बाबा सिद्धीकी हत्या प्रकरण! मुंबई पोलिसांनी आणखी एका आरोपीला केलं अटक, हत्येच्या कटात सहभाग असल्याची माहिती
बाबा सिद्धीकी हत्या प्रकरणी (Baba Siddiqui Death Case) महत्वाची अरडेट समोर आली आहे. याप्रकरणी मुंबई पोलिसांच्या गुन्हे शाखेने अमोल गायकवाड नावाच्या व्यक्तीला अटक केली आहे.
Baba Siddiqui Death Case : बाबा सिद्धीकी हत्या प्रकरणी (Baba Siddiqui Death Case) महत्वाची अरडेट समोर आली आहे. याप्रकरणी मुंबई पोलिसांच्या गुन्हे शाखेने अमोल गायकवाड नावाच्या व्यक्तीला अटक केली आहे. या प्रकरणातील हा 28 वा अटक आरोपी आहे. अमोल गायकवाडचा पंजाबमधील एका गार्मेट व्यावसायिकाच्या हत्या प्रकरणातही सहभाग असल्याचे तपासात समोर आले आहे. तर बाबा सिद्धीकी यांच्या हत्येच्या कटावेळी झालेल्या बैठकितही अमोलचा सहभाग असल्याचे तपासात समोर आले आहे.
8 सप्टेंबरपर्यंत पोलिस कोठडी
हत्येनंतरही अमोल इतर फरार आरोपींच्यावर विशेषता पुण्यातील मुख्य आरोपी लोणकरच्या संपर्कात होता. अमोलला मुंबईच्या गुन्हे शाखेच्या पोलिसांनी कोल्हापूरहून अटक केली आहे. अमोलला न्यायालयात हजर केले असता न्यायालयाने त्याला 8 सप्टेंबरपर्यंत पोलिस कोठडी सुनावली आहे. दरम्यान, अटक करण्यात आलेला आरोपी अमोल गायकवाड याचा कटात सहभागी असल्याचं बोलल जात आहे. दरम्यान, याप्रकरणाची पोलीस आता कसून चौकशी करत आहेत.
12 ऑक्टोबर 2024 रोजी बाबा सिद्दीकी यांची हत्या झाली होती
माजी मंत्री बाबा सिद्दीकी (Baba Siddique Murder Case) यांची 12 ऑक्टोबर रोजी वांद्रे येथे गोळ्या झाडून हत्या करण्यात आली होती. राष्ट्रवादीचे नेते त्यांचा मुलगा झिशान सिद्दीकी (Zeeshan Siddique) यांच्या कार्यालयाजवळ उपस्थित असताना त्यांच्यावर हल्ला करण्यात आला. त्याच्या हत्येची जबाबदारी गँगस्टर लॉरेन्स बिश्नोईच्या टोळीने घेतली होती. याप्रकरणी पोलिसांनी आतापर्यंत अनेकांना अटक केली आहे. विरोधकांनी राज्यातील कायदा-सुव्यवस्थेच्या आणि सुरक्षेच्या मुद्द्यावरून सरकारवर टीका केली होती. राष्ट्रवादीचे नेते आणि त्यांचा मुलगा झिशान सिद्दीकी यांच्या कार्यालयाजवळ उपस्थित असताना त्यांच्यावर हल्ला करण्यात आला होता. बॉलिवूडसह राजकीय क्षेत्रात मोठा वावर असणाऱ्या बाबा सिद्दीकी यांच्या हत्येनं महाराष्ट्र हादरून गेला होता. बाबा सिद्दिकींच्या हत्येमागे बिश्नोई गँग असल्याचं बोललं जात होतं. लॉरेन्स बिश्नोईच्या टोळीने य हत्येची जबाबादारी घेतली होती. लॉरेन्स बिश्नोई आणि त्याची टोळी अनेक राज्यांमध्ये पसरली असून त्यांच्याकडे 700 हून अधिक शूटर्स असल्याचं एनआयएच्या आरोपपत्रात उघड झालं आहे. अंडरवर्ल्ड डॉन दाऊद इब्राहिमनं 1990 च्या दशकात आपल्या टोळीचा विस्तार केला होता. त्याच पद्धतीनं बिश्नोई आणि त्याची टोळी पुढे जात असल्याचा दावा एनआयएनं केला आहे.
महत्वाच्या बातम्या:
बाबा सिद्दीकी हत्या प्रकरण! संशयित आरोपी सलीम पिस्टलला नेपाळमध्ये अटक, पाकिस्तानासह ISIS आणि डी गॅगशी संबंध असल्याचे पुरावे
Before You Go
Celebrity vs Politicians Cricket Match Sangli: सिद्धार्थ जाधवची फटकेबाजी, विशाल पाटलांची जबरदस्त फिल्डिंग
महत्त्वाच्या बातम्या
