Kolhapur illegal sex determination racket : कोल्हापुरात गर्भलिंग निदान रॅकेटमध्ये आणखी एका बोगस डाॅक्टरला अटक
Kolhapur illegal sex determination racket : कोल्हापूर जिल्ह्यात मंगळवारी 17 जानेवारी रोजी बेकायदेशीर गर्भलिंग निदान समोर आल्यानंतर या प्रकरणाची व्याप्ती वाढतच चालली आहे.
Kolhapur illegal sex determination racket : कोल्हापूर जिल्ह्यात मंगळवारी 17 जानेवारी रोजी बेकायदेशीर गर्भलिंग निदान झाल्याचं समोर आल्यानंतर या प्रकरणाची व्याप्ती वाढतच चालली आहे. बेकायदेशीर गर्भलिंग निदान चाचणी केल्याप्रकरणी कर्नाटकातील आणखी एका बोगस डॉक्टरला अटक करण्यात आली आहे. अनिल मल्लू कुंभार (वय 37 रा.नाईंग्लज, ता. चिकोडी जि. बेळगाव) असे त्याचे नाव आहे. बेकायदेशीर गर्भलिंग निदान प्रकरणात मुख्य सूत्रधार बोगस डॉक्टर विजय कोळस्करसह सात जणांना यापूर्वीच अटक करण्यात आली आहे. याप्रकरणी अटक केलेल्यांची संख्या आठवर पोहोचली आहे.
भुदरगड तालुक्यातील मडिलगे खूर्दमध्ये आपल्या घरातच गर्भलिंग चाचणी करत असताना विजय लक्ष्मण कोळस्करला ताब्यात घेतले होते. पोलिसांनी आतापर्यंत डॉक्टर बाबुराव दत्तू पाटील (वय 52, रा. बामणे, ता. कागल) सोनाळी येथील सागर शिवाजी बचाटे दिगंबर मारुती किल्लेदार, नर्स शीला शामराव माने (वय 40, दोघेही रा. तिटवे, ता. राधानगरी) सर्जेराव अशोक पाटील आणि हातकणंगले तालुक्यातील रुई येथील अमोल सुर्वे या एजंटाना यापूर्वी अटक केली आहे. यानंतर या सर्वांना पोलीस कोठडी सुनावण्यात आली आहे.
भुदरगड तालुक्यातील मडिलगे खूर्दमध्ये आपल्या घरातच गर्भलिंग चाचणी करत असताना विजय लक्ष्मण कोळस्करला ताब्यात घेतले होते. पोलिस व आरोग्य पथकाने केलेल्या संयुक्त कारवाईत कार, सोनोग्राफी मशीन, गर्भनिरोधक गोळ्या जप्त करण्यात आल्या होत्या. दरम्यान, विजय कोळस्कर हा बारावी नापास असून एमआयडीसीमध्ये नोकरी करत होता. गर्भलिंग चाचणी प्रकरणी बोगस डॉक्टर श्रीमंत पाटील (रा. परिते. ता. करवीर) मदतनीस दत्तात्रय पाटील (रा. शिरसे ता. राधानगरी) आणि सुनील ढेरे (रा. आमजाई व्हरवडे, ता. राधानगरी) या तिघांना रंगेहाथ पकडण्यात आले होचे. यानंतर पोलिसांनी आतापर्यंत 8 जणांना बेड्या ठोकल्या आहेत. (Kolhapur illegal sex determination racket)
दरम्यान, कोल्हापूर जिल्ह्यातील करवीर, राधानगरी, कागल आणि भुदरगड आणि हातकणंगले याच पाच तालुक्यांमध्ये पोलिसांनी तपासाची सूत्रे फिरवत मुख्य सुत्रधार विजय कोळस्करसह 8 जणांच्या मुसक्या आवळल्या आहेत.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
