ज्यांच्यावर छापे मारले जातात ते संन्यासी होते का?, राणेंचा सुप्रिया सुळेंना प्रश्न

Narayan Rane :  केंद्रीय तपास यंत्रणाकडून राज्यातील केल्या जाणाऱ्या छापेमारीवरून केंद्रीय मंत्री नारायण राणे यांनी राष्ट्रवादीच्या खासदार सुप्रिया सुळे यांच्यावर पलटवार केला आहे.

Rane

Narayan Rane :  केंद्रीय तपास यंत्रणाकडून राज्यातील केल्या जाणाऱ्या छापेमारीवरून केंद्रीय मंत्री नारायण राणे यांनी राष्ट्रवादीच्या खासदार सुप्रिया सुळे यांच्यावर पलटवार केला आहे. ज्यांच्यावर छापे मारले जातात ते संन्यासी होते का? असा सवाल नारायण राणे यांनी सुप्रिया सुळे यांना केलाय. केंद्रीय मंत्री नाराणय राणे यांनी आज सिंधुदुर्गमध्ये पत्रकार परिषद घेत विविध मुद्द्यावर भाष्य केलं. ज्यांच्यावर छापे मारले जातात ते संन्यासी होते का? असा सवाल करतानाच सुप्रिया सुळे यांच्या नातेवाईकांवर छापेमारी झाली ती योग्यच होती, असेही राणे म्हणाले.  ईडी आणि सीबीआय करत असलेल्या कारवाईवर सुप्रिया सुळे काही दिवसांपूर्वी बोलल्या होत्या. त्याला राणे यांनी उत्तर दिलेय. 

 संसदेतील भाषण ट्रोल केलंय त्यावर नारायण राणे म्हणाले की, मला विचारलेला प्रश्न समाजाला होता, अधक्ष्याना वाटलं तो प्रश्न समजला नसेल म्हणून अध्यक्षनी तो पुन्हा सांगितला. जे काही करायचे आहे ते करा.. मी पूर्ण तयारीने गेलो होतो. कोणतेही कागदपत्रे हातात न घेता उद्योगासंदर्भात माहिती दिली होती. शिवसेनेनी ट्रोल केलं त्यांना काय करायचं ते करून दे पण आपण सुद्धा याचं उत्तर देवू असं प्रति आव्हान केंद्रीय मंत्री नारायण राणेंनी शिवसेनेला दिलाय.

देशात सत्ता असताना भाजपने ऐक्य तोडलं नाही. संजय राऊत शिवसेनेचे आहेत की राष्ट्रवादीचे? दिल्लीत ते शरद पवार यांच्या कार्यालयातच असतात. शिवसेनेचे आहेत असं ते दाखवतात तसे संजय राऊत नाहीत. त्यांनी शिवसेनेत काय केलं, लावालावीचं काम करणं..त्यामुळे त्यांच नाव संजय राऊत, असा उपरोधीक टोला नारायण राणें यांनी संजय राऊत यांना लगावलाय.

मुंबई गोवा महामार्गाचं काम सिंधुदुर्ग जिल्ह्यात झालं मात्र रत्नागिरीत तसे नेते नाहीत, वादावाद तो रस्ता तसाच राहिला. मुंबई गोवा महामार्गाच्या रखडलेल्या कामासंदर्भात मी केंद्रीय मंत्री नितीन गडकरी यांच्याशी बोललो आहे, असेही राणे म्हणाले. तीन पक्षांना निवडणूक नको आहे. आजच मरण उद्यावर ढकलण्याचे काम सुरु आहे. मुंबई मनपामध्ये दिसेल असे काम करू, असे राणे म्हणाले. मला 55 वर्ष राजकारणात झाली त्यामुळे मुंबई मनपा मध्ये सत्ता बदल होईल मात्र पत्रकाराना मनपा संदर्भात प्लॅन सांगून सुरुंग लावायचं नाही त्यामुळे सांगणार नाही, असेही त्यांनी सांगितलं.  

सिंधुदुर्ग जिल्हा बँकेचे अध्यक्षांना टोला -
सतीश सावंत कोण आहेत संचयणीत घोटाळा केला तेच ना? असं म्हणत नारायण राणे यांनी सिंधुदुर्ग जिल्हा बँकेचे अध्यक्षांना टोला लगावला. तसेच सिंधुदुर्ग जिल्हा बँकेत १०० टक्के निकाल आमच्या बाजूने लागेल, असाही विश्वास व्यक्त केला. महाराष्ट्रात काही ठिकाणी नगरपालिकेला शिवसेना, काँगेसला उमेदवार मिळत नाहीत. राज्यातल आताच सरकार चालत नाहीत. एसटी कामगारांचा प्रश्न सोडवू शकत नाहीत. राज्याचा विकास रखडलाय, असेही राणे म्हणाले. 

सिंधुदुर्गमध्ये अनेक योजना येणार - राणे
सिंधुदुर्ग जिल्ह्यात 21, 22, 23 जानेवारी रोजी उद्योगाच्या अनेक योजनांच्या घोषणा केल्या जाणार आहेत. सिंधुदुर्ग आणि रत्नागिरी या दोन जिल्ह्यासाठी वेगवेगळ्या प्रकारच्या योजना येणार आहेत. केरळच्या धर्तीवर सगळ्या योजना कोकणात आणणार आहे. मुंबई गोवा महामार्गाचं काम सिंधुदुर्ग जिल्ह्यात झालं, मात्र रत्नागिरीत तसे नेते नाहीत, वादावाद तो रस्ता तसाच राहिला, असे राणे यांनी सांगितलं.