तसेच मोफत धान्य देताना शेतकऱ्यांकडे असलेला शेतमाल विकत घेण्याबाबत विचार करावा. शेतकरी अडचणीत सापडला आहे, शेतकऱ्यांच्या अर्थकारणाला यामुळे मोठा फटका बसला आहे, असं शरद पवार म्हणाले.
Coronavirus | रेपो रेटमध्ये मोठी कपात, EMI तीन महिने स्थगित करण्याचा आरबीआयचा सल्ला
ते म्हणाले की, कोरोनाचा मानवांसह पशूपक्ष्यांवरही परिणाम झाला आहे. सरकार याबाबत काही सूचना देत आहे. सरकारचं काम चांगल्या पद्धतीनं सुरु आहे. या सरकारच्या सूचनांकडे दुर्लक्ष कराल तर गंभीर परिणाम भोगावे लागतील, असंही शरद पवार म्हणाले.
Coronavirus Full Updates | देशभरात कोरोनाचा गुणाकार सुरु, राज्यात 136 कोरोनाबाधित
शरद पवार म्हणाले की, जेवढ्या कंपन्यात कामगार काम करतात, त्या कंपनी मालकांनी कामगारांना जपावं, त्यांच्या वेतनाची खबरदारी घ्यावी. कोरोनाशी लढण्यासाठी राष्ट्रवादीचे आमदार, खासदार एका महिन्याचे वेतन देणार असल्याचे देखील पवारांनी घोषित केले. सध्याच्या परिस्थितीत नागरिकांकडून शिस्तीची गरज आहे. मात्र पोलिसांनी देखील सामंजस्यानं वागावं, असं शरद पवार म्हणाले.
कोरोनाचा सामना करण्याच्या दृष्टीने राज्य सरकार, केंद्र सरकार, राष्ट्रीय संघटना, आंतरराष्ट्रीय संघटना यांनी अनेक चांगले निर्णय तातडीने घेतले आहेत. कोरोनाचं संकट अत्यंत गंभीर आहे हे प्रत्येकाने लक्षात घ्यायला हवं, देशातील अर्थव्यवस्थेवर याचा गंभीर आणि दीर्घकालीन परिणाम होणार आहे यात काहीही शंका नाही असंही शरद पवार यांनी म्हटलं.
पवार म्हणाले की, अत्यावश्यक सेवेच्या वाहनांना अडवू नका. संकटातून जनतेला बाहेर काढण्यासाठी सर्व शक्ती वापरा असंही पवार म्हणाले. द्राक्षं आणि आंबा उत्पादकांना सरकारने मदत करावी असंही आवाहन शरद पवार यांनी केलं आहे. ईएमआयबाबत सरकारने विचार करावा, फळबागांच्या नुकसानीकडे लक्ष दिलं गेलं पाहिजे, असंही ते म्हणाले.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
महाराष्ट्र
महाराष्ट्र
क्राईम
राजकारण
Advertisement
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)
उमेश अलोणे, एबीपी माझाअकोला जिल्हा प्रतिनिधी
Opinion