महाराष्ट्राचा महानालायक कोण? ठाकरेंच्या टीकेवर चंद्रशेखर बावनकुळेंचा वार 

महाराष्ट्राचा महानालायक कोण? या स्पर्धेत उद्धव ठाकरे (Uddhav Thackeray) पहिले येतील अशी टीका भाजप प्रदेशाध्यक्ष चंद्रशेखर बावनकुळे  (Chandrashekhar Bawankule) यांनी केली.

Chandrashekhar Bawankule : महाराष्ट्राचा महानालायक कोण? या स्पर्धेत उद्धव ठाकरे (Uddhav Thackeray) पहिले येतील अशी टीका भाजप प्रदेशाध्यक्ष चंद्रशेखर बावनकुळे  (Chandrashekhar Bawankule) यांनी केली. देवेंद्र फडणवीस (Devendra Fadnavis) यांच्यावर उद्धव ठाकरेंनी टीका केली होती. त्यांच्या टीकेला चंद्रशेखर बावनकुळे यांनी प्रत्युत्तर दिलं आहे. उद्धव ठाकरेंनी अडीच वर्षाच्या सत्तेच्या काळात नालायकपणाचा कळस गाठल्याचे बावनकुळे म्हणाले. कोविडमध्ये घोटाळा करणं, मृतदेहाच्या बॅगमध्ये मलिदा लाटला हा कोडगेपणा असल्याचे बावनकुळे म्हणाले.

100 कोटींचे वसुली रॅकेट चालवत कारभार केला

लोकसभा निवडणुकीत जनाधार मिळत नसल्यानं उद्धव ठाकरेंनी लाज सोडल्याचेही बावनकुळे म्हणाले. महाराष्ट्राचा महानालायक कोण? अशी स्पर्धा घेतली तर उद्धव ठाकरे निर्विवाद पहिले येतील. उद्धव ठाकरेंनी अडीच वर्षाच्या सत्तेच्या काळात नालायकपणाचा कळस गाठला होता. तसेच पालघर साधू हत्याकांडात ठाकरे मूग गिळून गप्प बसले होते असे बावनकुळे म्हणाले. 100 कोटी वसुली रॅकेट चालवत कारभार केला, कोविडमध्ये लोक मरत असताना घोटाळे केले, मृतदेहाच्या बॅगमध्ये मलिदा लाटला. याला कोडगेपणा म्हणतात असंही बावनकुळे म्हणाले. 

लोकसभा निवडणुकीनंतर जनता तुम्हाला मात्र कायमचं घरी बसवेल 

देवेंद्र फडणवीस यांच्या पाठीत खंजीर खुपसून स्वतः मुख्यमंत्रिपदावर बसायचं, मुलाला मंत्रिपद द्यायचं आणि बाळासाहेबांच्या निष्ठावंत शिवसैनिकाला वाऱ्यावर सोडायचं याला कोडगेपणा म्हणतात असेही बावनकुळे म्हणाले. लोकसभा निवडणुकीत जनाधार मिळत नसल्यानं उद्धव ठाकरेंनी आता लाज सोडली आहे. आता ते वाट्टेल तसं बडबडत आहेत. तुम्ही कितीही शिव्याशाप द्या, देवेंद्रजींसारख्या सच्चा नेत्याला फरक पडणार नाही. पण येत्या लोकसभा निवडणुकीनंतर जनता तुम्हाला मात्र कायमचं घरी बसवेल अशी टीका चंद्रशेखर बावनकुळे यांनी उद्धव ठाकरे यांच्यावर केली. 

नेमकं काय म्हणाले होते उद्धव ठाकरे?

युवासेना प्रमुख आदित्य ठाकरेंना मी मुख्यमंत्रिपदासाठी तयार करतो आणि मी स्वतः दिल्लीच्या राजकारणात जातो असं देवेंद्र फडणवीस मला म्हणाले होते, असा दावा उद्धव ठाकरेंनी केला आहे. एका इंग्रजी वृत्तपत्राला दिलेल्या मुलाखतीत त्यांनी हे वक्तव्य केलं आहे. तसेच अडीच-अडीच वर्षांच्या मुख्यमंत्रिपदाचं आश्वासनही मला स्वतः अमित शाहांनी दिलं होतं असं उद्धव ठाकरेंनी म्हटलं आहे. उद्धव ठाकरेंच्या या वक्तव्यानंतर भाजपकडून जोरदार टीका होत आहे.   

महत्वाच्या बातम्या: