एक्स्प्लोर

Train Cancelled List: प्रवाशांनी कृपया इकडे लक्ष द्या! मध्य रेल्वेच्या प्रवाशांच्या अडचणी वाढल्या; 26 डिसेंबर ते 6 जानेवारी दरम्यान अनेक ट्रेन रद्द

रद्द करण्यात आलेल्या गाड्यामध्ये कलबुर्गी-कोल्हापूर एक्स्प्रेस, मिरज - परळी डेमू, मिरज - कुर्डुवाडी डेमू, कोल्हापूर - नागपूर एक्स्प्रेस, कोल्हापूर-धनबाद एक्सप्रेस, यशवंतपूर -पंढरपूर एक्स्प्रेस यांचा समावेश आहे.

Written By : आफताब शेख, एबीपी माझा | Edited By: प्राची आमले | Updated at : 27 Dec 2023 10:09 AM (IST)

Central Railway

सोलापूर : मध्य रेल्वेतील (Central Railway) पुणे विभागातील सांगली-मिरज (Sangli- Miraj) सेक्शन दरम्यान एनआय आणि ट्रॅफिक ब्लॉकच्या कामाकरता काही रेल्वे गाड्या रद्द तसेच काही गाड्यांच्या मार्गात बदल करण्यात आले आहेत. रद्द करण्यात आलेल्या गाड्यामध्ये कलबुर्गी-कोल्हापूर एक्स्प्रेस, मिरज - परळी डेमू, मिरज - कुर्डुवाडी डेमू, कोल्हापूर - नागपूर एक्स्प्रेस, कोल्हापूर-धनबाद एक्सप्रेस, यशवंतपूर -पंढरपूर एक्स्प्रेस यांचा समावेश आहे.

रद्द करण्यात आलेल्या गाड्या

26 डिसेंबर ते 6 जानेवारीपर्यंत गाडी क्र. 22155 कलबुर्गी-कोल्हापूर एक्स्प्रेस रद्द
26 डिसेंबर ते 6 जानेवारीपर्यंत गाडी क्र 22156 कोल्हापूर-कलबुर्गी एक्स्प्रेस रद्द
26 डिसेंबर ते 6 जानेवारीपर्यंत गाडी क्र 11412 मिरज - परळी डेमू रद्द
27 डिसेंबर ते 6 जानेवारीपर्यंत गाडी क्र 11411 परळी- मिरज डेमू रद्द.
26 डिसेंबर ते 6 जानेवारीपर्यंत पर्यंत गाडी क्र 01546 मिरज - कुर्डुवाडी डेमू रद्द
26 डिसेंबर ते 6 जानेवारीपर्यंत पर्यंत गाडी क्र 01545 कुर्डुवाडी - मिरज डेमू रद्द.
29 डिसेंबर, 1 आणि 5 जानेवारीला गाडी क्र 11404 कोल्हापूर - नागपूर एक्स्प्रेस रद्द
30 डिसेंबर, 2 आणि 6 जानेवारीला गाडी क्र 11403 नागपूर- कोल्हापूर एक्स्प्रेस रद्द.
29 डिसेंबर आणि 5 जानेवारीला गाडी क्र 11045 कोल्हापूर- धनबाद एक्स्प्रेस रद्द
1 जानेवारीला गाडी क्र 11046 धनबाद-कोल्हापूर एक्स्प्रेस रद्द.
28 डिसेंबर आणि 4 जानेवारीला गाडी क्र 16541 यशवंतपूर - पंढरपूर एक्स्प्रेस रद्द
29 डिसेंबर आणि 5 जानेवारीला गाडी क्र 16541 पंढरपूर - यशवंतपूर एक्स्प्रेस रद्द

शॉर्ट टर्मिनटिंग / शॉर्ट ओरिजिनेटिंग ट्रेन्स

25 डिसेंबर ते 5 जानेवारीपर्यंत गाडी क्र 11040 गोंदिया -कोल्हापूर महाराष्ट्र एक्स्प्रेस हि पुणे रेल्वे स्थानका पर्यंत धावणार
26 डिसेंबर ते 9 जानेवारीपर्यंत गाडी क्र 11039 कोल्हापूर-गोंदिया महाराष्ट्र एक्सप्रेस ही पुणे रेल्वे स्थानकावरून सुटणार
26 डिसेंबरला गाडी क्र 11403 नागपूर - कोल्हापूर एक्सप्रेस ही कुर्डुवाडी रेल्वे स्थानका पर्यंत धावणार

