Ebo Forest,Cameroon : हॉलीवूड अभिनेता आणि चित्रपट निर्माता लिओनार्डो डिकॅप्रिओकडे ऑस्कर, बाफ्टा आणि तीन गोल्डन ग्लोब असे पुरस्कार आहेत. परंतु, त्याची नवीनच स्तुती लंडनच्या रॉयल बोटॅनिक केव गार्डन्स आणि कॅमेरूनच्या नॅशनल हर्बेरियममधील आंतरराष्ट्रीय शास्त्रज्ञांच्या गटाकडून झाली आहे. कॅमेरूनच्या नॅशनल हर्बेरियममधील आंतरराष्ट्रीय शास्त्रज्ञांच्या गटाने हॉलीवूड अभिनेता आणि पर्यावरण कार्यकर्ता लिओनार्डो डी कॅप्रियोला त्याच्या नावावर नवीन उष्णकटिबंधीय वृक्ष प्रजातींचे नाव देऊन सन्मानित केले आहे.
वनस्पतिशास्त्रात, वनस्पतींचे नाव त्यांच्या संशोधनात महत्वाची भूमिका बजाविणाऱ्या शास्त्रज्ञांच्या नावावर ठेवले जाते. गेल्या वर्षी लॉगिंग सवलतीच्या धोक्यात असणाऱ्या यबस्सी की या जैवविविधतेच्या क्षेत्राकडे लिओनार्डो डिकॅप्रिओने लक्ष वेधले होते आणि त्यामुळेच या वृक्षांचे नाव लिओनार्डोच्या नावावर ठेवण्यात आले आहे.
इबो जंगलांमध्ये यबस्सी की जैवविविधता क्षेत्राचा अर्धा भाग समाविष्ट आहे, जो 40 पेक्षा जास्त स्थानिक नागरिकांच्या पूर्वजांचा प्रदेश आहे. मुख्य जैवविविधता क्षेत्रांनुसार, गोरिला, वन हत्ती आणि चिंपांझींचे या ठिकाणी निवासस्थान आहे. युवेरिओप्सिस डिकाप्रिओ हे इबो जंगल कॅमरूनमधून आले आहे. उष्णकटिबंधीय झाडाची घोषणा करणार्‍या एका प्रेस स्टेटमेंटनुसार, RBG Kew मधील 2022 नवीन प्रजातींच्या यादीत ही पहिली जोड आहे. ही एक गंभीरपणे धोक्यात असलेली प्रजाती आहे कारण ती असुरक्षित वातावरणात वाढते ज्याला वृक्षतोड आणि खाणकामासह इतर अनेक धोके असतात. uvariopsis dicaprio ylang-ylang कुटुंबातील आहे. ते चार मीटर उंच असतात आणि त्यांच्या खोडावर पिवळ्या आणि हिरव्या फुलांचे गुच्छ असतात.
लिओनार्डो डी कॅप्रियोने कॅमरूनचे इबो जंगल (Ebo Forest,Cameroon) आणि तिथे राहणारे सर्व प्राणी संकटात आहेत. यामध्ये जंगलातील हत्ती, गोरिला, चिंपांझी आणि इतर अनेक प्राण्यांचा समावेश आहे. चला #SaveEboForest ला मदत करूया," असे ऑगस्ट 2020 मध्ये सोशल मिडीयावर ट्विट करत पुढाकारही घेतला होता. लिओनार्डोच्या पुढाकाराने एका महिन्यानंतर, कॅमेरोनियन सरकारने लॉगिंग सवलत रद्द केली. जर "लॉगिंग सवलत पुढे गेली असती तर, लाकूड काढण्यासाठी आणि लॉगिंग सवलतींचे पालन करणार्‍या शेतीला स्लॅश आणि बर्न करण्यासाठी ही प्रजाती नष्ट झाली असती असं शास्त्रज्ञांनी म्हटलं आहे.
"गेल्या वर्षी लिओने इबोच्या संरक्षणाच्या मोहिमेत फार मोलाचा पाठिंबा दिला होता आणि त्यामुळेच त्याचा सन्मान करणं योग्य वाटतं अशा शब्दांत वन संरक्षण शास्त्रज्ञांनी लिओच्या कामगिरीचे कौतुक त्याचा सन्मान केला आहे.
हे ही वाचा -
- Deltacron : धोका वाढला! 'या' देशात सापडला कोरोनाचा नवा 'डेल्टाक्रॉन व्हेरियंट'
- Corona in Britain : ब्रिटनमध्ये कोरोनाचा विस्फोट, आतापर्यंत दीड लाखांहून अधिक लोकांचा बळी, सरकारचा बूस्टर डोस देण्यावर भर
- Pakistan Heavy Snowfall : पाकिस्तानात जोरदार बर्फवृष्टीमुळे 21 लोकांचा मृत्यू, अनेक पर्यटक अडकले
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
[yt]