विरोधकांमध्ये फूट पाडण्याचा सरकारचा प्रयत्न : अजित पवार

फाईल फोटो

औरंगाबाद : राज्य सरकारने आज 19 पैकी 9 आमदारांचं निलंबन मागे घेतलंय. पण सरकारच्या या निर्णयावरुन राष्ट्रवादी काँग्रेसचे नेते अजित पवार यांनी सरकारवर टीकास्त्र सोडलं आहे. सरकारने नऊ आमदारांचं निलंबन मागे घेऊन आमच्यात फूट पाडण्याचा प्रयत्न केलाय, अशा शब्दात अजित पवारवर हल्लाबोल केला आहे. विरोधी पक्षांनी आयोजित केलेली संघर्षयात्रा आज औरंगाबाद जिल्ह्यातील गेवराईमध्ये पोहोचली. यावेळी जाहीर सभेत बोलताना अजित पवार यांनी सरकारवर निशाणा साधला. ''निलंबन करताना 19 आमदारांचं केलं आणि ते मागे घेताना 9 आमदारांचंच कशाला?'' असा सवालही अजित पवार यांनी सरकारला विचारला आहे. विशेष म्हणजे, सर्व 19 आमदारांचं निलंबन मागे घेत नाही, तोपर्यंत आमचा संघर्ष चालूच राहणार, असा निर्धार त्यांनी यावेळी व्यक्त केला आहे. सरकारच्या कार्यपद्धतीवरुनही अजित पवारांनी फडणवीस सरकारला कोंडीत पकडण्याचा प्रयत्न केला. ''आम्ही पण सरकार चालवलं, पण असा भेदभाव कधी केला नाही. सध्याचं सरकार गोंधळलेल्या अवस्थेत आहे,'' अशी टीकाही त्यांनी यावेळी केली. संबंधित बातम्या विधानसभेतील 'त्या' 9 आमदारांचं निलंबन मागे जितेंद्र आव्हाडांसह 19 आमदार 9 महिन्यांसाठी निलंबित 19 आमदारांचं निलंबन : कोण काय म्हणालं? निलंबित आमदारांच्या यादीतून 2 नावं ऐनवेळी वगळली मतदानाच्या भीतीने 19 आमदारांचं निलंबन?

…म्हणून मोजून 19 आमदारांचं निलंबन : पृथ्वीराज चव्हाण