एक्स्प्लोर

App Ban | भारत सरकारकडून 43 मोबाईल अॅप्सवर बंदी, सार्वभौमत्वाला आणि एकतेला धोका असल्याची दिली माहिती

हे अ‍ॅप्स भारताच्या सार्वभौमत्व, ऐक्य आणि सुरक्षेसाठी धोकादायक आहे, अशी माहिती केंद्र सरकारने ही कारवाई केली.

By : एबीपी माझा वेब टीम | Updated at : 24 Nov 2020 07:54 PM (IST)

Indian Government Blocks 43 More Chinese Apps Under Section 69A of IT Act latest update App Ban | भारत सरकारकडून 43 मोबाईल अॅप्सवर बंदी, सार्वभौमत्वाला आणि एकतेला धोका असल्याची दिली माहिती

नवी दिल्ली : भारत सरकारच्या इलेक्ट्रॉनिक्स आणि माहिती तंत्रज्ञान मंत्रालयाने आज माहिती तंत्रज्ञान कायद्याच्या कलम 69 अ अंतर्गत 43 मोबाइल अ‍ॅप्सच्या वापरावर बंदी घातली आहे. भारताची सार्वभौमता आणि अखंडता, भारताचे संरक्षण, राज्याची आणि नागरिकांच्या सुरक्षेसाठी हानिकारक असलेल्या अ‍ॅप्सच्या संदर्भात ही कारवाई करण्यात आली आहे. गृह मंत्रालयाच्या भारतीय सायबर गुन्हे समन्वय केंद्राकडून प्राप्त झालेल्या सर्वसमावेशक अहवालाच्या आधारे इलेक्ट्रॉनिक्स आणि माहिती तंत्रज्ञान मंत्रालयाने भारतातील वापरकर्त्यांच्या वापरासाठी या अॅप्सवर बंदी घालण्याचा आदेश जारी केला आहे.

यापूर्वी माहिती तंत्रज्ञान कायद्याच्या कलम 69 अ अंतर्गत 29 जून, 2020 रोजी भारत सरकारने 59 मोबाइल अ‍ॅप्सवर आणि 2 सप्टेंबर, 2020 रोजी आणखी 118 अॅप्सवर आणखी बंदी घातली होती. नागरिकांच्या हिताचे संरक्षण करण्यासाठी आणि सर्व आघाड्यांवर भारताची सार्वभौमत्व आणि अखंडता जपण्यासाठी सरकार वचनबद्ध असून सरकार हे सुनिश्चित करण्यासाठी शक्य ती सर्व पावले उचलेल.

Govt of India blocks 43 mobile apps from accessing by users in India, under section 69A of the Information Technology Act. Action taken based on inputs regarding these apps for engaging in activities prejudicial to India's sovereignty, integrity, defence, security & public order. pic.twitter.com/ACVffY3SKF
— ANI (@ANI) November 24, 2020