Kolhapur Rain Update : कोल्हापूर जिल्ह्यातील 74 बंधारे पाण्याखाली, कोणते मार्ग सुरु आणि कोणते बंद? जाणून घ्या एकाच ठिकाणी
Kolhapur Rain Update : कोल्हापूर शहरासह जिल्ह्यात पावसाने गेल्या 24 तासांपासून काहीशी विश्रांती घेतली आहे. तथापि, धरण पाणलोट क्षेत्रात होत असलेल्या पावसाने नद्यांच्या पाणी पातळीत वाढ सुरु आहे.
Kolhapur Rain Update : कोल्हापूर शहरासह जिल्ह्यात पावसाने (Kolhapur Rain) गेल्या 24 तासांपासून काहीशी घेतली आहे. तथापि, धरण पाणलोट क्षेत्रात होत असलेल्या पावसाने नद्यांच्या पाणी पातळीत वाढ सुरु आहे. राजाराम बंधाऱ्यावर पंचगंगेची पाणी पातळी दुपारी 1पर्यंत 41 फुट 8 इंचावर पोहोचली आहे.
जिल्ह्यातील 74 बंधारे अजूनही पाण्याखाली आहेत. कोल्हापूर जिल्ह्यातील 7 राज्यमार्गांवर पाणी आलं आहे. तसेच जिल्ह्यातील प्रमुख 24 मार्ग पाणी आल्याने बंद आहेत. त्यामुळे जिल्ह्यातील 31 मार्गांवर थेट संपर्क तुटल्याने पर्यायी मार्गाने वाहतूक सुरु आहे. 7 राज्यमार्गांवर 12 ठिकाणी पाण्याने वेढा दिला आहे. प्रमुख 24 मार्गावर 26 ठिकाणी पाण्याचा विळखा आहे.
राधानगरी धरणात 234.76 दलघमी पाणीसाठा झाला आहे. सकाळी 7 वाजताच्या अहवालानुसार राधानगरी धरणाचे स्वयंचलित दरवाजे क्र. 3 व 6 खुले असून सध्या धरणातून 4 हजार 456 क्युसेक पाण्याचा विसर्ग सुरू आहे.
जिल्ह्यातील कोणते बंधारे पाण्याखाली आहेत?
- पंचगंगा नदी- शिंगणापूर, राजाराम, सुर्वे, रुई, इचलकरंजी, तेरवाड व शिरोळ
- भोगावती नदी- हळदी, सरकारी कोगे, राशिवडे, शिरगांव, तारळे व खडक कोगे
- कासारी नदी- वालोली, यवलूज, पुनाळ तिरपण, ठाणे आळवे, बाजारभोगाव, पेंडाखळे, कांटे, करंजफेन व कुंभेवाडी
- कडवी नदी- सवते सावर्डे, शिरगांव, सरुड पाटणे, कोपार्डे, भोसलेवाडी व वालुर
- वेदगंगा नदी- कुरणी, बस्तवडे, चिखली, निळपण, वाघापूर, म्हसवे, गारगोटी, शेणगांव व शेळोली
- घटप्रभा नदी- कानर्डे सावर्डे, हिंडगांव व अडकूर
- वारणा नदी- चिंचोली, माणगांव, कोडोली, तांदुळवाडी, शिगांव, खोची, मांगलेसावर्डे, चावरे व दानोळी
- दुधगंगा नदी- दत्तवाड, सुळकुड, सिध्दनेर्ली, बाचणी, सुळंबी, तुरंबे व वाळवे
- कुंभी नदी- शेणवडे, कळे, वेतवडे व मांडुकली
- तुळशी नदी- बीड, आरे व बाचणी
- ताम्रपर्णी नदी- कुर्तनवाडी, चंदगड, कोवाड, हल्लारवाडी व कोकरे
- धामणी नदी- सुळे व आंबर्डे
- हिरण्यकेशी नदी- निलजी, ऐनापूर, गिजवणे व चांदेवाडी
जिल्ह्यातील धरणांमध्ये पुढीलप्रमाणे पाणीसाठा
राधानगरी 234.76 दलघमी, तुळशी 91.53 दलघमी, वारणा 883.92 दलघमी, दूधगंगा 610.34 दलघमी, कासारी 64.49 दलघमी, कडवी 71.24 दलघमी, कुंभी 66.82 दलघमी, पाटगाव 94.61 दलघमी, चिकोत्रा 40.72 दलघमी, घटप्रभा 44.17 दलघमी, आंबेआहोळ 30.98 जंगमहट्टी, जांबरे, चित्री मध्यम प्रकल्प व कोदे लघू प्रकल्प पूर्ण क्षमतेने भरले आहेत.
बंधाऱ्यांची पाणी पातळी
राजाराम 41.6 फूट, सुर्वे 38.11 फूट, रुई 68.8 फूट, इचलकरंजी 63.6 फूट, तेरवाड 57.3 फूट, शिरोळ 53.6 फूट, नृसिंहवाडी 52.9 फूट, राजापूर 41.7 फूट तर नजीकच्या सांगली 26.6 फूट व अंकली 32.2 फूट अशी आहे.
गेल्या 24 तासात राधानगरी तालुक्यात सर्वाधिक 63.4 मिमी पाऊस
जिल्ह्यात काल दिवसभरात राधानगरी तालुक्यात 63.4 मिमी पाऊस पडल्याची नोंद झाली आहे. शिरोळमध्ये अवघ्या 1.3 मिमी पावसाची नोंद झाली.
जिल्ह्यात 24 तासात पडलेला एकूण पाऊस मिमी मध्ये पुढीलप्रमाणे
हातकणंगले- 3.4 मिमी, शिरोळ -1.3 मिमी, पन्हाळा- 28.7 मिमी, शाहूवाडी- 38.1 मिमी, राधानगरी- 63.4 मिमी, गगनबावडा- 55.4 मिमी, करवीर- 8.8 मिमी, कागल- 14.1 मिमी, गडहिंग्लज- 12.7 मिमी, भुदरगड- 32.4 मिमी, आजरा- 65 मिमी, चंदगड- 52.7 मिमी असा एकूण 26.1 मिमी पाऊस पडल्याची नोंद आहे.
महत्त्वाच्या बातम्या
ट्रेंडिंग न्यूज
