Kolhapur Nagarpalika Election 2022 : अतिवृष्टीने महापुराची टांगती तलवार, कोल्हापूर जिल्ह्यातील 6 नगरपालिकांची निवडणूक पुढे ढकलणार?
कोल्हापूर जिल्ह्यात यावर्षी सुद्धा अतिवृष्टीने महापुराची टांगती तलवार कायम आहे. शहरासह जिल्ह्यात सर्वदूर पाऊस होत असल्याने 6 नगरपालिकांचा निवडणूक कार्यक्रमावर प्रतिकूल परिणाम होण्याची शक्यता आहे.
Kolhapur Nagarpalika Election 2022 : कोल्हापूर जिल्ह्यात यावर्षी सुद्धा अतिवृष्टीने महापुराची टांगती तलवार कायम आहे. जुलैच्या सुरुवातीपासून शहरासह जिल्ह्यात सर्वदूर पाऊस होत असल्याने 6 नगरपालिकांचा निवडणूक कार्यक्रमावर प्रतिकूल परिणाम होण्याची शक्यता आहे. त्यामुळे संभाव्य परिस्थिती लक्षात घेऊन जिल्हाधिकारी राहुल रेखावार यांनी राज्य निवडणूक आयोगाला पत्र लिहून पावसाळा पार पडल्यानंतर निवडणूक घ्याव्यात, अशी मागणी केली आहे.
कोल्हापूर जिल्ह्यातील 6 नगरपालिकांचा समावेश आहे ज्या ठिकाणी निवडणूक कार्यक्रम जाहीर करण्यात आला आहे. जयसिंगपूर, गडहिंग्लज, कागल, वडगाव, मुरगूड आणि कुरूंदवाड या 6 नगरपालिकांचा त्यामध्ये समावेश आहे.या नगरपालिका क्षेत्रामध्ये आचारसंहिता लागू झाली आहे.
जिल्ह्यात सध्या 6 नगरपालिका निवडणूक प्रक्रिया तसेच जिल्हा परिषद आणि पंचायत समितीच्या मतदारयाद्याचे काम सुरु आहे. दुसरीकडे पंचगंगा नदीसह अनेक नद्यांची पाणी पातळी इशारा पातळीकडे जात आहे. ज्याठिकाणी पूरपरिस्थिती निर्माण होत नाही त्या भागातील अधिकारी, कर्मचारी पूरप्रवण क्षेत्रात गुंतले आहेत. त्यामुळे याचा परिणाम निवडणुकीच्या कामावर होणार असल्याने राज्य निवडणूक आयोगाकडून निवडणूक आणि निवडणूक पूर्वीचे कामकाज मान्सून कालावधी पूर्ण झाल्यानंतर घेतल्यास प्रशासन तसेच नागरिकांना सोयीचे होईल, असे जिल्हाधिकारी राहुल रेखावार यांनी निवडणूक आयोगाला पाठवलेल्या पत्रात म्हटले आहे.
असा आहे नगरपालिका निवडणूक कार्यक्रम
6 नगरपालिकांच्या निवडणुकीसाठी 22 ते 28 जुलै यादरम्यान सकाळी 11 ते दुपारी 2 वाजेपर्यंत अर्ज दाखल करता येणार आहेत. सुट्टीच्या दिवशी अर्ज स्वीकारले जाणार नाहीत. 29 जुलैला अर्जांची छाननी होणार आहे. 4 ऑगस्ट ही उमेदवारी अर्ज मागे घेण्याची अखेरची मुदत आहे. त्यानंतर निवडणूक आयोग चिन्हवाटप करणार आहे. 18 ऑगस्ट रोजी मतदान, तर १९ ऑगस्टली मतमोजणी होणार आहे. 4 ते 18 असा 14 दिवसांचा कालावधी उमेदवारांना प्रत्यक्ष प्रचारासाठी मिळेल.
इतर महत्त्वाच्या बातम्या
- Panhala Fort Landslide : पन्हाळा गड संवर्धनासाठी तातडीने कार्यवाही करा, संभाजीराजे छत्रपतींकडून मुख्यमंत्री एकनाथ शिंदेंना पत्र
- Raju Shetti : "शेतकऱ्यांना 9 ऑगस्टच्या आत 50 हजार मिळाले नाही, तर क्रांती दिनी राष्ट्रीय महामार्गावर आंदोलन"
Before You Go
Sanjay Raut Vs Devendra Fadnavis Special Report : राऊतांनी डिवचलं, बावनकुळे, फडणवीसांना शुभेच्छा
महत्त्वाच्या बातम्या
