नांदेडमध्ये हळूहळू घड्याळ बंद होतंय, कसं चालू ठेवायचं हा मोठा विषय, अशोक चव्हाणांचा चिखलीकरांना टोला
नांदेडमध्ये आता हळूहळू घड्याळ बंद होत आहे. ते कसं चालू ठेवायचं हा मोठा विषय आहे असं म्हणत भाजप खासदार अशोक चव्हाण यांनी राष्ट्रवादीचे आमदार प्रतार पाटील चिखलीकरांना टोला लगावला.
Ashok Chavan : नांदेडमध्ये आता हळूहळू घड्याळ बंद होत आहे. ते कसं चालू ठेवायचं हा मोठा विषय आहे असं म्हणत भाजप खासदार अशोक चव्हाण (Ashok Chavan) यांनी नाव न घेता राष्ट्रवादीचे आमदार प्रताप पाटील चिखलीकर यांना टोला लगावला. महापालिकेने आयोजित केलेल्या पत्रकार परिषदेमध्ये अशोक चव्हाण बोलत होते. यावेळी त्यांनी पुन्हा एकदा नाव न घेता राष्ट्रवादी अजित पवार गटाचे आमदार प्रताप पाटील चिखलीकर यांच्यावर अप्रत्यक्षपणे टीका केली आहे.
महापौर जरी भाजपचा असला तरी केंद्रबिंदू अशोक चव्हाण
महापालिकेच्या पत्रकार परिषदमध्ये खासदार अशोक चव्हाण बोलत होते. यावेळी त्यांनी विकासकामांचा आढावा मांडला. पत्रकार परिषद महापालिकेने आयोजित केली होती. महापौर जरी भाजपचा असला तरी केंद्र बिंदू अशोक चव्हाण आहेत. आज महापौर उपमहापौर फक्त बघ्याच्या भूमिकेत असल्याचं पाहायला मिळालं. नांदेड वाघाळा महापालिकेच्या नवनिर्वाचित महापौर कविता मुळे उपमहापौर दीपक रावत सभागृह नेते महेश कनकदंडे यांची पहिलीच पत्रकार परिषद आज पार पडली याच पत्रकार परिषदेमध्ये शहराचा विकास आराखडा हा महापौर कविता मुळे यांनीन मांडता हा राज्यसभेचे खासदार अशोक चव्हाण यांनी शंभर दिवसात काय विकास करणार आहोत या संदर्भात माहिती दिली. त्यामुळे या पत्रकार परिषदेची सध्या जोरदार चर्चा रंगत आहे.
नांदेड पालिकेत 28 वर्षानंतर भारतीय जनता पार्टीचा महापौर विराजमान
पहिलीच पत्रकार परिषद महापौर आपल्या संकल्पना मांडतील असे सर्वांनाच वाटले होते, मात्र त्यांच्या या पत्रकार परिषदेमध्ये अशोक चव्हाण यांनीच विकास कामासंदर्भात माहिती दिली. 28 वर्षानंतर भारतीय जनता पार्टीचा महापौर विराजमान झालेला आहे. त्यात अशोक चव्हाण यांचा सिंहाचा वाटा होता. महापौर मिळाला तरी नांदेड महापालिकेचे केंद्रबिंदू अशोक चव्हाणच आहेत हे आजचा पत्रकार परिषद मधून सिद्ध झाले.
नगरपालिका, नगरपंचायत, महापालिका निवडणुकीत नांदेड जिल्ह्यात भाजपला घवघवीत यश
नगरपालिका, नगरपंचायत, महापालिका निवडणुकीत नांदेड जिल्ह्यात पक्षाला घवघवीत यश मिळवून दिल्यानंतर खासदार अशोक चव्हाण यांचे पक्षात वजन वाढले आहे. महापालिका पहिल्यादांच भाजपाच्या ताब्यात आली असून बहुमतासह इथे पक्षाने आपला महापौर बसवला आहे. तर त्याआधी जिल्ह्यातील तीन तालुक्यात भाजपाचे नगराध्यक्ष आणि सत्ता आली. अर्थात या निवडणुकीची सगळी सूत्रं पक्षाने अशोक चव्हाण यांच्याकडेच सोपवली होती. पक्षाला जिल्ह्यात चांगले यश मिळवून दिल्यानंतर आता नांदेडमध्ये अशोक चव्हाण म्हणतील तेच भाजपाचे नेते मान्य करत असल्याचे दिसून आले आहे
Before You Go
Aaditya Thackeray NEET: नीट आंदोलनात गुन्हे दाखल झालेल्या ठाकरेंची मदत, केस लढण्यासाठी वकील मैदानात उतरवणार, आदित्य ठाकरेंची माहिती
महत्त्वाच्या बातम्या
