Parliament Special Session: आजपासून संसदेचं कामकाज नव्या इमारतीतून, गणेश चतुर्थीच्या मुहूर्तावर नव्या संसद भवनातून कामाचा 'श्रीगणेशा'
Parliament Special Session: आजपासून नवीन संसद भवनात अधिवेशनाचं कामकाज सुरू होणार आहे.
एबीपी माझा वेब टीम Last Updated: 19 Sep 2023 02:53 PM
पार्श्वभूमी
संसदेच्या विशेष अधिवेशनाचा आज दुसरा दिवस आहे. आजपासून नवीन संसद भवनात अधिवेशनाचं कामकाज सुरू होणार आहे. याआधी जुन्या संसदेत लोकसभा आणि राज्यसभेच्या सर्व खासदारांचे एकत्र फोटोशूट झाले. यामध्ये पीएम मोदी,...More
संसदेच्या विशेष अधिवेशनाचा आज दुसरा दिवस आहे. आजपासून नवीन संसद भवनात अधिवेशनाचं कामकाज सुरू होणार आहे. याआधी जुन्या संसदेत लोकसभा आणि राज्यसभेच्या सर्व खासदारांचे एकत्र फोटोशूट झाले. यामध्ये पीएम मोदी, लोकसभा अध्यक्ष ओम बिर्ला, उपराष्ट्रपती जगदीप धनखर, सोनिया गांधी, मल्लिकार्जुन खर्गे यांच्यासह लोकसभा आणि राज्यसभेचे सर्व सदस्य उपस्थित होते. महिला आरक्षण विधेयकाला मोदी मंत्रिमंडळानं सोमवारी विशेष अधिवेशनात मंजुरी दिल्याची माहिती सूत्रांनी दिली आहे.केंद्र सरकार लवकरच महिला आरक्षण विधेयक लोकसभेत मांडू शकतं, असं बोललं जात आहे. महिला आरक्षण विधेयक सभागृहाच्या पटलावर येण्याची ही पहिलीच वेळ नाही. हा महत्त्वाचा मुद्दा 1996 पासूनच्या 27 वर्षांत संसदेत अनेकदा उपस्थित झाला आहे. मात्र दोन्ही सभागृहात ते मंजूर होऊ शकले नाही. 2010 मध्ये राज्यसभेतही गदारोळात तो मंजूर झाला होता. पण ते लोकसभेत मंजूर होऊ शकले नाही.
Women Reservation Bill: सध्या लोकसभेत महिला खासदारांची टक्केवारी किती?
Women Reservation Bill: सध्याच्या लोकसभेत 78 महिला खासदार आहेत, जे प्रमाण एकूण 543 च्या 15 टक्क्यांपेक्षा कमी आहे. आंध्र प्रदेश, अरुणाचल प्रदेश, आसाम, गोवा, गुजरात, हिमाचल प्रदेश, कर्नाटक, केरळ, मध्य प्रदेश, महाराष्ट्र, मणिपूर, मेघालय, ओडिशा, सिक्कीम, तामिळनाडू, तेलंगणा, त्रिपुरा आणि पुद्दुचेरीसह अनेक राज्यांच्या विधानसभांमध्ये महिलांचे प्रतिनिधित्व 10 टक्क्यांहूनही कमी आहे. दरम्यान, गेल्या काही आठवड्यात काँग्रेस, बीजू जनता दल (BJD) आणि भारत राष्ट्र समिती (BRS) सह अनेक पक्षांनी महिला आरक्षण विधेयक आणण्याची मागणी केली आहे.