मार्ग बदललेल्या गाडया

26 डिसेंबरला गाडी क्र. 16210 मैसूर- अजमेर एक्सप्रेस ही व्हाया हुबळी , गदग होटगी,सोलापूर, दौंड, पुणे मार्गे धावेल.
27 डिसेंबरला गाडी क्र. 16508 बेंगलोर- जोधपूर एक्सप्रेस ही व्हाया हुबळी, गदग होटगी,सोलापूर, दौंड, पुणे मार्गे धावेल.
30 डिसेंबरला रोजी गाडी क्र. 16506 बेंगलोर- गांधीधाम एक्सप्रेस ही व्हाया हुबळी, गदग होटगी,सोलापूर, दौंड, पुणे मार्गे धावेल.

About the author आफताब शेख, एबीपी माझा

आफताब शेख हे एबीपी माझा वृत्त वाहिनीत सिनिअर करस्पॉन्डट म्हणून कार्यरत आहेत. मागील 9 वर्षांपासून एबीपी माझाच्या माध्यमातून कार्यरत असून आपल्या संवेदनशील आणि निष्पक्ष पत्रकारितेने त्यांनी स्वतंत्र ओळख निर्माण केली आहे. 3 जुलै 2017 रोजी मुंबई येथील एबीपी माझाच्या मुख्य कार्यालयातून त्यांनी पत्रकारितेच्या प्रवासाला सुरुवात केली. फेब्रुवारी 2019 पासून ते सोलापूर येथे सिनिअर करस्पॉन्डन्ट म्हणून कार्यरत आहेत. सध्या ते सोलापूर श्रमिक पत्रकार संघाचे सरचिटणीस म्हणूनही जबाबदारी सांभाळत आहेत.

सोलापूरच्या राजकीय घडामोडींपासून सामाजिक, शैक्षणिक, प्रशासकीय, औद्योगिक, मनोरंजन, क्रीडा आणि व्यावसायिक क्षेत्रांतील महत्त्वाच्या विषयांना त्यांनी एबीपी माझाच्या माध्यमातून राज्यस्तरीय व्यासपीठ मिळवून दिले आहे. ‘कामगारांचे शहर‘ म्हणून ओळखल्या जाणाऱ्या सोलापूरमधील कामगारांचे प्रश्न, सर्वसामान्य नागरिकांच्या समस्या आणि उपेक्षित घटकांचा आवाज शासनदरबारी पोहोचवण्याचा त्यांचा सातत्यपूर्ण प्रयत्न राहिला आहे. बहुभाषिक आणि समृद्ध सांस्कृतिक वारसा लाभलेल्या सोलापूरचा इतिहास, परंपरा आणि वर्तमानही त्यांनी आपल्या वार्तांकनातून प्रभावीपणे मांडले आहे. कोरोना काळात कोविड वॉर्डमध्ये प्रत्यक्ष जाऊन रुग्णांच्या व्यथा आणि आरोग्य व्यवस्थेतील वास्तव समोर आणला तर महापूर-दुष्काळातील रिपोर्ट्समधून त्यांनी आपल्या संवेदनशील पत्रकारितेचा प्रत्यय दिला. सोलापूरसह मुंबई, पुणे, धाराशिव, लातूर, बीड, नांदेड आणि छत्रपती संभाजीनगर जिल्ह्यांतही त्यांनी वार्तांकन केले आहे.

त्यांनी सोलापूरच्या दयानंद कला व शास्त्र महाविद्यालयातून कला शाखेची पदवी, तर मुंबई विद्यापीठातून मास्टर ऑफ मास कम्युनिकेशन अँड जर्नलिझम ही पदव्युत्तर पदवी प्राप्त केली आहे. पत्रकारितेसोबतच सामाजिक कार्याचीही त्यांना विशेष आवड आहे. महाविद्यालयीन जीवनातील सामाजिक योगदानासाठी 2016 मध्ये तत्कालीन राष्ट्रपती प्रणव मुखर्जी यांच्या हस्ते त्यांना इंदिरा गांधी राष्ट्रीय सेवा योजना पुरस्काराने (Indira Gandhi NSS Award-2016) सन्मानित करण्यात आले. याशिवाय, पत्रकारितेतील योगदानासाठी त्यांना विविध संस्था आणि संघटनांकडून अनेक पुरस्कारांनी गौरविण्यात आले आहे.

Published at : 27 Dec 2023 10:09 AM (IST)

Tags :

Central Railway Train Madhya Railway