स्मार्ट बुलेटिन | 16 जून 2019 | रविवार | एबीपी माझा

राज्यासह देश-विदेशातील बातम्यांचा आढावा स्मार्ट बुलेटिनमध्ये

1. 1. मंत्रिमंडळ विस्तारात भाजपकडून विखे, शेलार, खाडे तर सेनेच्या जयदत्त क्षीरसागर आणि तानाजी सावंतांना कॅबिनेट, सुत्रांची माहिती, अकरा वाजता शपथविधी
   2. गृहनिर्माण मंत्री प्रकाश मेहतांना डच्चू मिळण्याची दाट शक्यता, एसआरए घोटाळा भोवण्याची चिन्हं, तर राजकुमार बडोले आणि दिलीप कांबळेंच्या खुर्चीवरही टांगती तलवार
   3. उद्धव ठाकरे आज अयोध्या दौऱ्यावर, सेना खासदारांसह घेणार रामलल्लाचं दर्शन, तर राम मंदिराच्या निर्मितीसाठी धर्म संसदेचे आयोजन
   4. साताऱ्याच्या राजेंमध्ये नीरेच्या पाण्यावरून सुरु झालेला वाद विकोपाला, उदयनराजेंकडून जीभ हासडण्याची भाषा, शरद पवारांची मध्यस्थीही निष्फळ
   5. 2024 पर्यंत देशाची अर्थव्यवस्था 5 ट्रिलियन डॉलर बनविण्याचे लक्ष्य, नीती आयोगाच्या बैठकीत पंतप्रधान नरेंद्र मोदींचे सर्व राज्यांना आवाहन

1. नक्षलवाद्यांकडून जप्त केलेल्या शस्त्रांमध्ये पाकिस्तानच्या रायफल्स सापडल्याने खळबळ, पाकिस्तान नक्षल्यांना रसद पुरवत असल्याचा सुरक्षा दलांना संशय
2. आता रेशन कार्डधारकांना महिन्याच्या कोणत्याही दिवशी रेशन उपलब्ध होणार, अन्न व नागरी पुरवठा विभागाकडून परिपत्रक जारी
3. बिहारमध्ये चमकी तापाचा कहर, आतापर्यंत 69 बालकांचा मृत्यू, तर या मृत्यूंना नियती जबाबदार असल्याचे आरोग्यमंत्री मंगले पांडेय यांचे विधान
4. वंचित बहुजन आघाडीचे लोकसभेचे उमेदवार निवडणूक आयोगाविरोधात याचिका करणार, मतमोजणीत फरक आढळल्याचा दावा
5. विश्वचषकातील भारत-पाकिस्तान सामन्याची उत्सुकता शिगेला, सामन्यावर पावसाचे सावट, तरिही क्रिकेटप्रेमींमध्ये उत्साह