Breaking News LIVE Updates : माजी गृहमंत्री अनिल देशमुखांना दिलं जाणार घरचं जेवण
Breaking News LIVE Updates, November 02 2021: दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये.
माजी गृहमंत्री अनिल देशमुखांना दिलं जाणार घरचं जेवण; घरून आलेला जेवणाचा डबा देण्याची विनंती कोर्टानं स्वीकारली.
13 तासांच्या चौकशीनंतर अनिल देशमुख यांना ईडीने अटक केली होती. अनिल देशमुख यांना ईडी आज न्यायालयात हजर करण्यात येणार आहे. त्यापूर्वी वैद्यकीय चाचणीसाठी जेजे रुग्णालयात नेण्यात आलं आहे.
13 तासांच्या चौकशीनंतर अनिल देशमुख यांना ईडीने अटक केली आहे. अनिल देशमुख यांच्या अटकेनंतर भाजप नेते नितेश राणे यांनी सूचक ट्विट केलं आहे.
अनिल देशमुख यांना दिवाळीच्या शुभेच्छा! नवाब मलिक आणि संजय राऊत यांचे विशेष धन्यवाद
Nanded Deglur Biloli By Election Results : नांदेडमधील देगलूर बिलोली विधानसभा पोटनिवडणुकीसाठी शनिवारी 64 टक्के मतदान झाले होते. देगलूर येथे आज, मंगळवारी (2 नोव्हेंबर) या निवडणुकीची मतमोजणी होणार आहे. तत्कालीन आमदार रावसाहेब अंतापूरकर यांचे निधन झाल्यानंतर पोटनिवडणूक घोषित करण्यात आली होती. या निवडणुकीत काँग्रेस आणि भाजपची प्रतिष्ठा पणाला लागली आहे. शिवाय वंचित बहुजन आघाडीनं देखील जोमानं प्रचार करुन निवडणुकीत रंगत आणल. आज पार पडणाऱ्या मतमोजणीसाठी प्रशासनानं देखील जय्यत तयारी केली आहे. दुपारी 12 वाजेपर्यंत निकाल जाहीर होण्याची शक्यता वर्तवण्यात येत आहे.
Anil Deshmukh Arrested : महाराष्ट्राचे माजी गृहमंत्री अनिल देशमुख (Anil Deshmukh) यांना अखेर 13 तासाच्या चौकशीनंतर ईडीनं अटक केली आहे. काल दुपारी बारा वाजताच्या दरम्यान अनिल देशमुख हे अखेर ईडी कार्यालयात चौकशीसाठी दाखल झाले होते. यानंतर संध्याकाळी आठ वाजताच्या दरम्यान ईडीचे जॉईंट डायरेक्टर सत्यव्रत कुमार हे दिल्लीवरून थेट ईडी कार्यालयात दाखल झाले होते. त्यांनी देखील अनिल देशमुख यांची चार तास चौकशी केली आणि अखेर रात्री 1 वाजताच्या दरम्यान देशमुख यांना ईडीने अटक केली. याची माहिती रात्री सत्यव्रत कुमार यांनी दिली.
पार्श्वभूमी
Neet Result 2021 : नीट परीक्षेचा निकाल जाहीर
सप्टेंबर रोजी एनटीए (नेशनल टेस्टिंग एजन्सी) द्वारे देशभरात मेडिकल प्रवेशासाठी घेण्यात आलेल्या नीट प्रवेश परीक्षेचा निकाल जाहीर झाला आहे. 16 लाख विद्यार्थी ज्यांनी ही परीक्षा दिली होती ते विद्यार्थी मागील काही दिवसांपासून परीक्षेचा निकाल कधी जाहीर होणार ? याची वाट बघत होते. सर्वोच्च न्यायालयाने नॅशनल टेस्टिंग एजन्सी ला नीट परीक्षेचा निकाल जाहीर करण्याबाबत हिरवा कंदील दिल्यानंतर अखेर हा निकाल आज जाहीर झाला आहे.
अनिल देशमुख यांनी ईडी कार्यालयात चौकशीसाठी उपस्थित
Anil Deshmukh At Ed Office : गेल्या बऱ्याच काळापासून नॉट रिचेबल असणारे माजी गृहमंत्री अनिल देशमुख सध्या रिचेबल झाले आहेत. अनिल देशमुख ईडी कार्यालयात दाखल झाले असून ते आपला जबाब नोंदवणार असल्याची माहिती मिळत आहे. मनी लॉन्ड्रींग प्रकरणी अनिल देशमुख ईडीच्या रडारवर आहेत. मुकेश अंबानी यांच्या घराबाहेर सापडलेली स्फोटकं आणि 100 कोटींच्या वसुलीच्या आरोपांनंतर माजी गृहमंत्री अनिल देशमुख आणि आयपीएस अधिकारी परमबीर सिंह हे वेगवेगळ्या तपास यंत्रणांच्या रडारवर आहेत. पण हे दोघेही तपास यंत्रणांच्या हाती मात्र लागत नव्हते. चार ते पाच वेळा समन्स बजावल्यानंतरही अनिल देशमुख ईडीसमोर हजर न राहिल्यामुळं त्यांच्या नावानं लूक आऊट सर्क्युलर जारी करण्यात आलं होतं. तसेच अनिल देशमुखांचा शोध घेण्यासाठी ईडीनं सीबीआयकडे मदत मागितली होती. अशातच आज अनिल देशमुख स्वतः ईडीसमोर आपला जबाब नोंदवण्यासाठी हजर राहिले आहेत.
नवाब मलिक यांचा राष्ट्रीय मागासवर्ग आयोगाचे उपाध्यक्ष अरुण हलदर यांना प्रश्न
संविधानिक पदावर बसलेली व्यक्ती समीर वानखेडे यांना क्लीनचिट कशी देऊ शकते? नवाब मलिक यांचा राष्ट्रीय मागासवर्ग आयोगाचे उपाध्यक्ष अरुण हलदर यांना प्रश्न
राज्यात पार पडलेल्या पोलीस भरतीत तब्बल 2 हजार 897 जणांची नियुक्ती रद्द करण्याचा निर्णय
राज्यात नुकत्याच पार पडलेल्या पोलीस भरतीत तब्बल २ हजार ८९७ जणांची नियुक्ती रद्द करण्याचा निर्णय घेण्यात आलाय... पोलीस भरतीत एकाच वेळी एका पदासाठी वेगवेगळ्या ठिकाणी अर्ज केले जातात त्यामुळे अप्पर पोलीस महासंचालक संजय कुमार यांनी आता हा निर्णय घेतलाय... नुकतीच मुंबई, ठाणे, नागपूर, नवी मुंबई, अमरावती, औरंगाबाद यासह 14 जिल्ह्यात पोलीस शिपाई, चालक आणि राज्य राखीव पोलीस दलात पोलीस शिपाई पदासाठी भरती प्रक्रिया पार पडली. या भरती प्रक्रियेत नियमांना तिलांजली देत 2 हजार 897 उमेदारांनी एक पेक्षा अधिक ठिकाणी अर्ज भरल्याचं निदर्शनास आलं आहे. त्यामुळे तत्काळ कारवाईचा बडगा पोलीस प्रशासनाकडून उगरण्यात आला आहे.
- - - - - - - - - Advertisement - - - - - - - - -