Kantara 2 : ऋषभ शेट्टीने केली 'कांतारा 2' च्या तयारीला सुरुवात; जाणून घ्या शूटिंगपासून ते रिलीजपर्यंत सर्वकाही...

Rishab Shetty : ऋषभ शेट्टीने 'कांतारा 2' च्या कथानकावर काम करायला सुरुवात केली आहे.

Kantara 2

Rishab Shetty Kantara 2 : दाक्षिणात्य सुपरस्टार ऋषभ शेट्टीचा (Rishab Shetty) 'कांतारा' (Kantara) हा सिनेमा चांगलाच गाजला. अल्पावधीतच हा सिनेमा ब्लॉकबस्टर ठरला. आता या सिनेमाच्या यशानंतर ऋषभने या सिनेमाच्या दुसऱ्या भागाची म्हणजेच 'कांतारा 2'च्या (Kantara 2) तयारीला सुरुवात केली आहे. 

ऋषभने आता 'कांतारा 2'च्या कथानकावर काम करायला सुरुवात केली आहे. 'कांतारा'चा दुसरा भाग हा या सिनेमाचा सीक्वल नसून प्रीक्वल असणार आहे. जून महिन्यात या सिनेमाच्या शूटिंगला सुरुवात होणार आहे. पहिला भाग प्रेक्षकांच्या पसंतीस उतरला होता. त्यामुळे आता या सिनेमाच्या दुसरा भागदेखील बॉक्स ऑफिसवर आपली जादू दाखवू शकेल असा अंदाज बांधला जात आहे.

'कांतारा 2'चं कथानक काय असेल? 

देवता आणि राजा यांच्यातील नात्यावर भाष्य करणारा 'कांतारा 2' हा सिनेमा असणार आहे. माणूस आणि निसर्ग यांच्यातील संघर्ष या सिनेमात दाखवण्यात येणार आहे. राजाने गावकऱ्यांचे आणि त्यांच्या जमिनीचे रक्षण करण्याचा करार देवतेशी केला होता. पण नंतर परिस्थिती कशी बदलत जाते हे सिनेमात दाखवण्यात येणार आहे.  

'कांतारा 2'च्या शूटिंगला होणार सुरुवात (Kantara 2 Shooting)

मीडिया रिपोर्टनुसार,'कांतारा 2' या सिनेमाच्या शूटिंगला जून महिन्यात सुरुवात होणार आहे. सिनेमाच्या कथानकाला पावसाळ्यातील आल्हाददायक वातावरणाची गरज आहे. जून महिन्यात सिनेमाच्या शूटिंगला सुरुवात होणार असून पुढील वर्षी एप्रिल किंवा मे महिन्यात हा सिनेमा सिनेमागृहात प्रदर्शित होईल. 

'कांतारा 2'चं बजेट वाढवलं

'कांतारा'च्या पहिल्या भागाची निर्मिती 16 कोटी रुपयांत करण्यात आली होती. तर जगभरातील बॉक्स ऑफिसवर या सिनेमाने 400 कोटींपेक्षा अधिक कमाई केली. आधी हा सिनेमा फक्त कन्नड भाषेत प्रदर्शित करण्यात आला होता. पण सिनेमाची लोकप्रियता लक्षात घेत निर्मात्यांनी हा सिनेमा तामिळ, मल्याळम, तेलुगू आणि हिंदी या भाषांमध्येदेखील प्रदर्शित केला. आता 'कांतारा 2' हा सिनेमा अधिक दर्जेदार बनवण्यासाठी निर्मात्यांनी या सिनेमाचं बजेट वाढवलं आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Netflix India (@netflix_in)

'कांतारा' आता घरबसल्या पाहा

सिनेमागृहात धुमाकूळ घातल्यानंतर 'कांतारा' हा सिनेमा ओटीटी प्लॅटफॉर्मवर प्रदर्शित करण्यात आला आहे. आता या सिनेमाचा 'वर्ल्ड टेलिव्हिजन प्रीमिअर' (World Television Premiere) होणार आहे. त्यामुळे आता घरबसल्या 'कांतारा'ची जादू पाहण्यासाठी सिनेप्रेमी उत्सुक आहेत. 

'कांतारा' या सिनेमात ऋषभ शेट्टी, किशोर, अच्युत कुमार आणि सप्तमी गौडा मुख्य भूमिकेत होते. त्यामुळे आता या सिनेमाच्या दुसऱ्या भागात कोणते कलाकार असतील याची चाहत्यांना उत्सुकता आहे. पहिल्या भागाप्रमाणे दुसऱ्या भागाची क्रेझ चाहत्यांमध्ये कायम आहे. 

संबंधित बातम्या