हिंगोलीच्या डीवायएसपींनी अनिकेत कोथळेच्या मुलीचं पालकत्व स्वीकारलं!

प्रांजलच्या शिक्षणासह सर्व खर्चाची जबाबदारी घेण्याबाबतचं पत्र कोल्हापूर परीक्षेत्राचे विशेष पोलिस महानिरीक्षक विश्वास नांगरे पाटील यांना लिहिलं आहे.

हिंगोली : पोलिस म्हटलं की मनात आपोआप एक प्रकारचा धाक निर्माण होता. सांगलीतल्या अनिकेत कोथळे प्रकरणात पोलिसांचं भयानक रुप समोर आल्यानंतर तर ही भीतीच आणखीच जास्त निर्माण झाली आहे. परंतु आता अनिकेत कोथळे प्रकरणातच पोलिसांचं भावनिक, सामाजिक रुप समोर आलं आहे. अनिकेत कोथळेच्या मृत्यूनंतर त्याच्या कुटुंबावरचं छत्र हरवलं आहे. पत्नी आणि तीन वर्षाची प्रांजल आता आधारहीन झाल्या आहेत. या प्रकरणात एक सामाजिक बांधिलकी जोपासत, हिंगोलीत कार्यरत असलेल्या पोलिस उपअधीक्षक सुजाता पाटील यांनी प्रांजलचं पालकत्व स्वीकारलं आहे. मम्मी यांनीच पप्पांना मारलं का, कोथळेच्या लेकीचा सवाल

प्रांजलच्या शिक्षणासह सर्व खर्चाची जबाबदारी घेण्याबाबतचं पत्र कोल्हापूर परीक्षेत्राचे विशेष पोलिस महानिरीक्षक विश्वास नांगरे पाटील यांना लिहिलं आहे.

सुजाता पाटील यांनी प्रांजलचं पालकत्व स्वीकारुन मलीन झालेल्या पोलिसांच्या प्रतिमेला सुधारण्याचा प्रयत्न केला आहे. अनिकेतच्या भावासोबत यासंदर्भात बोलणं झालं असून त्यांनी प्रांजलचं पालकत्व देण्याचं मान्य केल्याचं सुजाता पाटील यांनी सांगितलं.

सांगली पोलिसांच्या थर्ड डिग्रीमुळे तरुणाचा मृत्यू

पोलिस विभागात खऱ्या अर्थाने आज सुजाता पाटील यांच्यासारख्या अधिकाऱ्यांची गरज निर्माण झाली आहे. जेणकरुन सामान्य नागरिकामंधील पोलिसांबाबतची भीती दूर होऊन त्यांच्यातील दरी कमी  होईल. संबंधित बातम्या

अनिकेत कोथळे हत्या प्रकरण, अॅड. उज्ज्वल निकमांची नियुक्ती

अनिकेतची हत्या पोलीस खात्याला कलंक, दोषींना फाशी द्या: आठवले

अनिकेत कोथळेच्या भावांचा आत्मदहनाचा प्रयत्न

अनिकेतच्या हत्येची SIT चौकशी करा, कोथळे कुटुंबीय हायकोर्टात

अनिकेत कोथळे हत्याप्रकरण : पोलीस अधीक्षक शिंदेंची अखेर बदली

अनिकेत कोथळेचे मारेकरी पोलिस सेवेतून बडतर्फ

अनिकेत कोथळेचा खटला उज्ज्वल निकम लढवणार : केसरकर

अनिकेतच्या हत्येचा आरोपी पीएसआय कामटेचा मुजोरपणा कायम

अनिकेत कोथळे मृत्यूप्रकरणी आणखी 7 पोलीस निलंबित

अश्लील चित्रिकरणाचा पर्दाफाश केल्याने अनिकेतची हत्या?

मालकाशी वादाचा अनिकेत कोथळेच्या हत्येशी संबंध?