![ABP Premium](https://cdn.abplive.com/imagebank/Premium-ad-Icon.png)
Mumbai News : चेंबूर कॅम्प परिसरात ठाकरे गटाच्या आजी-माजी महिला शाखा प्रमुखांमध्ये तुफान राडा, शाखेच्या जागेवरुन वाद
मुंबईच्या चेंबूर कॅम्प परिसरामध्ये (Mumbai Chembur Camp area) शिवसेना उद्धव बाळासाहेब ठाकरे गटाच्या आजी आणि माजी महिला शाखा प्रमुखांमध्ये मध्यरात्री तुफान राडा झाल्याची घटना घडली आहे.
![Mumbai News : चेंबूर कॅम्प परिसरात ठाकरे गटाच्या आजी-माजी महिला शाखा प्रमुखांमध्ये तुफान राडा, शाखेच्या जागेवरुन वाद Controversy between Thackeray group women in Chembur Camp area Mumbai News : चेंबूर कॅम्प परिसरात ठाकरे गटाच्या आजी-माजी महिला शाखा प्रमुखांमध्ये तुफान राडा, शाखेच्या जागेवरुन वाद](https://feeds.abplive.com/onecms/images/uploaded-images/2022/11/02/2a5b9085b280fd4b0ef139fc4fe758861667347797756339_original.jpg?impolicy=abp_cdn&imwidth=1200&height=675)
Mumbai News : मुंबईच्या चेंबूर कॅम्प परिसरामध्ये (Mumbai Chembur Camp area) शिवसेना उद्धव बाळासाहेब ठाकरे गटाच्या आजी आणि माजी महिला शाखा प्रमुखांमध्ये मध्यरात्री तुफान राडा झाल्याची घटना घडली आहे. चेंबूर कॅम्प परिसरामध्ये शिवसेना उद्धव ठाकरे गटाच्या शाखा 154 मध्ये हा राडा झाला आहे. शाखेच्या जागेवरुन आजी-माजी महिला शाखाप्रमुखांमध्ये मध्यरात्रीच्या दरम्यान हा राडा झाला आहे. दरम्यान, घटनेची माहिती मिळताच चेंबूर पोलिसांनी घटनास्थळावर दाखल होऊन उद्धव ठाकरे गटाचे आजी-माजी महिला शाखा प्रमुखांसह सर्व कार्यकर्त्यांना समजून पोलिस स्टेशनला नेले आहे.
दरम्यान, आजी आणि माजी महिला शाखाप्रमुखांच्या राड्यांमध्ये काही पुरुष शिवसैनिकांवर चेंबूर पोलीस स्टेशनमध्ये विनयभंगाचा गुन्हा दाखल झाला आहे. सध्या चेंबूर पोलिसांनी गुन्हा दाखल करुन घेतला असून, अधिक तपास करत आहेत.
काही दिवसापूर्वीच प्रभादेवी परिसरात शिंदे गट आणि ठाकरे गटात झाला होता राडा
गणेश विसर्जनासाठी काढण्यात आलेल्या मिरवणुकीत शिवसेना आणि शिंदे गटाच्या समर्थकांमध्ये मोठा राडा झाला होता. प्रभादेवी या ठिकाणी गणेश विसर्जनावेळी शिवसेना आणि शिंदे गटाचे कार्यकर्ते आमनेसामने आले होते. शिवसेना पक्षप्रमुख उद्धव ठाकरे (Uddhav Thackeray) यांनी शिवसैनिकांना शांत राहण्याचे आदेश दिल्यानंतर संघर्ष टळला होता. परंतु त्यानंतर पुन्हा वाद उफाळून आला. सदा सरवणकर समर्थकांकडून शिवसैनिकांना डिवचण्याचा प्रयत्न केल्यानंतर शाब्दिक बाचाबाचीही झाली. यानंतर शिंदे गटाचे आमदार सदा सरवणकर यांनी शिवसेना विभागप्रमुख महेश सावंत (Mahesh Sawant) यांच्यासह शिवसैनिकांना पिस्तूलचा धाक दाखवून गोळीबार केल्याचा आरोप शिवसैनिकांनी केला होता. त्यानंतर सदा सरवणकर यांच्यासह समर्थकांवर गुन्हा दाखल झाला होता. त्यामुळं वातावरण तणावाचे होते.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)