![ABP Premium](https://cdn.abplive.com/imagebank/Premium-ad-Icon.png)
धुळ्यात एसटी आणि ट्रकचा भीषण अपघात, 15 जणांचा मृत्यू
अपघातातील जखमी प्रवाशांवर शहादा, दोंडाईचा, धुळे येथील शासकीय रुग्णालयात दाखल करण्यात आलं आहे. दोन क्रेनच्या साहाय्याने अपघातग्रस्त बस आणि कंटेनर बाजूला करण्यात आला आहे.
![धुळ्यात एसटी आणि ट्रकचा भीषण अपघात, 15 जणांचा मृत्यू accident between ST bus and truck, 13 people killed in Dhule धुळ्यात एसटी आणि ट्रकचा भीषण अपघात, 15 जणांचा मृत्यू](https://static.abplive.com/wp-content/uploads/sites/4/2019/08/19065752/accident.jpg?impolicy=abp_cdn&imwidth=1200&height=675)
धुळे : औरंगाबाद-शहादा एसटी बस अपघातातील मृतांचा आकडा 15 वर पोहोचला आहे, तर 35 जण जखमी आहेत. धुळे जिल्ह्यातील निमगुळ गावाजवळील सब स्टेशनजवळ रात्री हा अपघात झाला. कंटेनरची आणि एसटी बसची समोरासमोर धडक झाली. यामध्ये एसटी बसच्या समोरील भागाचा अक्षरश: चक्काचूर झाला.
अपघातातील मृतांच्या नातेवाईकांना एसटीतर्फे तात्काळ मदत म्हणून 10 हजार रुपये तर जखमींना प्रत्येकी एक हजार रुपये देण्यात आले आहेत.
कंटेनरच्या धडकेत बस कापली गेल्याने 15 प्रवाशांचा मृत्यू झाला. मृतांमध्ये बसचालक आणि कंटेनर चालकाचाही समावेश आहे. सर्व मृत प्रवासी शहादा तालुका आणि शहरातील रहिवाशी आहेत. अपघाताची माहिती मिळताच जवळपास असलेल्या लोकांनी मदतीसाठी घटनास्थळी धाव घेतली.
जखमींमधील काही जणांची प्रकृती गंभीर असल्याचा मृतांचा आकडा वाढण्याची भीती वर्तवली जात आहे. अपघातात जखमी झालेल्या प्रवाशांना तात्काळ वैद्यकीय मदत मिळावी यासाठी ग्रामस्थांनी रिक्षा, कार, रुग्णवाहिका मिळेल ते वाहन अपघातस्थळी घेऊन जावं, असं आवाहन मंत्री जयकुमार रावल यांनी केलं होतं.
सर्व जखमी प्रवाशांवर शहादा, दोंडाईचा, धुळे येथील शासकीय रुग्णालयात दाखल करण्यात आलं आहे. दोन क्रेनच्या साहाय्याने अपघातग्रस्त बस आणि कंटेनर बाजूला करण्यात आला आहे.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)